28-08-2011, 01:47 AM
28-08-2011, 01:52 AM
28-08-2011, 02:44 AM
|
المشاركة الأصلية كتبت بواسطة اة ياروحى انا
السلام عليكم ورحمه الله وبركاته
و عليكم السلام و رحمة الله و بركاته انطلاقا من حبى لهذا المنتدى واصحابه ومالمست فى البعض من رجاحه العقل والحكمه احب ان اطرح مشاكلى احيانا لاخذ الاراء ولكن اتمنى ممن يرد على ان يلتزم الامانه وان لايكون من ردة فقط القصد التشويش والله من وراء القصد انا متملكه من اشهر واعانى من زوجى من بعض الامور ساطرحها بين ايديكم فانا قليله خبرة وساحاول ان اختصر اولا اتمنى ان تعرفو انى ليس لدى خبرة بالحياة الزوجيه ولا التعامل مع الرجل فانا احاول تثقيف نفسى بالقراءة اول معاناة لى مع زوج وسبق طرحتها تغيرة بالبدايه كان شديد اللهفه والمكالمات والكلام ثم بدء بالتناقص ووصلنا لمرحله عادى جدا يسال عن الاحوال فكانى مع رجل اخر وهذا مايخنقنى احيانا افتقادى للجو الاول فبعد ان كان يبحث عنى ويهتم ولو ارسل او اتصل مباشرة يرد واشعر انى مهمه الامر تقريبا شبه انتهى واصبحت انا من ابحث عنه وارسل كثير واحيانا يرد واحيانا لا واهلى وصديقاتى يقولون اثقلى اثقلى وبالحقيقه لا اجيد هذا الطبع بتاتا... كم لك مملكة ؟؟ ايش نوع حواراتكم ؟؟؟؟ يعني اذا كان كلامك معاه في المجالات اللي مايهتم فيها .. او اذا كنتي صااامتة طول الوقت .. او اذا كلامك كله خصام و لوم و عتاب طبيعي انه يبرد من جهتك شوية.. و الاحتمال الثاني انه مشغول بشي ما اما بشغله او بمشاكل حاصلة معاه.. فا استرجعي تسلسل حوارتكم و نمط مكالماتكم و شوفي وين الخلل ثانيا سمعت من صديقاتى كثرة الهدايا ووو وانا لم اجد ابد هذا الشى منه وحاولت ان المح له اتمنى هديه تشعرنى باهتمامه وتقديرة صدقونى ان لاريد شىء ثمين ولكن اتمنى ان يفرحنى او يفاجئنى بشى وبت اخاف انه بخيل... شوفي ياقمر .. في رجال ماتعرف بكيفية التعامل مع البنت .. خاصة اللي ماله علاقات سابقة مايعرف ايش تحب و يش اللي تتمناه .. زوجي ظلينا 4 سنوات مخطوبين ولحد الان اذا قلت له هديني اما يعطيني فلوس  او ياخذني عالسوق و يقول نقي فا لا تتعبي نفسك من هالناحية بالتفكير و ليش ما جاب و ما ذكرني .. الرجال تختلف في تفكيرها في ناس ما تركز بهالامور .. ممكن انتي تبدأي و تهديه من وقت للثاني .. او وانتي تتكلمي معاه في التلفون تقولي له نفسي بذاك الشي .ز فقط على سبيل الذكر .. و برضو لا تستني انه يفهم >>>حصلت معي  لا تركزي بهذه الجزئية .. اهم شي تعامله الطيب معاك ثالثا تحصل بينا اختلافات وخلافات بالاراء وبالنهايه يمشى رايه وانا اتنازل وحتى لو اخطا قليل مايعتذر ولايحب النقاش والزعل وحتى لو زعلت مايفكر يرضينى بحجه انه انا ازعل على اشياء تافهه وسخيفه من وجهه نظرة وهذا الشى يضايقنى اتمنى التفاهم والاحترام المتبادل واقلق لو حصل بينا شى وهو لايهتم ولايكترث واتساءل هل هو طبيعى وقوع اختلافات او مشادات فى فترة الملكه اولا ؟؟ الاختلافات طبيعي تحصل .. و بالعكس في فترة الملكة حلو انها تحصل بعض الاختلافات عشان كل واحد يعرف و يفهم الثاني اكثر. انتي تعرفي ايش اللي مايحبه فا تتجنبيه و بالتالي تجنبي حدوث هذه الاختلافات بعد الزواج .. وتنازلك حلو.. وصدقيني لو كنتي صح بداخله بيكون عاارف انك صح بس كدا طبع اغلبية الرجال ما يتنازلوا ابددددا .. اهم شي ما ترفعي صوتك ولا تعاندي .. و بتقدري تمشي رايك بالهدوء و ازيدك من الشعر بيت يسوي اللي انتي تبيه وكانه هذا رايه هو مش انتي .. بالهدوء كل شي بيصير لكن الزعل المتكرر و اللوم و رفع الصوت مامنها الا العناد و تكبير الراس .. مثلا اذا اختلفتوا على شي و كان متمسك بررايه .ز قولي له .. خلاص حبيبي اللي تشوفه ياعمري .. بس انا كان فكري انه لو سويت كدا بيصير كدا كدا بس انت ادرى (وغيري الموضوع ) صدقيييني لحاله بيقلب كلامك براسه وبيشوف اذا كان يصلح بيطبقه .. حابة اعلق على حكاية زعلك على اشياء سخيفة .ز ماذكرتي امثلة ... بس انتي فكري فيها هل فعلا سخيفة و ماتستاهل ؟؟؟؟؟؟؟ اذا كنتي فعلا تزعلي كثيير .. فا يالللللليييت حبيبتي تبطلي هذا الشي لانه اكثر ما ينكد على الزوج الزوجة النكدية الزعولة .. الرجل يمل من كثر المصالحة اخر شي يوصل لقناعة .. رضت و لا تخبط راسها بالحيط فا خلي نفسك طويل و خلي الابتسامة على وجهك دايما و لا تنسي خفة الدم خليك الانسان الي يلجأ له وقت الضيق و الزعل عشان ينسى الدنيا مش الانسان اللي يهرب منه عشان مايزيد ضيقته بالنسبة للاحترام .. اكيد لازم يكون موجود بين اي شريكين عمره شتمك ؟؟ سبك ؟؟ شتم اهلك ؟؟ عاملهم بقلة احترام ؟؟ او عاملك انتي بقلة احترام؟؟ رابعا حصل بيننا موقف اشعر بانى اخطات فى تقدير للموقف وبالغت فى انفعالى ومتضايقه من نفسى كان سيحضر لدى بالمنزل وبالغت بالاستعداد ووو ولم يحضر وانتظرت ولم يرد واتصل عليه وارسل ولامجيب ثم اخبرنى انه لن يحضر لانه بالمستشفى فانفعلت وغضبت وارسلت له كلام لن احادثك وسازعل وانت لاتقدر تعبت بالاديستعداد وجلست ابكى وارسلت كثير ومارد بعدين ارسل رسائل اخطا على فيها وتلفظ وانى ماقدر وبالنهايه علمت انه وقع عندهم حادث فشعرت بالندم وهو لايرد لان نفسيته تعبانه واحاول ان اطمن برسائل واتصالات ومرة يرد وعشرة لا واتمنى افتح نقاش معه اعتذر فيه واخبرة بان انفعالى لانى تعبت بالاستعداد وهو ماخبرنى انه لن يحضر وكان قبلها كم موعد واجل وانا لى كم يوم نفسيتى جدا متعبه لا اعرف كيف احلى الاشكال ... قلتيها بنفسك و اعترفتي انك غلطانة .. حاولي تتحكمي بانفعالاتك اكثر .. طالما وقالك انه بالمستشفى المفروض كان على طول بان عليك القلق و قلتي له خير حبيبي انت بخير حصل شي المهم الان .. اما ترسلي له اخر رسالة .. تأسفي منه وقولي له بما معناه .. ((ادري انك طفشت من كثر اتصالاتي و رسايلي .. بس كان ودي اشرح لك موقفي لاني غلطاانة بحقك و اتمنى انك ترضى عني يا اغلى البشر .. على العموم هذه اخر رسالة عشان ما اثقل عليك .. و اي وقت تحتاجني فيه .. بتلاقيني منتظرتك )) او تشتري له هدية حلووووة و تغلفيها احلى تغليف و تكتبي رسالة خطية عبري فيها براااحتك .. بس ابعدي عن اللوم و العتاب و انه ماحضر و اجل الموعد لا خليها رسالة مليانة بالشوق و الاهتمام و الحب و انك زوجته و حبيبته و ملجأه اذا ضاقت عليه الوسيعة.. و من الكلام الحلو و انه العيد جاي و لازم تفتحوا صفحة جديدة و تتهنوا باجمل ايام حياتكم .. و ارسليها له ..مشكلتى معاة يحب يفرض رايه دفش معاى كانه يتعامل مع صديقه ولايراعى خاطرى وهذا كله واحنا بملكه وكنت اسمع من صديقاتى شى رهيب عن الملكه والتدليع فهل الرجال يختلفون ام ماذا؟؟ باي مواضيع يحب يفرض رأيه ؟؟ مابينتي .. لانه في مواضيع لازم تتم بالمشاورة وفي مواضيع لازم يحط فيها النقط على الحروف من الان عشان ما تحصل مشاكل بعدين واذا على الدفاشة انتي فهميه بشكل لطيف ..اذا قال كلمة فيها دفاشة او فعل فيه دفاشة .. قولي لها بدللع حبيبيي مايصلح تقول او تسوي كدا انا بنوووتة مو واحد من الشباب اذا طلب منك طلب .. قولي له بشقاوة: قول حبيبتي و بقوم اسويه وحبة حبة بيتعوود ارجوووووكم تفاعلو معى خصوصا النساء والرجال الى لهم خبرة وراى سديد امثال رجل الرجال والبليغ وغيرهم الكثير ابى راى متعقل والى ماعندة او مايقدر يدعيلى دعوة صادقه ان الله يفرجلى لانى والله خايفه جدا من الزواج والفشل لا تدخلي فكرة الفشل براسك .ز حبيبتي .. انتي داخلة حياة جديدة .. ادخليها بامل و تفاااؤل و ان شاء الله ربي يوفقك و يسعدك معاه .. برضو اتمنى تنصحونى نصايح عامه خصوصا الرجال كيف اتعامل مع الرجل وكيف اكسبه انا ماحتكيت بحياتى برجال واجد صعوبه فى فهمه انا حساسه مرهفه رومانسيه عاطفيه اتاثر بسرعه احب الرعايه والاهتمام وهو العكس تماما يرى كل الامور توافه واننى سخيفه ويجرحنى احيانا ولا يراضينى او يجبر بخاطرى انا خايفه اتعب معه حبيبتي الرجل (الطبيعي ,, ) تكسبيه بالكلمة الطيبة و المعاملة الطيبة احترميه كانه والدك وامزحي معاه كانه اخوك وفضفضي كانه صديقتك ( بس مو كل شي ينقال )و اهتمي فيه و خافي عليه و اغرقيه بالحنان و كانه ابنك اكسبيه من خلال الاهتمام بنفسك كمان و ببيبتك و بكل اللي يحبه شوفي ايش مجالات اهتماماته (سياسة .. دين .ز اقتصاد . كورة ) و حبي هذا المجال اكسبي اهله.. وخاصة امه .. وديهم و عامليهم بالمعروف .. اذا طلعتي السوق اذكريها بهدية الحين على العيد اتصلي بامه و سلمي عليها .. اذا طلعتوا تتعشوا برا (بعد الزواج ) وانتي تاكلي قولي اشتهيت عمتي تكون معانا و خذي لها عشا او اعزمي عليها تطلع معاكم مرة من المرارير ... بريها و ساعديها و طنشي منها الي مايعجبك و لا تشتكي منها له صصدقينيي راح تكبري بعينه ويحبك .. قلتي انه زوجك مشغول مع اهله ... الحمدلله انه فيه خير لهم .. عشان كدا اقولك مفتاحه هم اهله اكسبيهم وراح تكبري بقلبه .. و ابعدي عن الغيرة و ليش سوى لهم و فعل لهم بالعكس ساعديه على برهم و على الاهتمام فيهم و ذكريه اذا نسى يعطي امه او يعطي خواته ارءاكم ودعواتكم جميعا الله يفرجها لكم وجعل من تكرم ورد على ان الله يوسع له فى رزقه ويرزقه من حيث لايحتسب |
28-08-2011, 03:42 AM
![الصورة الرمزية ملامح قمر ..]](image.php?u=445547&dateline=1322997436)
28-08-2011, 04:06 AM
28-08-2011, 07:04 AM
28-08-2011, 07:05 AM
28-08-2011, 07:07 AM
28-08-2011, 08:15 AM
28-08-2011, 05:23 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
