ايش رايكم في زوجي ؟ وكيف أقدر أتعايش معه
هذي بعض عيوب زوجي وابيكم تقولون رايكم وكيف أقدر أتعايش معه من غير مانفسيتي تتعب اكثر...
- زوجي مو معترف انه يرتكب شي خطأ بالعكـــــــــــس يبين لي إنه الرجل مثالي .. اللي ترك الغزل والمقاطع ... اللي اذا جاه مقطع اباحي وانا موجوده معه يقرف !! ويقول راح أأدب اللي أرسل لي المقطع ..
- زوجي يؤمن بمدأ لا تستطيع الحياة من غير كذب .. المشكله في موااااااقف لااااااااااااداعي للكذب فيها لكنه يكذب طيب ليش ؟؟ وانا مسكينه أصدق ما اتخيل انه يكذب لأنه مافيه داعي يكذب أصلاً. .... وأنا قد سمعته يكذب كذب خيااااااالي في مقابله مع مندوب وانا كنت معه ويألف قصص وانه خذ دورات في بريطانيا دورة كذا وكذا وانا كنت مذهوله !!
لكني لأول مـــره أعرف إن زوجي مو محترف كذب بس لااا محترف تمثييييييل بعد وهذا اللي ما كنت أتخيله ابد
الموقف اللي صار : أنا شفت في جواله رسائل منه لرقم محفوظ بنفس اسمه (اسم زوجي) تحتوي على مقاطع اباحيه .... انا حفظت الرقم عندي ..
أخذت شريحة لي ما يعرف رقمها ودقيت عليه بالليل وهو نايم ( تمنيت اكون غلطانه واكون ظلمته ويكون مو هو ) ... دق علي في الصباح وصار يرسل مين معاي ويتصل
رديت اكثر من مره وسمعت صــــــــوته بعدين في الأخير رديت سمع صوتي ارتبك وقفل الخط .
اتصلت ما رد علي .. ارسلت له قلت شكلك مشغول .. قال مين معاي !! قلت شكلي غلطانه ...قال انتي تعرفين صاحب الرقم ؟ قلت ايه قال طيب انا راح ارجعه لصاحبه ما ابي انبش معاه !! (ولأني ما ابي العب )
قلت له :فلان ! مبروك عليك الجوال الجديد
قال من فلان ؟؟؟ فلان الفلاني ؟؟ انتي تعرفينه ؟؟ قلت ايه اكيد ؟؟ قال تكفين يا بنت الاجواد من انتي ابروح افضحه عند ربعه مسوي فيها مطوع !!قلت له سمعني صوتك واقولك ؟>> لأني متأكده انه زوجي ..... وياشيخ ما هي الا دققتين الا هو داق علي من جواله الأصلي !! وانا ما رديت فأرسلي :أختي انتي داقه على رقم نهايته كذا وكذا ؟
دقايق الا مرسلي على جوالي الأصلي وهو منفعل ويقول فلانه دقي على الرقم الفلاني وشوفي من هذي الحيوانه اللي سببت لي مشكله وبعدين اقولك وش السالفه ( زوجي ما يسويها لو كان الموضوع صدق راح يخاف اني اصدقها ) بالذات انه ارسل لي على طول ما حاول معها كثير....( ولما قلت له غريبه تقولي قال علشان ماتقولي ليش ماقلتي )
بعدها دق علي .. قلت وش السالفه : قال وهو متوهق وبشكل سريع عن شريحته الثانيه : انا عندي شريحتين قديمه اعطونا اياها جرير لما شرينا اللابتوب وهي شريحة بيانات اعطيتها لواحد في الدوام ما احبه !! دخل علي فجأة ورمى علي الشريحة وقال قدام الشباب انت مسوي فيها مطوع ووحده داقه تقول انها تعرفك من زمان وتقول انها طالعه معااك يقول شاف الرسايل اللي ارسلتها .. وكان منفعل كثيررررررر ومقهووووووور وهو يكلمني حتى أني صدقته وكنت بعترف له !! مع انه بيقلبها علي ... ... ويقول انه ما قال لأحد من ربعه !! ليش ؟ خايف ياخذون رقمها ويدقون عليها ما ابي اسبب مشاكل!!
لكن كملت معه المسرحية .. وقلت له اني كلمتها وقالت فعلا انها تعرفك وقالت اوصافك .. انقهر وصار يهدد ويتوعد قال بيشتكي عليها ..من الظهر الى المغرب وهو على هالحاله بعد المغرب كلمني قال رحت الهيئة وعمل سيناااااااااااااااااااااريو كاااامل بينه وبين رجل الهيئة .. سألته عن اسم الشيخ قال ما اعرفه ...
قابلته بالليل كان مهموووم ومقهوووور من جد حاول معي يرجع الأمور لطبيعتها وانه نطلع نغير جو بس انا رفضت ... طلب مني اجي بجنبه انا رفضت مو متقبله ... جلس يتابع مسلسل سألته وش بتسوي بالموضوع قال بيرفع بكره الموضوع للأماره وهم يوصلونه لفلا ن او الامير فلان !! تخيل .. مع اني احس الموضوع تافهه مايوصل لذي الدرجه ..
تناقشت معه شوي وقلت ليش ماقلت لاصحابك .. انا اعرف ان هذي المواضيع عاديه بينكم وانكم تتبادلون ارقام البنات ... عصب علي وقال انا ما ارضالك تقولين كلام مثل هذا ! مع اني واثقه من صحة كلامي .... يعني مو معقول هو لما انا اكتشفته وتاب كل اصحابه تابوا !!!!!! .... صدع راسه كان متعب نفسيته سيئة من جد ( يعني متقمص الدوووووووور بجد )
انا مو مصدقه أحسه مو طبيعي ..... مكذب الكذبه ومصدقها وعايشها
لما واجهته وقلت له بكره راح اعزم اوبي وابوك واختك يحكمون فيما بينا !! عصصصصب وقال وش بتقولين لهم !!!! وقال تدرين معنى كلامك ؟ معناه انه ممكن يكون بكره اما حياتنا تستمر ؟ او ننفصل ؟ قلت عارفه !!
عصب وما تحمل ولبس ثوبه بيطلع قال راح ابات برا لأنه يمكن تكوني الحين حرام علي !!
وما سكت ابد .. قال جبتي ابوي وابوك ؟ وبعدين ؟ ايش النهاية ؟؟ فضيحة بطلع أنا أغازل وأطلع مع بنات ( فضح نفسه ليه متوقع انهم راح يستنتجون هالاستنتاج مع اني ما اتهمته انه يطلع معهن لكنه خلاني أشك) قال وبعدين وش النهاية ؟؟؟؟ راح اقول لأبوك هذي بنتك اخذها ؟ هذا اللي تبينه !!
قلت له اذا انت مستعد نتناقش بهدوء راح اتنازل عن الفكرة ! وافق
وكل سؤال اسأله اياه يجاوبني بجاوب مقنع (كذب احترافي)
واحنا نتناقش خرج عن صلب الموضوع وجلس يتكلم عن همومه
ووافق إني اروح الهيأة والأماره حتى اتأكد من صدق شكوته
وطلبت منه الشريحة الي كانت عند صديقته قال ضاعت قلت له طلع لي بديلها
عصصصصب وقال انتي ماتبين تطلعين برائتي انتي تبين تثبتين علي اللي في بالك !
وقالي تبين اعترف اني اغازل ايه انا اكلم وانا وانا ...وهو معصب مره وراح نام وتركني 
طبعا بعد هالموقف صرت أشكك في كل حاجه يقولها لي وتبين لي كذبه في كثير مواقف
وعندي سؤال ثاني : هل مبدأ إن الزوجة تهتم بإسعاد زوجها فقططط وتترك له حياته الخاصة وما تدخل حتى لو كان يخونها
هل هذا المبدأ صحيح ؟؟؟؟؟؟؟؟؟؟؟
لأن والدي الله يحفظه يقول لو واجهته راح ينكر وبتخرب العلاقه بينهم وهو بيستمر على خطأه وهي ماراح تستفيد شي!
إذا كان هذا المبدأ صحيح ؟؟ هل الزوجة قادره عليه ؟ وكيف ؟ ومشاعرها ؟ وغيرتها ؟ كيف تتخلص منهم : (
ليتهم قالوا لنا إن الحياة والزواج كذا ما كان تزوجنا
الحمدلله ع كل حال
التعديل الأخير تم بواسطة بيــان ; 24-01-2012 الساعة 10:37 AM
24-01-2012, 10:27 AM
ضوابط المشاركة
العرض الشجري