السلام عليكم ورحمة الله وبركاته
انا عندى مشكله واتمني اسمع أرائكم فيها
انا فتاه عمرى 25 سنه اتخطبت من سنه وحبيت خطيبي جدا جدا ووقفت جنبه ودعمته كتير فى حياتنا كنت له حبيبه أم أخت صديقة وكل شىء ... كانت الدنيا بأكملها هو شمسها ومحور حياتي كانت كل حياتى سعيده بوجوده .. وهو كان نفس الشيء وأظهرلى حبه وعدم مقدرته على تركى ومع الوقت بدأت تتغير تصرفاته وبدأت انا كمان اتغير بسبب تغيرتاه المفاجأة بدأت اكون عصبية قليلا ومتوترة دائما لانى صرت مش بعرف افهمه المهم بدأ يتصنع المشاكل على كل شيء كل شيء الصغيرة والتافهة وفجأه قالى انه مش حيقدر يكمل معايا لان انا مش بسمع كلامه وبناقشة كتير وهو مش مستحمل اسلوبى ده ويشهد ربنا عليا انا كنت بطيعه طاعه عمياء كنت فعلا بناقشة بس مش بنفذ غير اللى هو يطلبه منى وتركنى .. انا حاسة انى مش قادره استوعب حاسة انى فى حلم بحاول اعرف اخباره وعرفت انه ترك شغله بعد ما تركنى وقعد بالبيت وبيسعى بشتى الطرق يلاقى عقد عمل فى دولة خليجية وعرفت انه دايما على الكافي مع اصحابة ومش بيعمل حاجة فى حياته اكتر من كدا .. انا واثقة انه معرفش واحده تانيه بس نفسي اعرف سبب مقنع يعمل كدا عشانه كنا خلاص بدانا بتجهيز بيتنا .. باباه ومامته بكوا من قراره لانهم يحبونى جدا زي بنتهم وبردوا استغربت بعد الموضوع ده محدش منهم حاول يسأل عنى ولو بمكالمه وبقالى شهرين ومش قادره انسييييي بموت من التفكير كل يوم مليون مره ...وحاليا متقدملى عريس وأهلي بيجبرونى اوافق وانا مش قادره اخرج خطيبي الاولانى من راسي اذاى اظلم حد تانى واتخطبله غصب؟؟؟؟؟؟؟؟؟؟ شاب كويس ومحترم وخلوق بس خايفة اظلمه ..اعمل ايه انا من كتر التفكير مش بعرف انام ولا اشتغل ولا اعمل اى شيء غير صحتى كل يوم فى النازل .. ارجوكم ساعدونى