السلام عليكم ورحمة الله وبركاته
مش عارفه الموضوع اللي هتكلم فيه هيكون تافه بالنسبه لكم ولا ايه
بس عايزه اقول اللي جوايا كأني بكلم نفسي
لكن اتمنى اني الاقي عندكم الاجابات اللي مالقيتهاش جوايا
(( متقدم لي شخص محترم ويعرف ربنا مافرقش معايا المؤهل او مركز الوظيفه
لاني دايما عارفه انه اهم شئ من ترضون دينه وخلقه
لكن المكان اللي هنعيش فيه خانقني بجد وصليت استخاره كتير الحمد لله
لكن مش عارفه وجوايا خوف كبير اوي
وكل ما افكر ان الموضوع هيدخل في الخطوبه او قرب اخاف اكتر
وبصراحه كمان خايفه لان بابا مش بيحب حكاية فسخ الخطوبه
انا كان زمان فكرتي اني اتخطب الاول وبعدين اتعلق بيه واتشد له ونعرف بعض
لكن بعد تجربه الموضوع ده مابينفعش او مانفعش معايا
وخايفه من ردة فعل بابا بعد كده
المهم انا مش عارفه اكمل لانه اخلاق ودين؟
ولا امشى بقلبي وما اكملش موضوع الا اذا قلبي اتعلق بالشخص؟
وهل ياترى القبول هو الاعجاب الشديد ولا شخص قابلاه وخلاص؟ ))
افيدوني بآرائكم افادكم الله
واسفه على الاطاله