المطلقات من كم سنه والمطلقات حديثاً , تعالو ابيكــم
السلام عليكم ورحمة الله
اولاً كل عام وانتم بخير وشهر مبارك عليكم جميعاً
الموضوع مخبوص شوي ماتعودت اكتب مواضيع من انشائي ولكن :
فتحت هالموضوع من اجل ان نتناقش ونواسي بعض محتاجه اتكلم مع ناس عايشين نفس الوضع
و عندي كم سؤال بما أنو كلنا نفس الوضع وعارفين وش احاسيس بعض اكثر
انا طبعاً تطلقت بأرادتي رغم رفضه للموضوع ولكن ماكان فيه تناسب ابد بيننا كانت عندي حالة نفور رهيبه وما ارتحت له كان زي ماتقولون في وادي والزواج في وادي آخر ومآخذ الحياه بكبرها لعب وهبال
عالعموم
ابي اعرف متى الوحده تنسى انها مرت بتجربه فاشله حالة الهموم والكآبه اللي تجي وتروح متى تختفي كم احتاج من الوقت حتى انسى انه دخل حياتي شخص بالغلط .
انا تطلقت من ملكه قبل الزواج . وبرغبتي رغم انه ماكان موافق على الطلاق لكن كان من المستحيل اكمل معه لأسباب كثيره مابي اتكلم فيه الله يرزقه بمن هي اخير مني ويعوضه خير يارب
نرجع للموضوع
الوحده تتحسر انها وافقت على شخص ودخل بيتهم وتواصلت معه وشافها ؟ وهم مو لبعضهم
ياليت اني ماعرفته ولا شفته . ولكن قدر الله وماشاء فعل
وش الحل لما تجيني هموم ومخاوف على مستقبلي او انه يمكن ماينساني ؟
وش الحل لما تجيني ضيقه وأتألم واحس بفراغ عاطفي ؟
هل فيكم وحده تطلقت وابتسمت لها الحياه وعاشت طبيعي من بعد الطلاق ؟
وتزوجت ؟ وكم الفتره اللي قضتها بين طلاقها وزواجها او خطوبتها ؟
وشكراً
06-08-2011, 06:27 AM
ضوابط المشاركة
العرض الشجري