صباح الخير ..

انا بدخل بالموضوع عــ/لطول...

انا مملك ولي الان 6 شهور وبصراحه كثرة المكالمات وشحن رصيد بصراحه خساره...

وفي اليوم مدري كم بطاقه وشحن ومن ها الكلام .... وحتى لو جوال فاتوره كم بتطلع اخر الشهر ؟؟؟ 3000؟؟؟3500
وتقريبا الي مره بها التجربه يعرف

....

المهم انا تكلم مع زوجتي وهي عندها بلاك بيري ونا ما عندي لي اني ما اعرف له بالمره خخخخ

وقالت ليش ما تشتري بلاك بيري ويصير نتواصل من البلاك ومن الجوال ,,عشان نخفف الخساره شوي؟
... قلت لها ما اعرف له ...

قالت انا اعلمك اوم الفشله >>في اي زمن انت 1400 هع

بس بصراحه انا فكرة فيها خاف يكون مردود البلاك بيري زعل بيني وبينها او يسبب مشاكل

وكذا قصه سمعتها ... عن مملكين يتواصلو من البلاك بيري ويصير بينهم زعل .. مثل تطنيش من احد الطرفين ... او غيره او او ... ونا والله ما احب ها المشاكل نهائيا


براااايكم لو اني اشتريت بلاك بيري وتواصلت معها بيكون شي ممتاز ... او خطا ؟


انتضركم

الأمر في البدايات لا يخلو من الإدمان وإن كان يختلف باختلاف الأشخاص ومدى نجاحهم
في استثمار التقنية وتنظيم أوقاتهم دون إفراط أو تفريط


لو ذكرتَ أنه مضى على زواجك فترة لكان من الممكن أن تدمن وتلهو عن أسرتك

لكن لا أظن أنه من الممكن أن يشغلك عن عروسك شاغل هذه الفترة حتى لو كنت تملك مصنع بلاك بيري

توكل على الله لو رأيت أن الأمر أوفر ماديا
أسعدكم الله

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!

من ناحية أوفر هي صادقة.
حلو تكونون 24 ساعة متواصلين.
والبلاك عادي مأفيه شيء تتخوف منه.
أسعدكم الباري.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

بالنسبة للمكالمات إذا كانت كثيرة في برامج مجانية مثل الفايبر والتانجو وغيرها ..
لو اشتريت جوال ذكي واشتركت اشتراك مفتوح في النت أو فر لك ، أو تستخدمه بالنت اللي في البيت عن طريق الوايرلس إذا كانت مكالماتك لها في البيت ..

__________________

مو شرط بلاك بيري ادا عشان التواصل الكتابي

من نفس جوالك ركب برنامج الوتس اب تقريبا مثل البلاك بيري

وبالنسبه لخوفك من المشاكل قريبتي كانت مثلكم هي وخطيبها وبعدين شرا بلاك عشان يكونون متواصلين تقول ياليته ماشرا صار يدقق على كل شي وهي نفس الشي كل كلمه يكتبها واي محل يصوره

وبالاخير غير جواله وارتاحو

__________________

الله ييسر لكم اموركم يارب ,’~
حلو انك تشتري البلاك وجداً رائع لانه بيجيك منها اهدائات وكلام رائع ومن ناحية التوفير جداً راح يوفر عليكم
وتقدر تشوف حالتها ونفسيتها وجديدها من خلاله .,~
ومافيها شي لو علمتك عليه ممررررا عاادي ,,’~

دمت بوود =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

وربي قهر كتبت لك رد جميل ويوم جيت ارسله النت فصل قهر
باختصار
فيه شرائح من موبايلي يبيعوها موزعين ابحث عنها في قوقل ولو المنتدى يسمح كان وضعت لك روابط
طريقتها شريحتين قيمتها 180 ريال تقريباً حسب الموزع تشحنها 30 ريال كل شهر
مكالمات مجانية بين الشريحتين مفتوحه 24 ساعة ماتدفع غير 30 ريال فقط
بس خارج الشريحتين بفلوس
ربي يسعدك ويوفقك ويتمم لك على خير

__________________

انا من رأي الواتس اب افضل عشان ماتصير مشاكل كثيرة بس اذا هي اللي طرحت عليك الفكرة فراح يكون حلو خاصة راح تشوف الصور اللي حاطتها لك وكزوجين انا اقول احلى من الواتس اب كجهاز وخدمة

ياخوي انت ما فهمتني ...انا لازلت مملك والبنت في بيت امها ونا بيت ماما ههههه

والي اقصده من كلامي التواصل عبر الجوال والمكالمات خسرتني صرة باليوم اشحن يمكن بـ 200 ريال لي ولها عشان تواصل ...
هي عرضة فكرة البلاك يري عشات التوفييير المادي بس

ولاهنت على الرد يالغلا

والله هذا الى فكرة فيه

لاهنت على الرد الجميل المفيد