سوف أضع لكم المحادثة كماهي، بدون مقدمات.. وما هدفي سوى إفادتكم..
طبعاً مافي الأقواس لم ترد في المحادثة.. لكنها للقراء الأعزاء
واحد حابب يتسلى: مرحبا يا (....)

وحدة بتخاف الله: مين معي؟!

واحد حابب يتسلى: معك فيصل.. مين إنتي؟ (مستعجل كتير)

وحدة بتخاف الله: طيب يا أخي.. أنا ما بضيف حدا ما بعرفو أبدا بس إبني الصغير قاعد عاللابتوب ووافق على إضافتك بالغلط، (ابني الصغير=أنا متزوجة.. من أولها!)
وقبل ما أعملك بلوك.. بنصحك نصيحة لوجه الله، من أخت لأخوها إنك تتقي الله وما تضيف وتحكي مع بنات ما بتعرفهم، ترى رب العالمين شايف وعارف

واحد حابب يتسلى: ليش؟!

وحدة بتخاف الله: شو هو اللي ليش؟

واحد حابب يتسلى: شو حرام؟!! (معقول يكون حرام؟ شو رأيكم؟)

وحدة بتخاف الله: إذا ما كان حرام.. بأدي لحرام.. أقل شي ممكن ينقال عنو إنو تضييع وهدر للوقت بشي غير مفيد

واحد حابب يتسلى: بدي اتعرف عليكي من وين إنتي؟ (لك شو عم نحكي لكن!!!!!)

وحدة بتخاف الله: بالظاهر أنا عم بحكي بوادي، وإنت بوادي

واحد حابب يتسلى: لاتفهميني غلط!! (والله يا أخي الشغلة مابتنفهم غير هيك)

وحدة بتخاف الله: الله يتوب عليك ويهديك ويجعلك من الشباب الصالحين المصلحين في المجتمع

واحد حابب يتسلى: آمين.. (يا رب تكون من قلبك)

وحدة بتخاف الله: أنا ما عندي وقت للحكي الفاضي...السلام عليكم

واحد حابب يتسلى: بس أنا شب "صادق"... وبدي صديقة مثلك تكون "فهمانة"
(وهون يا أخواتي بيبدأ الفخ الجديد.. لما بحس إنك متمسكة بمبدئك بحاول يصير صاحب "مبادئ" وإذا تجاوبتي معه ـ لتختبريه ـ عندو حكي كتير يلف دماغك، لأنو مجرب وحاكي مع أمثالك وبيعرف كيف بتفكري، ووارد جداً تعجبك شخصيتو، ويقدر يقنعك إنو هو "غير")

وحدة بتخاف الله: وليش بدك صديقة فهمانة؟
(لاحظو لما حس إني تجاوبت معو شو قال

واحد حابب يتسلى: أحب اسمك كتير لان إسمك حلو يعني لي الكتير
(يااااي كتير سبب مقنع وخلى قلبي يدق!! بدو يحاول يقول إنو ما جذبه غير الإسم، وماعندو هدف تاني.. الزلمة شريف بس عندو "ذكريات" مع هذا الإسم بالذات)

وحدة بتخاف الله: شو بتستفيد لما بتحكي مع حدا ما بتعرفو؟ ممكن يكذب عليك بكل كلمة بيحكيها وممكن يكون شب أوبنت تافهة عم تضيع وقتها؟

واحد حابب يتسلى: عندي إحساس إنو إنتي بنت صادقة..حابب ادردش معك (بحاول يوهمك إنو معجب بصدقك وأخلاقك)

وحدة بتخاف الله: طيب ما بتعتبر هالشي تفاهة؟ إنو الواحد يضيف أي حدا ويحكي معو أي شي وهو ما بيعرف عنو شي؟ اللي منعرفهم هالأيام يادوب نفهم عليهم ونتفق معاهم

واحد حابب يتسلى: ماكل العالم واحد في عالم تفهم عليكي

وحدة بتخاف الله: إي الحمدلله عندي صديقات بعرف أصلهم وفصلهم ومنفهم على بعض، ومافي داعي دور على (أي حدا) لأحكي معو..
بس... برأيك لو إجا ملك الموت هلأ وقبض روحك.. الله بيكون راضي عنك؟
ولا تنسى أن الإنسان يبعث كما مات
بعدين مانك شايف الدنيا! الناس هلأ عم تموت وتستشهد
والله قلبي بيتقطع على الوقت اللي بتضيعوه بالحكي اللي لا بقدم ولا بأخرهذا إذا ماكان في حب وغرام وكلام حرام

واحد حابب يتسلى : أناعسكري وعم شوف اكترمنك بس عم احكي معك من شان انسى الي اشوفو

...........................................

واحد حابب يتسلى: شو وين رحتي؟!

وحدة بتخاف الله: شوف يا أخي.. أنا وحدة متزوجة ومستورة الحمدلله، وبعمري ما حكيت شباب قبل ما إتزوج لحتى إحكي هلأ، مو لأن ما عندي مشاعر، ولا لأني ما بحب إحكي، بس لسبب وحيد هو إني بخاف الله
وربي يشهد ليش حكيت معك، كان قصدي إنصحك وذكرك إنو اللي بتعملو هاد ما بيرضي رب العالمين، ورح تندم عليه يوم الحساب، بس الظاهر ماناوي تفهم عليي
الله يهديك.... أو.... يحمي بنات الناس منك
وتذكر إنك عندك خوات وبالمستقبل زوجة وبنات، وما بترضى وحدة منهم تحاكي شب مهما كان (صادق ومحترم و....)
روح دور على زوجة صالحة تملي حياتك وتكون الصديقة الوحيدة بحياتك أحسنلك
وهاد آخر كلام عندي

واحد حابب يتسلى: خلص تبت على ايدك الك الشكر يا "إختي" ويا "صديقتي" (لسا عندو أمل بالصداقة!)
بس اذا بتقوليلي من وين انت... وعد ماعاد اراسلك

وحدة بتخاف الله: أنا من سورية الكرامة

واحد حابب يتسلى : انا بشكرك على النصائح مع السلامة بوسيلي ولادك أختي وهاد آخر رد إلي

وحدة بتخاف الله: في أمان الله

وبعدها يا أختي العفيفة..مافي أسهل من البلوك..
سواء كان صادقاً أم لا في توبته..
فليس عليك هداه.. ولا يأتيك الشيطان ويقول لك لازم تتابعي معاه حتى لا يضيع! وقد يكون هو ذلك الشيطان ويحاول أن يطلب منك أن تبقي لتنصحيه، فتوافقين من باب الدعوة إلى الله!!
لا يا أختي.. أبواب الدعوة إلى الله كثيرة، فاطرقي مالا يخالطه الشك والريبة،، وحتى هذه الطريقة، وضعتها لتستفيدي منها عندما (تضطرين) لسبب ما إلى التحدث مع شاب.. لكني أرى أن عدم إضافتهم أصلاً هو السبيل الأنقى والأفضل، لأن القلب ضعيف، والشيطان خبيث لا يؤمن جانبه خاصة في مثل هذه المواقف.. والأدهى أن مثل هؤلاء الشباب، لهم باع طويل في محادثة الفتيات، وغالباً مر عليهم مختلف الحالات والإجابات، ويستطيعون أن يحدثوك بالأسلوب الذي يناسبك، وربما يوقعونك في متاهات أنت في غنى عنها..

ولو كانت هذه الطريقة التي يصد بها كل لعوب (أو لعوبة)، لكان الحال غير الحال
اللهم اهد شباب المسلمين ذكوراً وإناثاً ، وردهم إلى دينهم رداً جميلاً..
اللهم إن أمة الإسلام بحاجة إلى سواعدهم وعقولهم فأصلح حالهم، واستعملهم في نصرة دينهم وأوطانهم..
اللهم وأعنهم على الزواج، واغنهم بحلالك عن حرامك، يا أكرم الأكرمين..

__________________
((ربنا هب لنا من أزواجنا وذرياتنا قرةِ أعينٍ واجعلنا للمتقين إماماً))

اللهم اهد شباب المسلمين ذكوراً وإناثاً ، وردهم إلى دينهم رداً جميلاً..
اللهم إن أمة الإسلام بحاجة إلى سواعدهم وعقولهم فأصلح حالهم، واستعملهم في نصرة دينهم وأوطانهم..
اللهم وأعنهم على الزواج، واغنهم بحلالك عن حرامك، يا أكرم الأكرمين..

اللههم امييييييييين
والله يجزاك خير

__________________

اللهم أنصر أخواننا في سوريا .... يارب ( حسبنا الله سيؤتينا الله من فضله إنا إلى الله راغبون )
http://flash01.arabsh.com/uploads/fl...0935414d65.swf

عذراً، المنقول ممنوع بالمنتدى، و يسمح بالنقل في موضوعات الثقافة الاسلامية من المواقع الإسلامية الموثوقة والمصرح بها من إدارة المنتدى من غير المنتديات ، مع ذكر مصدر النقل.

__________________

إذا كثُر الاستغفار في الأمة وصدَر عن قلوبٍ بربّها مطمئنة دفع الله عنها ضروباً من النقم، وصرَف عنها صنوفًا من البلايا والمحن، {وَمَا كَانَ اللَّهُ لِيُعَذّبَهُمْ وَأَنتَ فِيهِمْ وَمَا كَانَ اللَّهُ مُعَذّبَهُمْ وَهُمْ يَسْتَغْفِرُونَ}