مساكم ورد وفل
حبايبي في الله
انا عندي شي براسي ومتردد اسويه ولا لا ومالقيت مثل بيتي الثاني
اللي راح يفيدني وينصحني

انا خاطب لي سنه ونص وباقي ع الزواج سنه ونص لسى ما ملكت
المهم جت براسي فكره تحلليل الزواج اني اسويها وانا وخطيبتي لانه امكن ماتتطلع متطابقه
وانا راح انصدم وايد وكمان البنت بعد لانا نموت بعض الله لايغير علينا ويكفينا شر الحساد امين
وبرضه عشان مانتعلق بعض اكثر من كذا وبرضه عشان ما اظلم خطيبتي وياي
لان تعرفون غالبيه مجتمعنا تفكيرهم كيف البنت ماتصلح كانت مخطوبه وكانت تحبه وبينهم علاقه وهدايا ومدري وش ومن هالكلام وبرضه ماودي يفوتها قطار الزواج وعشان الخطاب لايروحون لانها عايشه بقريه
فتختلف عن اللي عايشه بمدينه
انا ابي ارائكم نصايحكم تجاربكم لهذا الموضوع علما اني باجازه الربيع راح نطلع عندهم وانا بعد جايب لها هديه
ووش رايكم نسويها بالاجازه
ولا نخلي هالشي قبل الزواج افضل
يهم اخذ راي خطيبتي بهالموضوع عن طريق اختي ولا مايهم
واخيرا فكرت اسوي هالموضوع واطرحه للنقاش والحلول وتقبل المجتمع لهافكره من عدمها بس بعد ما تردون
طولت عليكم وانا اعتذر وارجو الرد من كل من يرى موضوعي
دمتم بخير

ضروري
ضروري
ضروري الفحص .. ومافيه نقاش .. وبأسرع وقت

__________________

المفروض أول ما يتم القبول بالخطبة تعملوا الفحص
لا تأخره أكثر ,,

الله يوفقكم ي رب ~

__________________

توكل على بركة الله وسوي الفحص
تفكيرك منطقي جدااا
لإنه كل اللي أعرفهم يسووها بعد الملكة
بس إنت إبدا الحين

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

معروف اول شي التحليل بعدين الملكه,,محد يسوي التحليل بعد الملكه ابدا,,,اساسا المأذون مايملك لكم لين يشوف التحاليل هل هي متطابقه او لا,,يعني قبل لاتصير زوجتك,,

معناه عادي مافيها شي لو سويتها الحين وتحتفظ فيها لين وقت الملكه عشان يشوفها الشيخ..مو انت اساسا مسويها مسويها افضل تسويها من بدري..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اختي معليش,,التحاليل دايما يسووها قبل الملكه مو بعد الملكه..الماذون مايرضى يملك لهم الا بعد مايشوف التحاليل..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

السلام عليكم

اخي الكريم او اختي الكريمه إذا كنت من أهل السعوديه ، فلا مِلكه إلا بفحص ، فهو إجباري توكل على الله وتوجه للمستشفى وافحص

وفقك الله

__________________
استغفر الله الذي لا إله إلا هو الحي القيوم وأتوب إليه

شهادة فحص الزواج صلاحيتها 6 شهور
لذلك قم بالتحليل قبل الملكة بمدة لاتكون اكثر من 6 شهور لكي لاتنتهي صلاحية هذه الشهادة وتضطر الى اعادة هذا التحليل مرة اخرى .~


بالتوفيق اخي الكريم ...

يعطيكم العافيه ع ارائكم وتوجيهاتكم السديده
وان شاء الله اني راح افتح الموضوع مع اهلي واشوف رده فعلهم لاني مابعد استشرشتهم
وان شاء الله راح اخبركم باللي صار معي
مشكورييييييييييين

وعليكم السلام تراني من ربعكم
ويعطيك العافيه