السلام عليكم ورحمة الله وبركاته..

زوجتي تشارك في المنتديات..وانا ماعندي مانع..اذا كانت منتديات ترجع عليها بفائدة..وحتى لو ماكانت تستفيد..ماعندي مانع طالما لا ضرر فيها

لكنها تشارك في مواضيع الألعاب اللي ما منها فايدة..المملة..كنت مستغرب من استمراريتهم على نفس موال اللعب الممـــــــــــــــــــــــــــــــــــــــــــل.. بدون كلل او ضجر منها

يرددون نفس الكلمات..مافيه اي جديد..ليش مشاركات الموضوع تتعدى الألوف..ايش الممتع فيها بالضبط ؟؟

اكتشفت لأنها مختلطة بين الرجال والنساء..وكلها دلع وتغنج وتميلح بين بعضهم..يالله نهزم الأولاد..ويالله نهزم البنات..وخضوع في الأقوال..الخ

كلمت زوجتي..وسألتها عن هذي الألعاب..قالت متعة ووناسة وتضيع وقت..الخ
فقلت لها خلاص..تحبين مواضيع الألعاب اللي زي كذا..روحي منتديات نسائية فقط..وخذي رااااحتك
رفضت تخرج من المنتدى اللي هي فيه..لأن صحباتها فيه وتعودت عليه..الخ
فرديت عليها..طيب لا تتكلمين مع الرجال..ولاتخضعين بقولك معهم..فرفضت تقول..كلهم محترمين وردودهم ذوق ومافيها شئ..عادي
ونقاشي معاها كل ماله يزيد شدة وحرارة..لمن شفت الوضع كذا..وهي معندة ومصرة

وقفت نقاش..واعتذرت..وحطيت نفسي انا الغلطان..<< كله عشان الفرح قريب..مابقى عنه الا ايام معدودة..فقلت مو حلوة مشاكل في الوقت هذا

والمشكلة اعالجها بعد الزواج افضل..أبغى اقتراحاتكم ..كيف احلها ؟؟
علما بأني زوجتي حديثة عهد بإنترنت ..+ انا ساعدتها فيه
لدرجة سويت لها منتدى خاص..عشان تتعلم كل حاجة فيه

الرجاء::إذا تشوفون مشاركة البنت في هذي الألعاب وبالطريقة اللي ذكرتها..عادي..فلا تردون..لأني انا اشوفها مشكلة وابغى لها حل..
واذا مصِرين تردون..فردوا بدون تجريح..وبأسلوب حسن تبينون وجهة نظركم
وتعوذوا من ابليس

المشاركة الأصلية كتبت بواسطة نسمـــة السلام عليكمـ انا اشوف ان المشكلة مش في الالعاب بقدر ما هي في رفضها لان تلبي لك هذا الطلب ولا تحاول ترضيك فيه. خصوصاً انه مو موضوع مهم علشان تتمسك فيه لهذه الدرجة. صحيح هي من حقها تعمل الي تشوفه مناسب وما فيه خطأ لكن انتو في احلى فترة في حياتكمـ والمفروض تحاولون ارضاء بعض باي طريقة. يعني اذا بعدين صادفتكم امور اكبر كيف راح تحلوها؟ الله يسعدكمـ ويبعد عنكمـ اي منغصات.

المشاركة الأصلية كتبت بواسطة هتلر زماني مالك و مال النت و انا اخوك ,, لا تزوجت علمها نت على كيفك على الاقل بتكون عندك و تحت نظرك ,, لكن خلك على موقفك الحازم و احذر ان تجعلها تتمادى و تستمر في اللعب و المزاح مع الشباب في المنتديات فوالله ان عواقبه و خيمه و حتى لو لم تكن هناك عواقب فلا احد يرضى بان تكون زوجته تتسلى مع الشباب في المنتديات ,, وانت شاب وتعلم ان الشباب لهم اساليب عديده في فن الاغواء و الفتاة مهما كانت فربما تتاثر ,, خصوصا انك وفرت لها البدائل وهي المنتديات النسائية و لكنها رفضت ,, فاخذر اخي الكريم ووفقك الله و بارك لك في زواجك

المشاركة الأصلية كتبت بواسطة الأمير الحزين هاي منتدى وهيج تسوي وية زوجتك لعد لو مجتمعكم مختلط ايش كان سويت ؟؟؟ تحياتي

المشاركة الأصلية كتبت بواسطة أنيسة الروح اخي زوجتك كم عمرها ؟؟؟؟؟؟؟؟؟