السلام عليكم ورحمه الله وبركاته

: أود أن استشريكم أخواتي و اخواني الاعضا ء ..
على قولت اخوانا السوريين انا بخش ع الموضوع دغري

انا ملاحظه إن زوجي له فتره متغير علي يعني ماصار يهتم
ولا صار يسولف معي كثير وكل وقته مكالمات وليتها مكالمات داخل البيت
لا يطلع برا ويكلم المهم انا ماحبيت أحسسه اني حمل ثقيل عليه
فقلت له خذ راحتك بالحكي مو لازم تطلع برى ووطبعا كل مره يسويها فاضطريت اقول هالكلام له
ضحك وقال هههه لا مو مشكله يعاملني كأني شخص غريب ... بعدها تركته براحته وقلت يمكن متضايق
او متهاوش مع الإهل فماحب ازيد عليه و أضايقه بزياده ............

بعد مرور الايام وهو نفس حالته انتظرت انتظرت وماش ماتغير أبد كل يوم يطلع
و ف نص الليل أشوفه واسوي نفسي نايمه 24 ساعه الجوال ورسائل وضحك في يده
وعلى النت دايم مايتركه ولا ثانيه وحسيت انه بس ينتظر دوامه عشان ياخذ النت بدوامه
وعلى راحته
-
جلست فتره لحالى ... أفكر فقلت ماراح اعطيه ابين له اني مهتمه وبكيفه يروح ويجي ولا كانه موجود
لان الرجال لا شاف البنت ميته عليه قام يتغلا خخخخخخخ
المهم مرت الإيام ---- وهو 24 ساعه بالجوال ومكالمات ونت
وانا ساحبه عليه يمكن كلمه 1 باليوم وبعدها اتفرج ع التي في ولا اكلم صحباتى ....
حتى بوقت الاكل اسولف معاه كلمه وكلمتين وابين له اني مستانسه عادى ولا شايله هم

فتره حسيت انه لاحظ اني متغيره عليه مره قال لي فيك شي؟؟ قلت له لا ليش ! قال مدري احسك متغيره
مو نفس اول قلت ليه كيف تبيني اكون؟ اسولف معاك واضحك وانت مو فاضى لي وليه من الاساس
احسسك اني شي ثقيل عليك ابد براحتك متى ماحبيت تسولف معاي وتجلس انا موجوده
لمهم على هالكلام مر يومين او 3 واحسه صار يتقرب مني ويهتم فيني كثير

بس مدري ليش انا للان على اسلوبى الجاف معاه ؟؟؟؟ لاني ماعرفت ايش سبب تغيره
ومين كان يكلم ويسولف في الايام اللى مضت وليش تغير ورجع نفس اسلوبه الاول لما شافنى متغيره
محتاره جدا هل اصارحه ولا ارجع بأسلوبي الاول ولا ؟!!!!

__________________

هي خطوة حلوة منك انك ما حسستيه بشكك فيه عشان كذا رجع يكلمك انتي حاولي تراقبيه بس بدون ما يحس فيكي شوفي الارقام الي دايم يتصل عندها ويطول معاها فتحي جهاز الكمبيوتر بعده وشوفي وين دخل ومن وين طلع بس اهم شي انو ما ينتبه انا قلتلك كذا بس عشان تزيد ثقتك فيه ويروح الشك الي عندك لو ما شفتي عليه حاجه فبيكون روتين تعود عليه مع اصحابه نت ومكالمات وجلسات شبابية ولما حسستيه بالتقصير بطريقتك الي عجبتني مرة رجع يهتم فيكي اما لو شفتي عليه حاجه ثانية فبيكون لك تصرف ثاني اكيييد بس تابعي معنا تطورات الموضوع وحاولي تتبعي من وراه من غير ما يحس فيكي للاطمئنان فقط انتي خليك مثل ما انتي احين واهتمي فيه اكثرر حاولي تتخلصين من الجفاء الي اكتسبتيه هالفترة

احييك علي هذا التحكم في انفعالاتك والتي اجبرته علي ان يعود مثل اول
اري ان تستمري في اسلوبك ثم ترخي وتشدي و ترخي حتي يتحير

__________________
اللهم اجعل عملي كله صالحا واجعله لوجهك خالصا واجعله عندك متقبلا

اسلوبك ذكي في التعامل مع المشكلة ماشاء الله
وما اظن انه يكلم وحدة لانه اذا بيكلمها راح يكلمها برة البيت زي ما يقولوا الحرامي قلبه خفيف
يعني اللي يعمل غلط يكون خايف على طول
وما عنده الثقة الي تخليه يكلمها وهو في البيت
يمكن اهله عندهم مشكلة خاصة او شئ زي كدا

__________________
[IMG]http://im11.***********/2012-01-23/1327344345591.png[/IMG]

مع هذا الرأي

__________________
لا اله الا انت سبحانك اني كنت من الظالمين

حبيبتى او شيئ ماشاء الله اسلوبك جدا راقى فى تعاملك مع المشكله بس انصحك لاتدورين وراه خلى فى ثقه لانك لودورتى وراه زى ماقالت ام ريم الحلوه راح تفتحين على نفسك باب الله يعلم وش بيكون عواقبه لو اكتشفك بس حبيبتى ديرى بالك عليه واشغليه فى الطلعات والجلسات الرومانسيه وربى يسعدك ان شاالله

تصرفك حلو.. لكن لاتفتشين وراه ..
وانتي تقولين يقرأ الرسايل ويضحك اكيد داخل قروب وهاب فيهم ومايبي يضايقك ويعترف..
واذا كنت تشكين ان له علاقه حاولي تكسبينه .. لأنها نزوة وهو لاحظ تغيرك ورجع هذادليل انك تهمينه

آه بس احيانا اكره الريجيل خخخخ

موفقه خيتو

__________________
قمة الألم ..
أن يكون الزوج آلة صراف
والزوجة آلة تفريغ رغبة..!!

ليت اللي مثلك كثير ..!!

__________________
ان انت اكرمت الكريم ملكته.. وان انت اكرمت اللئيم تمردَ!!

مع رأي الأخت mayooyaaz

في الزوجه حاسه سادسه لايمكن تخطئ

أتمنا أنها هاذي المره تكون غلط

وربي يوفقك

__________________
اللهم ارحم والدي واغفر له