زوجتي تتضايق حين اخدم اخواتي
السلام عليكم ورحمة الله وبركاته
واسعد الله اوقاتكم بكل خير
حاب استشيركم في موضوع منكد عليا الي هو زوجتي تضايق وتزعل اذا احد من اخواتي وصاني او طلب
مني حاجه معينه من السوق مثلا او طلبت مني اوصلها مكان معين
هيا حجتها انها انو وحده عندها زوجها والثانيه عندها عيالها وهما كبار وعندهم سيارات
وانتا منتا ملزوم الى بزوجتك وعيالك وابوك وامك
الي صار انو قيل يومين دقو عليا اخواتي وطليو مني اخذلهم كيكه كبيره علشان انهم مسوين حفله لناجحين
من الاطفال ومن ضمنهم بنتي ولمو من كل شقه في العماره عندنا مبلغ معين ومن اخواتي الي برا العماره
وطلبو مني اخذلهم كيكه
هنا اهانم زعلت وليا انتا الي تروح ولا مافي غيرك ومن الكلام الي يغم وفي النهايه
قالت رجع الفلوس لهم
قلت ماني مرجعها لو ايش ما يصير وبجيب الكيك عناد
دحين هيا سوت نفسها زعلانه ولا تتكلم وحتى السلام ما تسلم
وانا قرفت من الموضوع هذا والله لو اتكلم معاها لصبح هاذولي اخواتي وما يصير مستحيل تقتنع
بعد كذا انا وصل لمرحلة ياني انفجر فيها واخرب امها وساعتها ما اعرف ايش ممكن اسوي وانا ما ابغاه توصل لدرجه هاذي
او اني اسكت واطنش واقعد محروق من كلامها
في كلا الحالتين انا اسوي الي ابغاه وما عليا من احد بس طفشت من النكد*هيا الان حامل وفي الشهر 2 وعلى طول تعبانه
*زعلها مالو علاقه بلحمل لانها من زمان وهيا كذا
انا ابغا حل لاني قرفت والله وخايف في يوم ماقدر امسك نفسي وساعتها الله اعالم ايش ممكن يصير
التعديل الأخير تم بواسطة أعماق ; 21-01-2012 الساعة 12:24 PM
21-01-2012, 10:07 AM
ضوابط المشاركة
العرض الشجري