السلام عليكم ورحمه الله وبركاته
انا ضيفه جديده بينكم اتمنى تقبلوني اخت لكم لاني محتاجه لكم بعد ربي سبحانه

انا مطلقه بزواج دام شهرين فقط .. بالبدايه انا يوم ملكت عليه مارتحت له ابد ابد ماكنت مبسوطه معه

كان اسواء ايام حياتي خطوبتي حتى هو ماكان يحاول يحببني فيه بالعكس كان يكرهني فيه بزياده

انسان مغطرس ماكان حاله حال اي رجال يسعد خطيبته او يحببها فيه كان يسبب لي مشاكل ماعمره

قالي كلمه حلووه كرهني حياتي وربي .. هو الي عجل بزواج وتزوجنا وهنا بدت معاناتي معه

عرفت انه مايصلي وتجادلت معه مو راضي يصلي عرفت له علاقات مع بنات مو بنت وحده لا

مع بنات هو الي صارحني وقالي عن كل شي وانا من شده صدمتي ماصدرت مني اي رده فعل

تمااااااااااادي لدرجه يجيب هدايا خوياته لغرفه نومي وانا توي عرووس لي بس شهرين معه انا هنا

انفجرت وعلمت اهلي عن كل شي لانه مد ايده علي واهاني واحتقرني وداس علي حسبي الله وكفى

اهلي كلموه ومانفع اهله كلموه مانفع هجرني وماعاد ينام معي انام لحالي وهو لحاله بعدها جابني بيت اهلي

وماعاد خذني وصلنا للمحكمه وهو اعترف بكل شي قالي الشيخ ربي يفكك منه دام اعترف بلي يسويه

وش لك فيه الحمد الله على كل حال .. خلعته اي خلعته وانا ماعشت معه الا شهرين بس وعذبني واهاني

وخاني ماقول غير حسبي الله عليه ونعم الوكيل الله لا يحلله ولا يبيحه ليوم الدين حسبي الله وكفى

انا الحين لي 5 شهور من انفصلت : ( نفسيتي يوم تززيين ويوم في الحضيض

تزوج بنت جارهم وهم خلعته مثلي

وبالاخير تزوج البنت الي كان يخوني معها اي تزوج البنت الي قالت له طلقها وتزوجني

فعلا تزوجها بس هو ماطلقني ماعطيته فرصه يطلقني انا خلعته وراح تزوج البنت الي كان

يخووني معها حسبي الله عليها خربت حياتي يارب مثل ماخربت حياتي هي وغيرها من البنات

خرب حياتهم ودمرهم حسبي الله ونعم الوكيل ..

اهله يحبوني وللحين يدقون علي ونا مابييهم يكلموني امه تحبني وتكلمني وتقولي والله مو راضيه

على الي صار لك روحي الله يفتحها بوجهك ويعوضك ربي بلي احسن من ولدي

ولدي مايستاهلك فعلا مايستاهلني يستاهل وحده حثاله مثله

انا الحين تعبانه مو قادره انساااااااه دايم على بالي صحيح ماحبيته ولا ارتحت معه بس مو قادره انساه وربي

قولو لي وش اسوي ؟ محتاره بكل شي دمر حياتي والله دمرها حسبي الله عليه ونعم الوكيل

اسفه اذا كلامي ملخبط : (