السلام عليكم ورحمة الله وبركاته


اخواني واخواتي انا عندي مشكله والله انها معذبتني كثييييييييير

انا صارلي متزوجه 10 سنين ولا يوم في حياتي الزوجيه صارتلي مثل هذه المشكله كنا دايما انا زوجي مهتمين في بعض وانا للحين اهتم فيه بس اهو ايش الي غيره مادري بالول كان يسأل عني على طول اذا طلع مع ربعه او لمن يروح الدوام اكثر من 20 اتصال لين يرجع والحينه يروح الدوام ويرجع ولا يسأل الا اذا انا اتصلت فيه واسأله ليه متتصل مثل الاول يرد علي مشغول ليه الحينه مشغول واول لا ليه عودني يتصل فيني لمن يروح اي مكان اكثر من مرة والحينه لا
بالول كان لمن نروح ننام اول شيء نتكلم في كل شيء ونلعب مع بعض اي لعبه مثل الاطفال نضحك ونمزح مع بعض ومستحيل ينام الا لمن يجلس معي احيانا لين الصبح وانا وهو مع بعض نسولف ونضحك ونركض في الغرفه ونعمل فوضه مثل الاطفال ولا يهمنا احد يسمعنا والحينه اول ما يدخل الغرفه ينام حتى لو انا قلتله ابيك في سالفه ولا يعبرني
بالول كان يقربني في الاسبوع 3ولا4 مرات والحينه في الاسبوعين مرة وبدون نفس ليه مادري
والله انا مهتمه في نفسي واي مكان اروح انا وهو والاولاد ما يصدقون ان هذولا اولادي على بالهم توني متزوجه 00000000
ما في يوم رجع من الدوام وانا متبهدله او ريحتي لا سمح الله كريهه على طول متبخره ومتعطرة حتى الحينه فيه وحده متزوجه من اهله توها عروس مرة سمعت اختها تقولها اريدش تكوني مثل فلانه صارلها 10 سنين متزوجه وبعدها كأنها عروس وكانت تأشر عليي
انا مهتمه بنظافت البيت وانا الي اطبخ والكل يشهد على حلاوة طبخي يعني ما قصرت معاه في شيء ابدا حتى لمن تصير بينا مشاكل انا الي اتأسف حتى لو كان اهو الغلطان 0000000
المهم اليوم صارحته وقلتله : انا احس انك متغير وش فيك عندك اي مشكله كلمني مثل الاول لمن تصير عندك مشكله تطلب مني اساعدك في حلها ليه الحين لا رد علي انه اهو ما عنده اي مشاكل وقلتله طيب ليه متغير علي انا والله مشتاقتلك وايد ليه انت دايما سرحان ومهموم
ليه ما مهتم فيني مثل الاول قالي لا حبيبتي ابدا ما متغير اليوم رح اطلع معاكي ورح نسولف مع بعض مثل الاول ولمن جا اليل راح الغرفه ونام ولا سأل عني
عشر سنين مع بعض عمر هالشيء ما صار معي تعتقدون في وحده ثانيه في حياته ؟
انا اسفه على الاطاله اعذروني بس حبيت اوضح كل شيء عشان قلت يمكن احصل من عندكم
فايده بأذن الله 00000000

الله يعينك يا اختي الظاهر ان زوجك مل من الحياه الزوجيه او لا سمح الله حاط عينه علي وحده او ربما ان عنده مشكله ما يبي يقولها لك حاولي تتقربين اكثر واكثر او حاولي تزعلين شوي علشان يحس فيك والله شي صعب حيل بس الله يعينك وطمنينا عن اخبارك والله يرجعكم احسن من اول اللهم امين .

السلام عليكم
كيف حالك يا اختي... ظني أنهم ضربوك بعين لأنك سعيده يمكن .. أو يمكن الرجال صدق مشغول ومهموم.. ما اقدر اظلمه اذا تعرف على وحده هذا انتي تقدرين تكتشفينه بس انا ما اظن انه متعرف

وتحياتي

أختي الكريمه انتي سئلتي زوجك ورد عليك انه سوف يطلع فيك ولا طلع فيك وذهب الى غرفته ونام
اختي زوجك لديه مشكله داخليه اما ايمر بظروف ماديه او انه لديه مشكله مع احد اقاربه
ولكن نصيحتي لك انك تكوني معه احسن من اول حاولى انك تدخلى عليه بالغرفه
وتقدمي له اي اش مثل عصير شاهي قهوه حاولى ان تتكلمي معه بكلام
يجعله ينساء ما يفكر فيه انتظري كم يوم ربما تنحل ظروفه التي ذكرت لك
لا تكرري عليه السوال حاولى انك تنهي اعمال البيت قبل دخوله للمنزل
لكي تجلسي معه قبل ما ينام وان شاء الله سوف تنهي ظروفه
اتمنا لكي حياة زوجيه ســــــــعيده وان يجعل بينكم الموده
وتقبلى تحــــــــــــــــــياتي

__________________

صارحيه فالمرأة بطريقة أو بأخرى تستطيع فتح قلب زوجها
وربما هموم العمل أثرت عليه ولكن لا تجادليه حتى لا تزيد المشكلة

مشكورين على الرد اخواتي
اخي ابو خالد انا سويت الي قلت عليه من قبل لكن دون فايده اما عن اذا كان يمر بظروف ماديه يمكن كلامك صح بس اهو يمر بهالظروف بس ما يتغير بهالطريقه انا ما دري وش الي صار لزوجي اهو ما يحس بوجودي ابدااااااااااا والله اني اكتب كلامي وانا ابكي انا كنت اسعد انسانه بحياتي مع زوجي وش الي صار ياناس0000000

وربما هموم العمل أثرت عليه ولكن لا تجادليه حتى لا تزيد المشكلة

اخي الكريم زوجي اهو الي يخبرني بهموم العمل علشان نخفف على بعض وطبعا هالكلام قبل لا يتغير 000000000

مشكور على مرورك 00000000

كم له متغير عليك؟؟؟

يمكنه مشغول حاولي تعذرينه وابعد الشكوك من راسك وترتاحين

احيانا الواحد يجيه فتره يتغير يمكن من ضغوط او اي شئ ثاني وبعدها يرجع مثل ما كان

قوليله مره ثانيه وصارحيه وحاولي تجددين بحياتك وتبعدين عن الروتين


والله يوفقك بحياتك دوم ولا يحرمك من حب زوجك واهتمامه

شكرا على النصيحه وكلامك يمكن صح بس احنا صارلنا 10 سنين متزوجين يعني هالظروف مب اول مرة تمر في حيتنا معقولة الحين تخليه يتغير علي لا انا اعتقد في شيء وكبير بعد بس ايش اهو ما دري انا اخاف بس اني رح اجن انا ما اريد اخسر زوجي واذا خسرته يعني بخسر حياتي ياريت في احد يساعدني0000

اكيد روتين الحياه الزوجيه اتعبه عشان كذه تغيراسلوبه وتعامله معك!!!