السلام عليكم

ودي أتكلم عن وضعي مع خطيبي واسمع راي احد محايد

ملكتنا في حدود شهر ونص راح نصفها ، هو طيب وكريم وفيه صفات كثير حلوة بس مشكلتي معه انه صريح اكثر من اللازم وياخذ كل شي بجدية

اعرف ان الصراحة صفة ممتازة ومريحة بالتعامل بس مو دايما ، احيانا تكون تضايق

مثلا يقول لي : أنا ما أحب المرأة النكدية ، المرأة لازم تدور رضى وراحة وسعادة زوجها دائماً لان الرجال ممكن يلقى غيرها بأي وقت ، مو ملزوم يتحمل وحده ماتريحه
سكت ومارديت عليه بس لما قفلت السماعة جلست أبكي ، كيف ممكن احس بالامان مع واحد يفكر كذا ،

لمّا سألته عن منع الحمل واني راح أخذ حبوب قال القرار لك ، بس تراها تضرك انتِ وما تضرني أنا
وبعدين قال وهو يضحك كنت باقولك لو سببت لك عقم اقدر أتزوج عليك بس خفت تزعلين

هذا كلام ينقال بفترة ملكة ؟ اللي المفروض تكون العكس ، ودي احس انه متعلق فيني ، صحيح انه يقول انه يحبني اكثر من مرة بس ولو ، احس انه يشوف انه يقدر يلقى غيري

لما ارسل له مسج أني محظوظة فيك مايرد علي وبالمكالمة اللي بعدها يقول شفت مسجك بس ترى أنا مو كامل ، فيه اشياء كثير ماراح تعجبك فيني .
طيب أنا اعرف ومو متوقعة منك الكمال بس عادي اذا قلت لك كلام حلو ، يتعامل معي زي مايتعامل بشغله ، كل شي على بلاطة من البداية بدون مجاملات ، وينكسر خاطري كثيير

برضو كل عيوبه قالها لي من اول مكالمة لإنه صريح ، يعني كل شي عنده واقعي جداً لدرجة توجع صراحة
غير كذا ولا مرة مدحني ، أنا واثقة من نفسي الحمدلله بس بانبسط كثير لو سمعت منه كلام حلو عني ، الى الحين ماهانت عليه يقول كلمة حلوة عني

كيف أغيّره ؟ ما أبغى اقول له كلامي اللي فوق كله واحسسه أني حساسة واطفشه و انه كلامه دايما مزعج لي وماعاد يحس براحة لما يتكلم معي ، بس بنفس الوقت ودي انه يتعامل معي كبنت ويراعيني بالكلام شوي على الاقل
ولو على كيفي وقفت مكالمات عشان ارتاح نفسيا قبل الزواج بدل ما اجلس ابكي بعد كل مكالمة بس ما اقدر اطلب منه هالطلب*

آنا خطيبي كآآن كذآآ وبعدين جلس يمصخهآآمعي
حسيت انه في شي موطبيعي مو وآثق من نفسه ولآ عنده شخصيه بس عندهــ لسآآنهــ وكذب
وكلآم فآآضي وعديم الآحسآآآآآآس..طآآلبهــ الطلآق
خطيبك فآآقد الثقه من نفسه مو وآآثق من نفسه ولآ من غيرهــ ...
حبيبتي .. صآآريح وجآآدليهــ في كلآم بس بقنآآعه واسلوب حلو..قوليهــ صحيح الصرآحهــ
رآآحهــ بس موب بطريقه ذي تجريح عدل حوآرك وآسلوب
في الكلآم الرسول صلى الله عليه وسلم كآآن يجآآآآآآآآمل بطريقه حلوهـ
آنا لي آحسآآآس ومشآآعر ومن حقي اصآآرحك عن نفسي آناولآ غيري يتحمل الكلآم الجآآآآآآآآآرح ....الخ
صآآآآآآريح وضحيله انه لك آحسآآآس ومشآآعر

__________________
قآل آلرسول صلى لله عليه وسلم
آفضل آلذكر:لآآله آلآآلله,’.

اللي فهمته من كلامك .. أن خطيبك ما عنده ثقة في نفسه
وهذي ربما تكون شيء ايجابي في اغلب الامور .. كيف ؟
يدل على أنه ما واثق بالمسؤولية وأنه ما عنده خبره في التعامل مع البنات ( لا تفهمين غلط )
أما بخصوص أنه صريح ؟؟ لا تحكمين عليه من الحين
ولكن فيه طريقة تعرفين فيها ؟
إذا كان له اصحاب أو اصدقاء يبحثون عنه ( يعني هم اللي يجون عنده ) فاعرفي أنه لا يوجد مشكلة ان شاء الله
لأن الصريح اكثر من اللزوم ما أحد يبغى يجلس عنده ( عشان ما يتكدر .. يكفي الالام الدنيا )

ويا أختي صدقيني شيء طبيعي لأن أنتم لسى توكم متعرفين على بعض وما فيه موضوع نقاش محدد
والمشكلة واضحة أن خطيبك مو متمرس على هالامور نوعاً ما
لكن اللي يعيينك باين انه من النوع اللي يبغى يرضيك لكن مو عارف
ومثل هالشخصية الله يعينك عليك بالعكس راح تنبسطي منه بعد الزواج إن شاء الله
خليك متفائلة .. وربي يوفقك إن شاء الله

أنا مع المكآلمآت وقت الملكة , لاكن ضد كثرتهآ لأن الشي لازآد عن حده إنقلب ضده(مكآلمه بالأسبوع) كويس لك إنتي تحديداً
وحبذا لو تنطشية خلية هو اللي يتصل
لآني اتذكر بـ فترة ملكتي لآتصلت آم تآمر أتلخبطـ ودآيم مآ أكون على إستعداد
,,
وطبيعي جداً يكون فيه إختلاف بينكم بالمكآلمات لأنك أول إنسآنة يكلمها ودآمه مآمدحك لسى بآين من (أسلوبه) إن مآله بالمعآكسات

شكللله مررررا صريح
تقدري توضحي له باسلوب ان صراحته بتوديه بمشااكل

::
خطيبك واحد خام وهذه نعمة عظيمة
وربما متأثر ببيئته ويجالس الشيبان كثير لذلك جاد وصريح وماعنده مجاملة وتلطف في الحديث

لهذا أنتِ علميه الأسلوب الحلو
يعني إذا قال لك الحبوب بتضرك
قولي له يتغنج ورقة (وأنت مو خايف على حبيبتك إلي تموت فيك..؟)
كثري له من الأنوثة والإغراء خليه يشتاق لصوتك وكلامك ودلالك

::
زوجك رجل جاف لم يعتاد على وجود الأنثى في حياته
لم يعتاد على اللطف والتعامل الجميل

لذلك أنتِ علميه أنقليه من حياة التصحر إلى حياة التلطف والحب

::
وفقك الله

حبيت انبهك ان حبوب المنع خطيرررررررررره باول الزواج,انتبهي من هاذي النقطه...
الشي الثاني يمكن طبيعته كذا ومايحب يحسسك انه افضل منك بمعنى آخر متواضع لابعد الحدود ومثل ماتفضلوا الاعضاء الي قبلي يمكن ماعنده ثقه بنفسه لاتكبري السالفه ياعمري وابدي انتي بهالاشياء هو زوجك وحلالك علميه انتي بالرومانسيه والكلام الحلو وراح مع الوقت يتعود باذن الله وفعلا هذا الشي بحد ذاته يطمنك ان ماله خبره بالتعامل مع البنات يعني كويس هيك^^
ولاتكثري مكالمات خليه هو يشتاق لك وتغلي عليه بس مو مررره وباذن الله ماتشوفين الا الي يسرك......موفقه يالغلا..

__________________

ليش تبكين ..
ياليت تقرين انمآط الرجال .. وراح تعرفين كيف تتعاملين معاه
وعلى فكره هالنوووعيه سسهله من الازواج .. لكن انتي ابد لاتكونين الضعيفه ..
خليك قدامه البنت الذكيه الفاهمه الواعيه
الواثقه من نفسسها ..

والله يوفقني ويوفقك

يا أختي أفهمي زوجك

احس أطباعه غريبه

ونصيحه اتركيه فتره لاتردين على رسايله

إذا اتصل مثلا لاتردين وبعد فتره قولي كنت مشغوله

حسسيه أنه فاقدك

اما تردين على كل إتصال

لا

ماراح تستفيدين شي \

حسسيه من الآن بأهميتك

وصدقيني إذا مشاكل بينكم من الآن

راح تستمر لبعد الزواج

الأفضل عالي مشاكلك الآن


والله يوفقك يار ب

__________________
الله يصبرني على فراقكم يا أهلي
الله يجمعني معكم بالقريب العاجل