شو الحل وياها
السلام عليكم ورحمة الله وبركاته:
أنا بدخل بالموضوع على طول البعض ممكن يعرف مشكلتي ويا زوجتي ( الله يسامحها ) والله بستخف على ايدها حاولت وياها بكل الطرق الله يشهد المستشار رجل الرجال ما قصر وكان واعدني أنه يقنعها تعيد وياي لانها بيت أهلها لكن سبحان الله المستشار تعب الله يشفيه ورحت فيها أنا .
البارحه قررت ( يوم السبت ) أني أتفاهم ويا عمي عشان أخذها وياي تصدقون فتحت الموضوع وياه بكل هدوؤ وعلمته يا عم تراني باخذ حرمتي عشان نعيد ويا بعض قالي لا بنتي بعدها تعبانه ولين لحين ساكته قتله اوكيه مب مشكله وياي حتى ولو تمت ساكته باخذها وان شاء الله بحاول وياها رد بصوت عالي وقالي لالالالا شو تبه تموتها أنت هذه بنتي الغاليه المهم صارت بينا مشاده بالكلام وعصبت وطلعت من عندهم .
تصدقون يا خوان هذا ثالث عيد لنا من زواجنا الاول كنا متهاوشين والثاني كنت بالمستشفى وسبب مشكله صارت من بينا وارتفع ضغط عليا والثالث هذا هي اللي تعبانه.( شو هذا الزواج مادري ) تعبت وياها أسلوبها وهدؤؤها القاتل بيموتني ناقص عمر أنا مقتنع أنه مشكلة أمها مأثره عليها بس مب لهدرجه أنا بعد لي حق عليها من يوم ما تزوجنا ما رقدنا بحجره وحده والله هي بحجره وأنا بحجره ولا اجتمعنا على وجبه مافي غير الخدامات يجهزون الاكل لي وأكل بروحي وساعات تمر يومين ممكن ما أشوفها واحنا بنفس البيت .
فكرت أطلق وريح بالي قلت حرااام بنت عمي وبعدها صغيره , ولحين موضوع زواج ثاني ينطنط براسي ولكن الوالده رافضه على قولتها أنت اللي اخترتها عشان شكلها بس تحملها لحين , لاني يوم قررت أخطبها من عمي الوالده قالت بالحرف الواحد يا ولدي تراك بتاخذها عشان شكلها عاجبك ولكن من داخلها بعدها مب مستعده للزواج رديت عليها وقلتلها لا بتحملها . لحين متندم لاني ما سمعتها من البدايه شو فادني جمالها محروووووم منه.
التعديل الأخير تم بواسطة ذكريات لاتغيب ; 08-11-2011 الساعة 09:14 AM