السلام عليكم ورحمة الله وبركاته
أناا عضوة جديدة على المنتدى وشدني كثير لما رأيت من تعاون الأعضاء باقتراح الحلول
طبعا ابغى ادخل بمشكلتي مباشرة من دون مقدمات
بعد زواج دام خمس سنوات طلقني زوجي قدام اهلي لأسباب واهيه اغلبها سوء فهم من طرفه طلقني بالثلاث طلاق معلق وارسل لي طلقة أخرى بالجوال وعلقها بامر اخر
قبل ثلاث سنوات بيننا طلقة وراجعني وسط معارضة الاهل وصار بيننا خلافات كثيرة وطلعت معاه وكل اهلي غضبانين وتسبب الموضوع ذا توترات ومشاكل كثيرة بين امي وابوي وبعض اخواني واللي تعب اكثر اخوي الكبير الله يجزاه خير لانه وقف معااااي كثير
خلاصة مشاكلنا اول وتالي هو في منطقة وانا في منطقة لظروف العمل طبعا مايصرف علي ابدا ودايما عند اهلي الا في الشهر مرة ويطلب مني فلوس حاولت بداية ارفض بس كان يجبرني مرة بالترجي ومرة بالشدة وبعد مارجعت له ايام وعادت حليمة لعادتها القديمة ذيك الفترة انقطعت عن ابوي واخواني تقريبا ست شهور قدمت على اجازة من دون راتب ورحت معاه شقه وأنا استأجرتها بالمبلغ اللي كنت احتفظ فيه للحاجة واغراض البيت ومصروفه الشخصي ..... اللي ماكان يجي بالطيب يجي بالغصب
واستمر الوضع ايجارات شقق مصاريف اكل شرب كسوة ........ الخ كلها علي أنا
دايما كان يواعدني انه بيرجع لي كل شيء اول ماتحسن ظروفه
اللي صار بعد كذا انه صار يضربني بعنف من دون ادنى رحمة اذا رفضت اعطيه فلوس أو كلمته في ظروف حياتنا أو طلبته يجلس معي اذا كان موجود لانه مباشرة يروح عند اهله طوال الوقت
مؤخرا كنت اذا طلبته شي يرفض
انشغل كثير بالبيت الجديد اللي ضيع عمري معاه وفلوسي يبنيه .. ولمين ؟ لاهله أمه وأبوه واخوانه وخواته
كنت اذا نصحته يهتم في امري شوي يزأر فيني زي الاسد : اهلي ما لك فيهم
أنا اكره اخته الكبيرة لابعد حد لانها بداية زواجنا كانت تحرضه يطلقني وتدور علي العيوب علشان تكرهه فيني .. مع انها هي اللي خاطبتني له ( عجب والله هالعالم ) وكنت دايما اطلب منه مايجيب طاريها عندي ولا تتدخل بحياتنا لانها مسيطرة عليه بالمرة
كل هذا الا وانه يحلف لي ايمان مغلظة في لحظات الصفاء حتى لو صارت بيننا مشكلة بسيطة يحلف انه يموت فيني ويحبني ، وأنا ابادله المحبة حتى أني حاسة انو مستحيل استغني عنه في حياتي
أرجع لبداية الموضوع من شهرين علق طلاقي بامور وقعت مع انه دايما على لسانه الطلاق والحلف بالطلاق وتعليق الطلاق هنا اخواني ثارت ثايرتهم وقالوا ابد وضع مايصبر عليه
غيروا ارقام جوالاتي ومنعوني اتصل فيه لين تخلص شهور العدة علشان يجيبون ورقتي
المشكلة انه ماتوقف اول شهرر من الاتصال وصار بينه وبين اخوي مشاده بالتلفون وتلفظوا على بعض بعدها ارسل لي انو ماراح يسكت وراح ينتقم منهم كلهم وانقطع عن الاتصالات لين قبل امس مرسل لي صورة فتو من الشيخ حكم بطلقاته انها مو طلقاته وانما اراد المنع وانه يبغ يرجع لي غصب على اخواني وبيصير كلامه مع ابوي بس من دون تدخلات
يبغاني اقطع في اخواني من جدييد ع باله الدنيا عل كيفه أنا بالنسبة لي مليت منه وابي ورقتي من دون هالمشاكل لاني خايفة يسبب لاخواني مصيبة وكل اهلي يقولون رجعتك له ابعد من نجوم السماء
وما أخفيكم اوقات كثيرة احس بحرقة والم عليه واتمنى نرجع لبعض بس بظروف احسن واتمنى يعترف باخطاءه
مادري احس نفسي محتارة وخايفة من اللي يبي يصير
دلوني وش ممكن اسوي وش اقول ماني عارفه انا ابيه ولا ما أبيه ارضي اهلي ولا ارضي نفسي ولا ارضيه كل اللي املكه اني اطلب ربي يفرج لي كربي ويزيح همي وكل مسلم متضرر

رأأيي طلعي اهلكـ واخوانكـ برى حياتكـ..نصصصصيييييييييييحه.......
لأن بعد ماينتهي كل شي بينكمـ ....رآآآح تقولين خسساره ليتني ماطعت اهلي واخواني ...
أأأأأأذذذذذذآآآ أأنتي تحسسسين انكـ قاردهأ انه راح يتعدل ع يدكـ وان حالكم راح يتبدل للأأحسسن...نصيحه لاتوصلينها للطلاق...
عادي مو مشكله ....ازعلي وأاجلسسي عند اهلكـ ...مافيها شي وماعليك من احد......اذا حاول يتصل لا تردين ع طول..مثلا ردي مره كل خمس اتصالات..
يعني حسسيه انكـ زعلانه بس ماتوصل للطلاق....
نصيحه ياختي...
انا اهلي مارضو ع الي يصير فيني..اخوي تهاوش معاه ع الجوال ..وكل منهم يهدد الثاني...
الحين لما يششوفه سوالف وضحكـ ولا كأن شي صاير ..
خواتي الكبار بالمثل..لما يششوفن طليقي او زوجه طليقي..عادي سوالف ولا كأن شي صاير ..ونا من داخلي احترق..
عششان كذا اقولكـ لأن لو صار الطلاق بششكل نهائي..راح تتذكرين كلامي..
بالتوفيق..

كيف ارجع له وهو مطلقني
هو يختلق الاعذار لنفسه انه ماطلق
معيشني بجحيم اربع وعشرين ساعة ماعلى لسانه الا الطلاق
ومستحيل افتح معه موضوع ويناقشني فيه الا على طووول الطلاق ومدة اليد هي الحل بنظره
الفترة الاخيرة كثير ما داخلني الوسواس اني مو زوجته بسبب كثرة حلوفه بالطلاق بالنازلةوالطالعة صرت اخاف على نفسي من العذاب

وش تبين فيه ...؟؟؟
خلاص هو طلقك والحياة معاه صعبه واهانات وضرب
الزواج استقرار مو مدة يد ... لاعاد تفكرين فيه واحمدي ربك ع الحرية
انا كل شي أتهاون فيه الا الضرب اهلي ما مدو يدهم يجي هذا ويمد يده
وع وصخ دنيا .. لا حبيبتي ربي رحمك بالطلاق
انا لو مكانك ما افكر فيه الا اذا عندي منه عيال
اما اذا مافيه عيال ... يتكل والقلب داعيله

__________________

‏
الوعي هو الملاذ ..

أستغفر الله العظيم ؛
( الفردوس غايتي )

أهلك ثم أهلك ثم أهلك آسمعي كلامهم ولن تندمي
نحن عاطفيات ولأسف في بعض الاوقات تكون سبب تعاستنا
دعيهم يتفاهمون معه بطريقتهم ليعرف أن بنات الناس لسنا لعبة

خلييتس مع اهتلس وصدقيني ربك بيرزقتس خيرٍ منه
هذا واضح انه طامع في فلوسك

الله يكون بعونك ولا تنسيين اقربي من الله اكثر واكثر
وهو سبحانه راح يدلتس على الي فيه خير لك

__________________

اختي تسترخي قليلا وخذي نفس عميق وبعدين ضعي امامك ورقة بيضاء وقلم وبكل جدية وحيادية اكتبي ايجابياته بعيدا عن العاطفة ،، اكرر بعيدا عن العاطفة ثم اكتبي سلبياته أيضاً بعيدا عن العاطفة ثم وازني بينهما واستخيري الله في كل خطواتك بإذن الله لن تندمي ،،
صدقيني لا احد في المنتدى يستطيع ان يجيبك أبدا لان كل واحد بنظر من منظوره وانت وحدك التي عشتي معه وتعرفين أخلاقه وطباعه جيدا وهل فيه مجال يتغير او لا
اسأل الله ان يلهمك رشدك ويفرج همك وييسر أمرك عاجلا غير اجل ،،،
ولا تنسي ان توزني امورك بعقلك وعقلك فقط فالعاطفة لا تنفع في هذة القضايا وما حصل لك ما هو الا نتاج انسياقك وراء العاطفة دون تعقل ،،
دمت براحة البال ،،

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

الفتوى لازم تحضرين انتي وتكتب افادتك وافادته وترفع للمفتي
وغير كذا ماتقبل الفتوى
طبعا بالمحكمة او بمكتب الدعوه والارشاد

__________________
انــــــــــــــ رجــــــــــــــــــــــل ــــــــــــــــــــا احتــــــــــــــــ المـــــــــراه ـــــــــــــــــــــرم

مشاكلك فيها شويه من مشاكلي حتى انا اخته اكرها كره العمى حسبي الله عليها تبي نصيحتي اهلك ثم اهلك ثم اهلك ثم اهلك ثم اهلك اعيدها مليووووووووووووووووون مرررررره اهلك لا تخسريهم..
جاوبيني انتي عندك عيال منه ..؟؟؟

من كلامك فهمت انك تبغيه وماتبغي تخسري اهلك انا معاك والله ماودي تخسرين احد بس اذا بتخسرين اهلك عشان زوجك انصحك لا لا لا لا والف مليوووون لا بس اجلسي مع اهلك وخذي رايهم وحاولي يتفهمون ويوقفون معاك اذا بترجعين دون زعل اهلك روحي وارجعي والله معاك بس ماودي ترجعين وهوه طلقك اللي طلقك مره يطلق غيرها وربي يعينك اللهم اميييييييين

والله عجيب يااللي تكرهون اخت زوجاتكم خاافوا ربكم انتو اصلا مين زوجكم غير اخوات رجالكم وفوق هذا تقولون نكرهها هل هذا جزاء المعروف
وربي لو هم كارهينهم ماخطبوكم لاخوهم البنات واجد
بس ياشين الحقد والغيرة اللي بقلوبكم
بس اقولكم نصحية مني لاتعادون اهل الزوج
لان مهما طال العمر او قصر راح تطلقون وكثيييييييييييير حالات بعد زواج 15 سنة اتطلقوا والسبب كرههم لاهل الزوج
بعض الحريم ماتتصدق تتزوج عشان تشوف نفسها على اهل الزوج اللي ضايفنها ومعطينها ولدهم ياكرررهي للنوعية ذي
مادري متي بتكبر عقول الحررريم
الله يبلانا ياارب
تححياااااتي