السلام عليكم ورحمة الله وبركاته
دى طريقة تارت التفاح الاصلية

نبدأ بسم الله
المقادير للعجينة
ربع كوب ماء-بيضة(احمر)-ملعقة كبيرة خل-2كوب دقيق-نص ملعقة صغير ملح -ربع كوب زيت-ربع كوب سمن-كيس فانيليا
المقادير للحشو
5 تفاحات مقطعين مكعبات-كوب ونص سكر ابيض عادى-ملعقتين كبار قرفة(حسب
الرغبة ممكن تزودى او تنقصى)-ملعقتين كبار سمنة وبردو ممكن تزودى
اول حاجة هنجيب البيضة والفانيليا والخل والميه ونضربهم مع بعض
نسيبهم ونجيب بولا تانيه نحط فيها الدقيق وعليه الزيت والسمنة وندعكهم بايدينا
بصراحة انا لما عجنتهم لقتهم ناعمين اوى فزودت دقيق لغاية مابقت عاملة زى فتافيت العيش
بعض كده حطيت البيض والخل اللى ضربناهم على الدقيق ونعجنهم هنلاقيها ناعمة وسهلة التشكيل
نركن دلوقتى العجينة
نيجى للحشو نحط التفاح المتقطع مع القرفة والسكر والسمنة ونخلطهم بايدينا
خلى بالكم المقادير دى سواء العجينة او الحشو لصينية مقاس 24
نجيب الصينية وندهنها سمنة
ونقسم العجينة كورتين كورة عادية وكورة اكبر شوية
الكبيرة دى اللى هنغطى بيها الحشو
نفرد الكورة الصغيرة بالنشابة ونحطها فى الصينية ولو فيه زيادات نشيلها بعد
كده نحط الحشو ونفرد الكورة الكبيرة ونغطى بيها الحشو بأحكام يعنى تقفلى
على الحشو كويس اوى
وتخرمى الوش من فوق بالشوكة
نيجى بقى للخبز
انا خبزتها على حرارة 125
بتاخد ساعة تقريبا
وعايزة اقولكم سر
اى حاجة بخبزها فى الفرن عشان متنشفش وتتلسع من تحت بحط من تحت اقصد الصاجة اللى فوق النار صينية فيها ميه
بحيث انها بتبقى تحت الصينية اللى بنعمل فيها الحاجة
بتدى طراوة للحاجة اللى بنخبزها وتخليها متتحرقش
بعد نص ساعة هتلاقيها الحشو نزل منه صوص
هتطلعى الصينية وتاخدى الصوص ده بالمعلقة تسقى بيه الوش من فوق وتدخليها الفرن تانى
ولما تحسى انها استوت والوش احمر تطفى وتشغلى الشواية عشان تاخد لمعة من فوق
دلوقتى بقى هسيبكم مع الصور بالتفصيل


http://i43.servimg.com/u/f43/15/33/51/98/134.jpg

http://i43.servimg.com/u/f43/15/33/51/98/231.jpg

http://i43.servimg.com/u/f43/15/33/51/98/332.jpg

http://i43.servimg.com/u/f43/15/33/51/98/434.jpg

http://i43.servimg.com/u/f43/15/33/51/98/533.jpg

http://i43.servimg.com/u/f43/15/33/51/98/629.jpg

http://i43.servimg.com/u/f43/15/33/51/98/729.jpg

دى بعد ربع ساعة من مادخلتها الفرن واللى تحتها دى الصينية اللى فيها ميه اللى قلت عليها

http://i43.servimg.com/u/f43/15/33/51/98/829.jpg

دى لما طلعتها وحطيت الصوص على الوش

http://i43.servimg.com/u/f43/15/33/51/98/923.jpg

دى لما استوت وطلعتها من الفرن قبل التقطيع

http://i43.servimg.com/u/f43/15/33/51/98/1018.jpg

ماشاءالله تبارك الله

شغل مرررتب تسلم يدك وبالعافيه عليكم

__________________
ياررب ارح قلبي وعوضني خير

ماشاءلله تبارك الله مبدعه
الله يرزقك بالزوج الصالح انتي وجميع المسلمين يارب =)

دمتي بوود ,’~

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

تسلم ايديك يا موني

بس انا احب العجينة تكون هشه بدون صوص على الفطيره

عوافي على قلب اللي اكل يا رب

__________________
هدية Beta لكم موضوع يحتوي روابط كل مواضيع والدنا المستشار الفاضل رجل الرجال
http://www.66n.com/forums/showthread.php?t=227929

ما شاء الله عليك أختي شكرا لك

ماشاء الله سلمت الايادي والف صحة على قلبك.

__________________