السلام عليكم ورحمة الله وبركاته حبايبي :

أبغا أستشيركم تقدملي واااحد عمره تقريباً 48 وأنا يا حليلي عمري توني 30 ( طبعا ً تدرون مطلقه وعندي بنوته الله يخليها لي ) ما أعرف أي شي عنه غير أنه متزوج وعنده عيال ويبغا يعرس على حسب ما عرفت عشان حرمته كبرت في سن .

أمي قاعده على راسي وتقولي وافقي على قولتها جيبيلج ياهل والا اثنين
( على كيفها المسكينه تحدد العدد ) واشرطي أنه بنتج اتم وياج مقابل أنه كبير في سن .

شوووووووووووووو رايكم خايفه من عمره أحسه وااايد كبير.

إذا كان بصحة جيدة ما أشوف فيه بأس
لكن اسألوا عن دينه وأخلاقه أهم من عمره
فيه ناس اتوافقوا والفارق بينهم أكبر من كذا

الله يوفقك

والله يااختي كبيربالنسبة لعمرك حتى لو انه زين انتي لسه صغيرة حرام تاخذين واحد بالخمسين شلون تتفاهمين وياه هذا وشوفي عشان زوجته على قولته كبيرة انتي بعد بعد كم سنة راح يقول انك كبرتي ويشوفله وحدة اصغر منه مدري هذا رايي والله يقدملك اللي فيه الخيروتحياتي

مرحبا اختي حياك الله بيننا ..
فعلاً كبير جداً بالنسبه لك ..

لكن برضو أسألو عنه جيداً وأستخيري الله واشرطي انو بنتك تتم معاااك وانو يعدل بينك وبين المرأة الأولى لتحري المشاكل ..
ودمتي بأمــان =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

الله يوفقك اخت ميثا 0000 بصرااااحة عمره كبير ...... لكن اسالي عنه اذا الرجال دين ويخاااف ربه اتكلي على الله ....واهم شي حالته الصحية .....لي صديق عمره 49 ولم يرزقه الله الا ب ست بناااات لكنه بعمر 36 لم اصدق ان عمره 49 الا بنظري لبطاااقة أحواله والله يوفقك دنيا واخره

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))

الله يجزاكم خير جميعاً على ردكم.

ولكن شلون سؤال على حالته الصحيه مادري أحسه صعب شوي .

والله انا اشوف العمر مو مشكله اهم شي الاخلاق والالتزام
عادي السؤال عن الصحه مافي شي
وبعدين الصحه والعافيه تبان يعني
جسمه رياضي
يدخن او لا
عنده مشاكل في السمنه
اسئلي عن امراض مثل السكر والضغط الامراض المزمنه ومن حقك حبيبتي السؤال

__________________
ريم نواف سابقا

وعليكم السلام ورحمـــــة الله وبركاته
حبيبتي ميثى قبل لاتتخذين اي خطوة لازم تسألون عنه وعن أخلاقه
اذا ارتحتي له اشرطي عليه شرط أمج..وترى 48 مو كبير ولاتنسين الاستخارة

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

بالله.؟؟؟؟؟؟؟؟؟يعني لما تاخديه وتكبري بالسن بدو يدور على غيرك؟؟؟؟؟؟؟؟؟؟؟؟؟؟مش منطق يا اختي انا لو مكانك ما برضى؟.؟؟؟الي عنده هيك تفكير ممكن يعمله فيكي انتي كمان........بالاول والاخير استخيري وربنا يقدملك الي فيه الخير يا عسل موفقة

__________________
اللهُم امنحنِي ذَلكَ الحُب الذِي يُقلبُ سُكوني وَ تَشاؤمِي إلى دُنيا خَصبة خَضراء مَرحة