ضربت زوجي وضربني بشهر الخير ربي يغفرلي(حُلت المشكله الرد 44)
السلام عليكم ورحمة الله وبركاته
كل عام وانتو بخييير
غبت وغبت والتهيت ورجعت لكم بحمل على صدري كبر الجبل
زي ماهو واضح بالعنوان قبل كم يوم وبسبب تراكمات نفسيه وضغوط من كل الجهات
وزوجي بعد ماقصر معاي في هالضغوط
ضربت زوجي 00
كيييف خذوو القصه00
طبعا زي مو البعض عارف انا الزوجه الاولى لزوجي مريت معاه بسلسله من المشاكل بس ولا عمري فكرت امد يدي عليه
كانت ليلتي وبحكم اني هالايام ماجلس بالبيت الا قليل بسبب تعب ضروف عائيله خاصه هو عارفها ومقدر سبب غيابي يعني معطيته فرصه كبيره ومساحه ينفرد مع نمبر توو
ويسوي الي براسه
بيومي اخذها السوق وتاخرعلي كثيير
وراجع لي متعطر ومتهنتك كنت ناويه اسكت واعدي الموضوع بس لما شفتو مغير ملابسه ومتعطر
طرررت فيه وقطعت فانيلته وضربته بالبدايه سكت وماتكلم وجلس
وكنت جالسه الم عفشي المووهم جاء وجالس يتكلم ويذكر نمبر توو انو طيوبه ولو يغيب عنها ماتسوي سواتي
روحت له باضربه وبطلب طلاقي الا الاخ قااام وكفخني وسمعني كلام زي الزفت00
\
ادري بتقولون تستاهلي جبتيه لنفسك!!
الموهم وبالمختصر تركت بيتي وحاليا عند اهلي
بس متندمه كثيييييييييييييييييييييييييييييييييييييييييييييييي ير اني ضربته قسم بالله بعدد شعر راسي
مدري وين كان عقلي تمنيت انتقم منو بطريقه ارقى
بس والله العظيم كل اللي حوولي شايفين الظغط اللي كان علي وراحميني الا هووو 00
بالاضافه انو طول رمضان بيومها يفطرويتسحر عندها وبيومي يفطرويتسحر عند امه بحجة متعود على كذا طيب ويومها
يقول عشان بيته 2بعيد يضطر يفطر معاها سكت وطنشت قولت بخاطري بستين داهيه يكفيني اللي عندي من ضغوط والشي اللي مايجي بطيب خاطر مانبيه00
بالاضافه انو منقص علي باغراض البيت كل شوي يقوول بكرا وماعندي000 وواشياء ثانيه كثيير
الموهم هذا اللي صار حاليا ببيت اهلي وهو مطنش
كنت بلطف الجو قبل يوم دقيت عليه وسويت حجه بكسوة عيالي
وطلبته بأدب قال خلاص اشتريت لهم وقفل السماعه بوجهي
واللحين وربي مهمومه وضايعه شي براسي يقول تطلقي انتي مو قد الحمل ذا لانو مو قادره اتقبل موضوع زواجه وهو بعد مايساعد
تقصير بكل شي ويقول اصبري علي وقفي معاي بيني وبين نفسي اقوول انا بفهم وشلون اصبر عليك وانت قاهرني بثانيه وتنقص باحتياجاتي انا وعيالي منشان بيتك الثاني يمشي طيب اذا مو قد الزواج ليه تتزوج!!
يقول ورطه واندمت عليها طيب وانا شو ذنبي اتحمل اغلاطك
للمعلوميه زوجي انسان مريض بعدم الاستقرار00
ياعالم يامعددين اتقوا لله بحريمكم بيوم اي وحده فيهم انطق ببيتك اللي عليه الدور ووسوي كل اللي براسك ونفس الشي بالبيت الثاني
مو تناقز مرره هنا ومرره هناك تاجج الغيره بقلوب حريمك
وتضيع وقتك بالمناقزه وتحرم عيالك من شوفتك وبعدها تقوول اصبروا ورابطوا احنا اوادم لنا طاقه00
واللي مو قد الزواج لا يتزوج ويتعب بنات الناس00
__________________
(سيدة الموقف)
لم ننساك ونسأل الله ان تكوني أنتي وأولادك بخير
21-08-2011, 11:02 PM
ضوابط المشاركة
العرض الشجري