السلام عليكم ورحمة الله وبركاته
بطرح عليكم مشكلتي واريد تعطوني حل ’’لاني تعبت من الصمت !!
الحمدلله عندي خوات واخوان كثرين ماشاءالله ,,وفوق هذا حريم أبوي .
المهم مشكلتي أي شي اسويه أشوف خواتي يقلدوني وفوق هذا حريم أخواني يتدخلون بكل شي
مع أني تقريباً مااشوفهم ولا اجلس معاهم اتحاشهم ,,غرفتي بالدور الثالث حدي شقتنا كنت اروح لحلقة التحفيظ هي المتنفس الوحيد لي ,
أبوي جزاه الله خير,,عمره مايرفض لي طلب إذا يقدر عليه مو مقصر معي ,بس مشكلته يحرشونه علي
يعني يوافق اسافر ولا اطلع بس ارجع القاه قالب علي وزعلان على وش مدري !!!
يقعد يشبك المواضيع ببعض ,,المهم بس على شان يخلق مشكلة ويهاوشني ويزعل مني على أشياء تافهة
أمس على شان ليش تشتغلين قدامي خلصوا شغلكم قبل لا اجي !!
طبعاً مافيه كلمة سيئة ماقالها لي ,,حاولت افهم ليش اسكتي انتي (تفرهتي )..
ماقدرت امسك نفسي بكيت وطلعت لسطح بيتنا(صومعتي ) ,,
جلس يقول وهو زعلان خلوها تجي ابي اربيها ,,لكن أنا مانزلت قلت:أنا الحين معصبة وأدري مو منه ماودي افقد اعصابي واغلط على أبوي
بعد شوي جاني لسطح,,لكن شافني جالسة اقرى قرآن ,,كإنه عطف علي ’’وقعد يتعذر أنا مدري ليش قلت لك كذا ويضمني وشوفي أنتي الوحيدة من اخوانك كاتب لك لقب ومدلعك وكلام كثير ,,لكن أنا مو قادرة اتحمل طقيت وكذا مرة يعاد المسلسل يكذبون علي ومافيه تفاهم ولا يناقش اسكتي ويطلعني أنا الي غلطانة ,,استغرب يسمع للبزارين وأنا أي كلمة يهاوشني عليها!!
ماابالغ لو اقول لكم مايمر شهر إلا يطلعون لي بسالفة ,,ويزعل مني أبوي وبعدين يجي يراضيني ..
أنا الحين اتحمل خواتي وحريم أبوي يتدخلون بالبيت مجبورة ,,مو قاهرني غير حريم أخواني وش يبون مني وأنا مطنشتهم ,,زمان كنت طيبة معاهم واسولف معهن واعتبرهن خواتي لكن لي فترة حطيت حد لكلامهم معي ومع كذا ماسلمت منهم ..

الخلاصة ,,أتمنى أبوي مايزعل مني وأنا ماغلطت والله مدري كيف اوصل لكم المشكلة ,وأنا نفسي صاحبتها مو عارفة ليش تصير مشاكل من لاشي !!!

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.