وقت الزعل زوجي يتجاهلني
السلام عليكم ورحمة الله
انا عضوه هنا معكم واتابعكم شبه يوميا مع انو مشاركاتي قليله جدا
المهم
انا عندي مشكله وساعدوني فيها
انا مقهوره حدي وبركان داخلي يغلي وبينفجر وبيفجر كل شي
يعني يا ناس يابنات ويا نساء انتو ماتزعلون من ازواجكم مايصير تصادمات ويصير زعل ومزاعل
طيب اذا واحد زعل الثاني شو موقفه يصير مثله او يصير لوح ثلج
او يقلبها ويصير هو الزعلان ,, مع انه واااضح انو الغلط راكبه
انا خلاص انجنيت
اقولكم الموقف
صار واني اتصلت على زوجي ومع اني كنت هادئه والامر عادي صار اسلوبه زفت وهو يرد علي
وقالي يالله يالله وسكر انا هنا انجنيت وعلى فكره هو اسلوبه احيانا زفت في شي ماله داعي
وكم وكم مره احذره ويندم ويعترف بس يرجع مثل قبل
انا رسلت له وقلت تسكر في وجهي طيب
وماكلمته
والحين لي ثلاثة ايام انا مطنشه مره وهو مطنش ألف
وربي محروقه داخل يعني شلون انا الحين زعلانه وقسم ماعنده استعداد حتى يشوف شعندي
طيب شنو الحل شلون يعني الناس ماتزعل معقوله ازعل لحالي وارضى لحالي
وهو ولاهو بداري عني
والله اذا هو زعل مااتركه ابد واتلصق فيه وابي اعلمه انو اذا هو زعل مايهون علي
طيب ليش مايصير هو كذا ؟؟؟؟؟؟؟؟
انا مليت لاتقولوا لي بدال ما تزعلي ناقشيه
تعبت لان كذا مره يصير كذا ونتناقش ويعترف بس فتره ونرجع من نقطة الصفر
ياربي شالحل شالحل ؟؟؟؟؟؟؟
المشكله اللي فيني اني اقارنه باخواني من داخلي طبعا
والله اخواني بلسم وين بيشلون وين بيحطوني وكلام ذرب ومحترم اصلا ماعمرهم رفعوا صوتهم او صار اسلوبهم سيئ ابدا ابدا اصلا مايعرفوا كذا
ولمن تزوجت انصدمت ياربي في ناس يتكلموا كذا
مع اني متزوجه من ست سنين بعدني ماني متعوده على اسلوب زوجي واكره اسلوبه جدا
وما ادري وش اسوي ؟؟؟؟
__________________
((...وان فاطمة سيدة نساء اهل الجنه ))
05-02-2012, 09:48 PM
ضوابط المشاركة
العرض الشجري