السلام عليكم ورحمة الله وبركاته
النهرده جيبالكم طريقة بسيطة جدا لمحشى الكرنب للمبتدئات والعرايس وكل اللى مش بتعرف تعمله
المكونات
طبعا كرنبه
مقادير الخلطه
كيلو طماطم
بصلتين متوسطين
حزمتين كسبرة خضرا وحزمتين بقدونس
7 كوبايات رز
توابل للخلطة /فلفل-ملح-رشة شطة-بهارات-قرفة-كمون-كسبرة ناشفة
طريقة الخلطة
نغسل الرز كويس
نحط البصل والطماطم ع النار شوية وبعدها البقدونس
نطفى النار ونضيفلهم الرز ونقلب ويعدها نحط التوابل ونقلب
نيجى بقى للكرنبه
هتشيلى ورقة ورقة من الكرنبة وتحطيهم على الترابيزة
وقبلها تكونى مجهزة حلة كبيرة فيها ميه ومعلقتين كمون وفصين توم دى اللى هنسلق فيها ورق الكرنب
http://i43.servimg.com/u/f43/15/33/51/98/121.jpg

نغطيها ونسيبها تغلى ولما تغلى نحط فيها كل ورقة لوحدها لمدة نص دقيقة او اقل عشان متتقطعش منك فى اللف
http://i43.servimg.com/u/f43/15/33/51/98/220.jpg

ونشيلها ونحط اللى بعدها وهكذا لغاية مايخلصو
انا عنت الورق فى بولا فى التلاجه عشان مش هحشيه فى نفس اليوم
نيجى بقى للتقطيع
هتجيبى الورقة وتفرديها على طبق وتقطعى العرق التخين اللى فى النص
http://i43.servimg.com/u/f43/15/33/51/98/321.jpg

بعد كده هتلفى الورقة على شكل اسطوانة
http://i43.servimg.com/u/f43/15/33/51/98/422.jpg

وهتقطعى الاسطوانة دى
طبعا الكلام ده هتطبقيه على كل الورق
http://i43.servimg.com/u/f43/15/33/51/98/524.jpg

هتجيبى اى جزء من اللى انتى قطعتيه من الاسطوانة
http://i43.servimg.com/u/f43/15/33/51/98/620.jpg
هتفرديها هتطلعلك ورقة طويلة
http://i43.servimg.com/u/f43/15/33/51/98/720.jpg
هتقطعيها عشان تاخدى كل ورقة من اللى قطعتيها وتبدأى تحشيها
http://i43.servimg.com/u/f43/15/33/51/98/820.jpg
هتجيبى الورقة وتفرديها على الطبق اللى هتحشى عليه ولازم وانتى بتحشى عروق الورقة تكون بالعرض زى كده
http://i43.servimg.com/u/f43/15/33/51/98/919.jpg
تجيبى كمية الخلطة اللى انتى حباها وتحطيها على طرف الورقة
فيه ناس بتحب تحط كتير وناس لاء
http://i43.servimg.com/u/f43/15/33/51/98/1015.jpg
تمسكى الخلطة بالورقة وتضغطى عليهم وتلفى عشان يبقى الصوبع متماسك
http://i43.servimg.com/u/f43/15/33/51/98/1115.jpg
وتكملى لف
http://i43.servimg.com/u/f43/15/33/51/98/1214.jpg
وتحطى الصوابع فى الحلة بشكل دائرى او بالشكل اللى يريحك
انا كنت فارشة الحلة ورق الكرنب الاخضر اللى بيبقى على الوش بس الخطوة دى
على حسبك انتى يعنى ممكن نستغنى عنها
http://i43.servimg.com/u/f43/15/33/51/98/1314.jpg
وهكذا لغاية ماتخلصى الحلة بس سيبى فيها مسافة عشان الشوربة وعلى فكرة غالبا الكرنبة بتعمل حلتين واحدة متوسطة وواحدة صغيرة
نيجى بقى للسواء هتسخى الشوربة اللى هتسقى بيها الكرنب
وهتحطى الحلة ع النار وتحطى على الوش معلقة زبدة وتغطى الحلة لمدة 10 دقايق
وبعدها تحطى الشوربة بعد ماتكون غليت تحطى لغاية ماالشوربة تبقى فوق
الكرنب
وبعدها تحطى طبق على وش الكرنب يكون قد الحلة
الخطوة دى مهمة عشان الطبق بيكبس الشوربة مع البخار وتخلى الكرنب يستوى كويس
http://i43.servimg.com/u/f43/15/33/51/98/1413.jpg
وتسيبيه على نار هادية لمدة ساعة ونص ممكن اقل او اكتر انتى لازم كل شوية تكشفى عليه وتحطى الشوكة فى واحدة وتشوفيه استوى ولا لاء
وبالهنا والشفا
http://i43.servimg.com/u/f43/15/33/51/98/1513.jpg

ماشاء الله دايم اتابع مطبخك الله يقويكي وعطيكي العافيه ويفرح قلبك من محبين الكرنب بقوووووووووه للامام دائما

ماشاءالله شكله لذيذ جدا يسلمو ايدك

تسلم لنا هاليدين
الله يعطيكِ العافية

__________________

إذا كثُر الاستغفار في الأمة وصدَر عن قلوبٍ بربّها مطمئنة دفع الله عنها ضروباً من النقم، وصرَف عنها صنوفًا من البلايا والمحن، {وَمَا كَانَ اللَّهُ لِيُعَذّبَهُمْ وَأَنتَ فِيهِمْ وَمَا كَانَ اللَّهُ مُعَذّبَهُمْ وَهُمْ يَسْتَغْفِرُونَ}

تسلم الاياااااادى >>> احب الكرنب بالعاافيه عليكم

__________________
ياررب ارح قلبي وعوضني خير

يسلمووووووووووووووووووو

من سنوات وانا اتمنى اسوي هالطبق
لكن شكل المشروع قريب

انا مشكلتي لما اجي افك ورق الكرنب يتكسر
واتحطم .......

الله يجزاك كل خير

__________________