سلام على الجميع وتحية طيبة لكم اعزائي
الحقيقة مادري وش اقولكم وكلي ارتعد وانا اكتب لكم بس تحملوني وانا جاية وكلي ثقة فيكم بعد الله انكم بتلقون لي حل وباقرب وقت لاني وصلت مالايحمد عقباه واقسم بالله اكتب ودموعي تفيض تعب ياعالم والله تعبت
مشكلتي مع زوجي هي الشك انا اشك فيه بكل شى وشكي ما جا من فراغ كانت له اغلاط وكشفتها وطوينا الصفحة عشان المركب تمشي بس لسه اذكر خيانته لي ومو قادرة انسى انه كان يكلم غيري وكل شوية احلفه على كتاب الله ويحلف لي وارتاح وقتها ويرجعلي الشك حياتي ايلة للسقوط واهم شى صحتي والله اني اتعذب وربي عالم فيني ماحس معه باالامان على كل كبيرة وصغيرة يهددني بالطلاق وانا تعبت نفسيتي وكل ماجاب سيرة الطلاق اشك اكثر ان في حياته علاقات يتجاهلني بشكل مو طبيعي ويسكت بالساعات اكبر متعبته التلفزيون لو يجلس يتفرج طول الليل ماعنده مشكلة احيانا اقوله اعطيني وجه واحيانا استسلم للامر الواقع واصير اتفرج معه وذا ضحك على شى ضحكت معه وانا بداخلي جبل قهر ودموع
انا اعترف اني غثيته بشكي واني ودي اتركله المجال عشان اذا في نيته يبطل شى مو زين يبطله لكن ياناس والله ماقدرت اتحكم بنفسي كل ماجاني الشك واذكر محادثاته عالنت اتعب واقول معقولة زوجي قال كلمة فديتك لغيري معقولة شاف شى ماهو لزوجته ااااااااه بموووت انا احبه رغم كل هذا وودي اعيش معه بس بنفس الوقت ماني قادرة انسى في ناس تعرضوا لخيانات اشكال وانواع وتحلموا ونسوا بس انا كثير حساسة
واكره شى عندي اسمع فلان خان زوجته ولا فلانة خانت اتعب حتى لو ماكنت معنية بالامر راجعت عند طب نفسي كثير اهدئ فترة ويرجعلي الشك على حسب المواقف وكل ماتجاهلني زوجي اكثر وهددني بالطلاق اكثر يزيد شكي فيه اكثر سعيت بشتى الطرق اني احمل وماكتب ربي لانه شى ماهو بيدي قلت ممكن لو عندي منه عيال تزين الامور ويتمسك فيني اكثر ولكن هذا امر بيد الله تطلقنا مرة ورجعنا وهو كان يقول ماقدرت اعيش بدونك وانا نفس الشى وفتحنا صفحة جديدة مفعمة باالامل بس بيوم ادخل من جهازه واكشتف محادثة له مع وحدة بحجة انه كان يقول يبي يتزوجها بفترة طلاقنا !!! معقولة ياناس اول مايطلقني وانا باول اسبوع عدة يدور غيري وحتى وان كانت السالفة صحيحة معقولة يتكلمون بمستوى بديئ والمشكلة انه كان معطيها اسمه بالكامل وموريها صوره يعني فرضا انه كان يعدي وقت ليه يعطي معلوماته الصحيحة
ومعطيها رقم جواله ويقولها صحيني بكرة الساعة الفلانية على طول بنت هوى اخذت مكاني وصارت هي الي تصحيه حريقة بقلبي والله ياجماعة ولاني عارفة كيف اطفيها فكرت بحل الطلاق بس ماعندي القوة الكاملة حتى اعيش بدونه بالوقت الحالي لاني لسه احبه ومتعلقة فيه!! تناقشنا كثير بهالامور وقلت له حاول تساعدني عشان اتخلص من هالشك وتراك انت سببه اهتم فيني اغدقني بحنانك يمكن هالاشياء تساعد كل ماجاني شك القى له مخرج بس لاحياة لمن تنادي عنده ياطلاق ياتطنيش اخر شى لقيت رقم لي قديم ضاع مني وكانت تجيني عليه ازعاجات مرسل له رسالة والرقم ضاع مني من سنة ونص قلت له كيف رقمي مرسل لك رسالة وطبعا الرسالة فاضية قال ليش هذا رقمي توقعته حق صاحبي انا جلس فيني شك بس من كثر ماصرت اشك حتى بعقلي صاحي ولا لا قلت يمكن اشه على الرقم بس هيهات مامرت علي السالفة وانا نايمة الفجر اذكره وقمت فعلا تاكدت من العمليات البنكية الي قمت بها وكان نفس الرقم بس ايش جابه على زوجي فكرت وقلت يمكن عشان الرقم مميز زوجي سحبه وخلاه معه بدون علمي تاكدت ان الرقم صار باسم هندي وزاد استغارابي قلت معقولة زوجي بيحطه باسم هندي عشان لا اكشفه قلت له صارحني بالحقيقة
قام عصب وكان بيسوي فيني حادث ووقف السيارة وقال اذا اعرفه او لي علاقة فيه فانتي طالق والله يحرم علي الجنة قلت اووووووووف ليش كل هذا ترى انا بس سالتك ورحنا الاتصالات وكان معي الشريحة الكبيرة الي عليها البين وعطيتهم اخر رقم دقيت عليه من سنة وقامو رجعلولي الرقم وحطيناه باسم وصار معي الان بس لسه عندي مليون علامة استفهام كيف رقمي يرسل رسالة لزوجي وزوجي يقول انا معرف من ارسلي !!
عموما مو هنا المشكلة المشكلة انا الحين كيف اتخلص من المصيبة لي انا فيها وكيف اريح نفسي من هالشك القاتل وكيف اعيش بامان معه وانا اخاف منه ومن تصرفاته وكيف انسى الماضي بالله عليكم قولولي كيف انا تعبت وكرهت حياتي ولا صرت اشوف بصيص امل في كثافة ظلام كالح غطى نور حياتي ارجوكم ساعودني وخاصا الرجال ولكم الاجر واسفة كثير طولت عليك بس والله اني حاسة بالموت البطيئ