السلام عليكم ورحمة الله وبركاته
عندي استشارة والله يخليكم ابي رايكم ,,وخاصة من المتزوجات اللي متزوجات متزوجين..
وحدة من البنات تعرفت عليها من سنتين عن طريق احد المنتديات المهم صارت صديقتي
وصرنا نكلم بعض على المسن والتلفون وصارت اقرب من صديقاتي الي اعرفهم من زمان ..
المهم من فترة دايم تلمح لي انها بتخطب لاخوها , قبل اسبوع قالت لي اني بخطبك لاخوي
المشكلة مو هنا المشكلة أنه أخوها متزوج ,,,صراحه البنت صادقة وذكرت لي كل شي
طبعاً أخوها كاتب كل شي برساله وهي نقلت لي كلامه ..
بقولكم واعطوني رايكم ...هم من اهل المدينه وحنا من منطقة بعيدة عنهم ..
ادري بتقولون انتي جاوبي الاسئلة تخصك ,لكن مايمنع تساعدوني ..
_انتي اهلك كثيرين وانتي اجتماعية ولك ناسك وتركك لكل هالناس وجيتك عندنا ماتشوفين انها مغامرة ممكن تندمين عليها ؟!!
-راح تاخذين واحد متزوج وعنده عيال ومايخلص شغله إلا العصر ويرجع ينام والمغرب يطلع ؟!!
_ماراح اسكنك قريب من زوجتي الاولى ,,يناسبك تسكنين قريب من أهلي ؟!!
_ماتزوجت إلا في قصور من زوجتي ’’ابي اعيش حياه كلها راحه ووناسه ,,واتمنى مايكون فيه اولاد في اول سنتين ؟!!
_أنا ماني ملتزم ولا متشدد ,زوجتي بدون تعقيد ولو سافرت تسافرمعي ..
الأسئلة كثيرة ’’حسيت حالي قاعة اختبار ’’لي عودة بالبقية ...

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

ابعد عن الشر وغنيله
وانت حرة

__________________
اللهم اني اعوذ بك من درك الشقاء وسوء القضاء
اللهم اني اعوذ بك من زوال نعمتك وتحول عافيتك و فجأة نقمتك ومن جميع سخطك امين رحمتك يارب ان لله وان اليه راجعون

إذا مرتاحة وتحسين تقدرين تتحملين رجل متزوج فوافقي .
أنا الحين على مشارف 27 سنة خطبني كذا مرة متزوج وكنت أرفض , مع أن الكل يقول عادي تتزوجي متزوج , لكني أرفض مهما كان الشخص اللي قدامي مو قصورٌ فيهم بس لإني أفكر بالزوجة الأولى , لو كنت مكانها كيف شعوري بأن زوجي تزوج عليّ ؟ بغض النظر عن الأسباب , هم يقولون لي أن تفكيري غلط بس أنا أشوفه مريح لي واللي ما رضيته لنفسي ماراح ارضاه لغيري .
أسفة إذا في كلامي شيء يزعجك . عذرًا حبيبتي
وأنت سوي اللي ترتاحين له .

__________________
قرقعة صحون ولا قرقعة بطن

مدري صراحة بس هذا جدوله فل ،، متى راح يتفرغ لك ؟!
وبعدين يبي حياة كلها راحة ووناسة هذي اعرف انها بالجنة ما قد سمعت حياةكلهاراحة ووناسة الا في الجنة الله يرزقنا إياها اللهم امين

وبعدين مسألة الاطفال مدري عن ظروفك ونظرتك لهم بس أكيد ما فيه وحده تتزوج الا وتتمنى الاطفال

عموما فكري واستخيري والله يختار لك الصالح

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

والله انا ماانصح بس استخيري والله اعلم باللي فيه خير لك

الله يوفقك ويزوجك بااحسن الرجال

هذا يبغى ياخذك عشان وناسته اذا انزعج من الاولى جا وارتكز عندك عند الوناسه والفله ومافي صريخ اطفال ولا انتي منشغله بغيره..

كم عمرك اختي ؟ وهل سبق لك الزواج؟

صراحه شرطه انه مافي اطفال يخوف!! .

__________________

صداقة المنتديات عموما لا تكون فكرة واضحة جدا عن حقيقة الفتاة
حتى ولو انتقلتما للهاتف ..

ولكن

كم عمرك ؟

__________________
الحمدلله الذي بنعمته تتم الصالحات

جزاكم الله خير جميع من رد .
عمري 28 ولم يسبق لي الزواج وعمره 35 ..

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

حبيبتي اتركي سالفة متزوج الآن
بالله هل هذا إسلوب شخص عمره 35 عاماً؟
هل الاسئلة التي وجهها لك تدل على شخص بهذا العمر..؟

اعرف انك تنظرين إلى القصة بشكل رومانسي .. وأن القصة قصة حب ومشاعر

لكن أي عاقل من خارج الموضوع سينظر كم أنتي فريسه سهله
الموضوع كله لعب وحتى ان تم الزواج
هناك أخت تزوجت عن طريق منتدى ولها قصة هنا بالمنتدى لكني نسيتها
ولم يكن من تزوجته متزوج لكنه غشاش وكذاب
واستمتع بها ثم طلقها

لا ترخصي نفسك
واقطعي تواصلك معهما

عزيزتي لقد قالها لك هي مغامرة كبيرة وربما تندمين عليها في المستقبل.

كما ان الشرط الذي وضعه بالنسبة لتاخير الانجاب سنتين يدل على عدم جديته في بناء اسرة والله اعلم.