السلام عليكم اسعد الله صباحكم بكل خير ..


يآجماعه الخير السالفه ومافيها ان جيت بقول سالفتي هاذي بموضوع نواره حبيبة قلبي
لكن كتبت الرد وبعدها بدقايق تقفل الموضوع

عشان كذا فتحت هالموضوع ..


طليقي مثل ماتعرفون تزوج << خلاص حفظتوها هااذي ههههه
صار فيه تطورات

طبعا هو عنده واحد من اقاربه زوجته الثانيه تصير قريبه مني مررررره مرررره
وانا وياها حبايب واكثر من خوات
وهي الوحيده من اهله الي تواصلني وتسال عني

لما تملك اما دريت بالسالفه من قريبته هاذي ووقتها انا ارسلت له رساله عتاااااااااااااااااااااااااااااب
قويه جدا
ولا رد علي ولا حتي بكلمه
طبعا اتصل هو على زوج اختــي وهو صديقه الروح بالروح وارسل له ليه تعلمونها بملكتي

انا مو قلت لك لاتدري ولا احد يقول لها < يقصدني

اتصل عليه زوج اختي وزعل طليقي منه ولا رد عليه
انجبر زوج اختي يرسل له ويحلف انه ماقال لاختي شي وولا اي احد يدري بالموضوع غيره هو وياه

على طول اتصل طليقي عليه وقال من الي علمها طيب ...!!!

سال زوج اختي وخيتي وقالت له ان قريبته فلانه هي الي علمتني
الله يهيديها خربت الخطه هههههه

مشت الايام وتملك واخذها والحين بيسوي حفله كبيره لزواجه لان ابوها سوى عشاء بسيط
وقال بعد ماترجعون من شهر العسل بزين لكم زواج

وبعد مارجعو من تمشيتهم وش سوى طليقي اتصل على قريبه هذا وقال له عن موعد
حفله زواجه وكان يعزمه عليها واصلا هو ببمنطقه ثانيه يعني يبغاله يحجز ويسافر
وتعب عليه ومشوار
والشي الي هو عاااااارفه ومتاكد منه ان زوجته بتقول لي كل اخبار طليقي..


سؤال يدور في بالي ..
سوى هالتصرف يعني يبغى اخباره توصلني ..!!
والا فعلا انبسط معاها ويبغى يبلغني من بعيد انه مرتاح معاها


ادري بيجي من يقول وانتي وش عليك وليه تفكرين وليه تشغلين نفسك به ..

بقول ان ابغى اعرف تصرفاته هاذي تدل انه ندمان على الطلاق والا لا
ولدي الي عنده وبتربيه زوجته لو كان ماهو مبسوط معها مااقدر اتحمل تربي ولدي يمكن تضربه او تسئ له

افكااار كثيره ترادوني والي عاشت نفس وضعي بتعرف الي احس فيه وانا اكتب هالمووضوع ..:


لاتبخلون علي بالمساعده والردود ..

__________________
سبحان الله وبحمده

اتركيه عنك ..
بس ياقلبي ..
حاسة فيك بقوة .. وفاهمتك بس تكفين اتركيه .. مات خلاص ..

لي رجعة بس ماحبيت اطلع بدون ما اشوتك ..
ههههههههههه !!
قاهرتني .. فيك مني وربي ..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

نواره ياصباح الورد يااغلى اخت بالدنيا

هههههههههههههه

وبعدين داخله تشوتين الله لايبارك بالعدو على هالبرد وانا اختك جايه تكملين الناقص هههههه


الي ماتعرفينه انه قبل يتملك كنت اتصل على امه وتاخذ اخباري واكلمها عادي وكان يدري
وتعلمه عني
لما تفاجاءت انها تكلمني وتسولف معاي ولا تقوول اننا بنرجع لبعض وكانت تقول اصبري بيرجعك
اثاريها تلعب باعصابي وقد خطبت له وراح شافها وانا اخر من يعلم
عيشتني بوهم
حسبي الله عليها هي وولدها

ولي اكثر من شهر وبمعنى اقرب من يوم تزوج
ماعاد اتصلت ولا حتى عايدتها ولا شي لانها حرقت قلبي ولعبت بمشاعري ..

صدقيني نواره كل الي اتمناه ان الي ذقته من هالطلاق ربي يبلى طليقي فيه ويجعله يشوفني ويفكر فيني ليل ونهار ويتذكر كل لحظاتي معاه
وانا انسسسسسسسسسسسسسساه واتزوج غيره

ويذوق الحرقه الي بقلبي ..

انا وكلت امري لله فيه وفي اهله الظالمين ..

الله يرزقني وياك ياروحي بازواج طيبين حنونين يخافون الله ..


وتراني انتظر عودتك ومشاركتك

__________________
سبحان الله وبحمده

جاوبوني يااهل الخير

__________________
سبحان الله وبحمده

بآك ..
تناهيد حبيبتي ممكن أكلمك بصراحة .. إنو أنا أحبك وربي وحاسة فيك كأنو أنا اللي صاير معاي اللي صار معاك ..
أمبيه ..!! (إنتي حالتك صعبة جدآ )..
مو لأن زوجك تزوج عليك .. لاااا !!
مو لأنو تطلقتي .. كمان لا !!
-لكن لأن إنتي عايشة في وهم كبير اسمه (ندم زوجك عليك) !
إنتي من جدك ..!
-واحد توه عريس ومبسوط تبين تطرين على باله .. صدق إنك فاصلة ..وحتى لو طريتي من باب حصل موقف من زوجته مطابق لموقف سويتيه .. فهو بيكره نفسه وبيتشاغل حتى مايشتغل الضمير وينكد على نفسه ..

شوفي توته .. وربي أنا لما أفضفض ترى وأبكي وربي ما أفكر مثلك ..
يعني أنا أحس بإنو مقهورة إني ضيعت وقتي وعمري مع إنسان مايقدر..

ما أنكر الحنين ساعات مهما كان هذا أبو أولادي .. وترى على فكرة عمره ما آذاني أذى بالغ ..
أو مد يده أو سب .. هو مبتلى الله يعافيه بشغلة .. وليست الخمر ومشتقاته .. وهي اللي أفسدت عليه حياته ..

وإلا زوجة صالحة وشابة وجميلة .. وأطفال ذكور .. وبيت ملك .. وحياة هادئة جدا ..
صدقيني اللي يمشي ورى ذنبه إلا مايطيح فيه ..

والله كريم .. إن شاء الله اللي حصل يكون له درس بحياته ..

قلبو كل الكلام اللي هرجتيه فور لي دمي عليك ترى.. شايفة كيف شتك فوق ..

ترى اخلص عليك لو جبتي سيرة مرة ثانية ..
حبيبتي ترى الرجال مايفكروا مثلنا حبيبتي .. الرجل أهم حاجة عنده راحته وسعادته .. أغلبهم يعتبر المرأة مجرد وسيلة ترفية واشباع لغريزته .. وقت ما يمل منها يبدل .. مايعاملها كبشر يحس .. أو أقل شي يفكر بمصير هالآدمية .. فلا تتحسرين .. اللي ماقدرك بعد هالعشرة .. ماراح يقدر غيرك .. المسألة عنده خذ وألعب وارمي .. فلا تتعجلي النتائج .. وترى بين قوسين (زوجته مالها ذنب)
لاتقولين بينهم ومابينهم .. كل الرجال يجيهم من يتبلاهم بس النظيف والعاقل غير ياقلبي ..

- والله ياقلبي أنا لو منك مااتبع أخباره ولا أصادق أحد يمت له بصله .. لو انها اختي .. يا اما ماتجيب سيرته .. يا اما مع السلامه .. ليش أفتح على نفسي جروح..
-أمس كانت زوجة صديق زوجي تتكلم معاي بالواتس آب .. واهي مرة غالية علي .. وفجأة جابت سيرة طليقي .. قلت لها عن إذنك طوالي وطلعت ..
أنا يقلبي قطعت علاقاتي في كل أهله مع أنهم عماني .. شريت راحتي ..

ولكن مجبورة في المناسبات على الاحتكاك ..
يعني انتي احمدي ربك انه مو قريب لك مثلي ..

وهذا الانسان ترى مايستاهل تشغلي بالك فيه .. إنتي كذا تضيعي وقتك وجهدك على واحد ابدا ماحس فيك .. ليش تحسي فيه انتي ..

بصراحة انا ما اعرف كيف تتحملين تاخذين اخباره ..!! تبارك الله

أنا أتعب .. أطلع من الموضوع أو أسكت اللي قدامي بذوق .. خلاص هذا الإنسان مات الله يرحمه .. وهو فعلا مات مات مات ..

تناهيد .. انتي شكلك فاضية صح !!

لو ولدك معك يمكن يسليك ومايخليك تفكرين بابوه ..

أنا حتى ولدي لما يجيب سيرته اطلعه من الموضوع الحين بدا يتأقلم بدونه ..

أمس كان طالع وايا الوالدة بالحوش وقال لامي : (ماما .. أنا كل ما اكلم بابا ..يقول بجي ومايجي .. وانا ادعي ربي دايم انه يجي , أنا عارف بابا ما يبغى يتزوج ماما .. لوطلق زوجته بيتزوج وحدة غير امي .. )

ومرة قال لي : (ماما وين بابا ؟)
قلت : بابا في العمل (وانا دايم اقول له هالكلمة)

قال : (لا ياماما بابا مع هذيك الحرمة , ولما يمل منها بيجينا )

بالله وين عاطفة هالأب .. اللي آثر إنه يستمتع ويسعد نفسه مع وحدة اكبر منه ومطلقة وعندها اطفال اكثر من اطفاله !!.. قدم راحته على راحة طفل عمره اربع ونص ورضيع ماشافه الا وهو باللفة والحين البيبي كمل سنه .. وما سأل !!
هانوا عليه ..
يخليهم يتربون بغير بيته واهو عنده بيت .. وياكلون من خير غيره .. ويكبرون محرومين من عاطفة الأبوة .. يشوفون غيرهم يحضنون آبائهم قدامهم وهما يطالعوا بعيونهم بصمت !!

أبوهم كان يعشقهم بجنون .. ومتعلق فيهم .. سبحان من صرفه عنهم ..

بس الرجال نظامهم واحد الا مارحم ربي .. العيال عيال المرة .. حبها بيحبهم .. زفها بيزفهم .. أبدا مافيه انسانية في جينات بعض الذكور وليس الرجال ..

* أنا سردت بعض التفاصيل أبي الرجال اللي يقراون معنا بالمنتدى يحسوا بمشاعر الطفل اللي عايش بدون أب .. بينما الأب .. يتقلب بفراش الغرام ..

الحمد لله الذي جعلني مظلومة ولم يجعلني ظالمة ..
اللهم اهد طليقي واهد ضال المسلمين ..

تناهيد نقول وعد مانجيب مواضيع مثل كذا (سمعت و قالوا , سوى , وش قصده ) ارجوك أبي وعد ..
توته .. وربي حيـــــل تعبت من موضوعك ..
الله يشغلك بذكره عن ذكر طليقك .. اللهم أجرها في مصيبتها واخلفها خيرا منها ..

(ماعليك من الماضي وكيف زوجوه وكيف لعبوا عليك ..
-حبيبتي انا حاضني قبل يسافر ومعاهدني يجي ياخذني اول مايرجع ..
متقضي لي هدايا .. وكان كل فترة يزورني .. واترجاه نرجع البيت يرفض..
كنت اتوسل بين رجليه وابوسها وابكي .. كنت ابوس يديه وانا انتحب شوي واموت .. بس للأسف كان قلبه مايستوعب نهائي .. حسبي الله الذي لا إله إلا هو عليه توكلت وهو رب العرش العظيم .. اللهم اني مغلوب فانتصر .. اقسم بالله ان النصر قريب .. قريب جدا .. والله يعلم مافي قلبي ..

رجع اومعه هذي الانسانة الغريبة .. اللهجة مختلفة تماما .. الطبائع متناقضة .. فارق العمر .. وليس لها نسب .. كيف يريد أن يصبح أخوال أولاده .. باع الحسب والنسب والدين والاخلاق والجمال ..
باع الحب الصادق واشترى المزيف.. بالله عليكم وحدة مطلقة .. بالتأكيد ستتظاهر بحبك لتكسبك .. أما في الحقيقة فالمرأة لاتحب سوا أول رجل في حياتها .. وقد تتجاوزه إن وجدت هذا الرجل خيرا من زوجها في شيء واحد .. حسن الخلق ..
-الماكر كان يقول لي :والله لو متي لاكمل حياتي ومااتزوج غيرك..
-بينا عشق خمس سنين وزواج خمس سنين ..)
-والدي عمه .. وأنا عرضه وشرفه .. كل هذا لايهم !!
سبحانك ربي .. وإن في عقول بعض النساء لرجاحة تزن ألف عقل رجل !!
وما أكثر الناس ولو حرصت بمؤمنين ..
الآن أنا خارجة وما حنام إلا داعية لك بسجودي ..
أختك / نوآري ,, أو نوآرة ..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

ارجوا من المشرفين حذف الموضوع .. وايقاف عضويتي


خرووج الى الابد من هذا المنتدى .

__________________
سبحان الله وبحمده

سؤال ليه ولدك عنده? ليش مو عندك انتي حتى لو عمره
اكثر من 7 سنوات

الله يهديك بس
اذا علا التفاعل مو بس انتي
الي يحصل لك كذا كثير ناس تكتب معاناتها تقعد
الردود بالقطارة بالاول بعدين تزيد
طولي بالك

__________________

[حبيبتي تناهيد خليك قوية ولا يهمك شي وعليك بالدعاء لربك والله كبير دعوة المظلوم مستجابة وشوفي باذن الله متلك ما حيلاقي وحيجي اليوم يلي نفسك تشوفيه ندمان وانت مع شخص مقدر قيمتك وفاهمك بالعكس خليك بالمنتدى بس يلي نفسي قولو لك انه ما حدا حيواسيك غير نفسك وحدثي نفسمك وقويها وواسيها وخلي هدفك تستفادي من افكار غيرك وطوري نفسك وعلى فكرة وضعي قريب لوضعك حطي عينك بالله والله ما حيخيبك

__________________
بينَ " مرِآرة الأشتيآق " و " عزّة آلنفِس " هــــــنـــآک آنـــــآ !!!

~ ღ ~ بـيـلـ س ـاآان ~ღ ~