السلام عليكم ورحمه الله وبركاته

قرأت حلولكم في هاذا المنتدى لكثير من المشاكل واعجبتني واتنمى تفيدوني بمشكلتي.. انا وصلت لمرحله ماعااااد اعرف اتصرف وماتعودت اشكي لاحد بس ارتحت للردودكم وتفاعلكم معالاعضاء..


انا متزوجه لي سنه وشهرين تقريبا بدايه المشكله في شهر العسل كنت مسافره لدوله بشرق آسيا طبعا مشهورين بالمساج دخلنا محل نسوي مساج للرجلين وكان فيه قسم للرجال المدلكين رجال وقسم للنسآء والمدلكين نسآء المحل كان فااضي اخترنا كرسيين وجلسنا وكل واحد اعطى الثاني ظهره عشان المساج التفت صدفه بنصف المساج اكتشفت انو الي تسويله حرمه طبعا معروف مساج الرجول شامل طقطقه للظهر والكتوف انا لما شفتها عصبت طبعا كنت متغطيه فما وضح علي لما طلعنا حس اني تضايقت وجلس يسولف وانا ابكي ولما وصلنا الفندق وقبل ماا اوصل للغرفه اغمى علي طبعا صحاني واعتذر وماادري شنو ويقول ماكنا ادري قلت يعني اذا عندك عصير وعندك خمر بتشرب خمر وبتقول مادري؟؟ كل شي كان واضح وكنت ابكي من القهر وكنا لما نطلع مكان احد حاكاني بالسوق عن عطر او اي شي يحذرني ارد عليه واذا فتح لي الليمووزين الباب برضوا يحذرني اركب بعدها اعتذر ومشت الايام بعدهابشهر حملت طبعا كان جدا متحمس للطفل وبعدها لما جيت اسوي السونار كان معاي بالغرفه قالت الممرضه قيرل( بنت) انا فرحت وحمدت ربي ناظرت فيه قلت يمكن الاقي الفرحه على وجهه وكان هادي قلت بنفسي ممكن ماسمع اول ماطلعت قلت سمعت شقالت قال اي مالقيتي الا بنت عندنا بنات واجد؟؟؟؟؟؟انا ظلمت الدنيا بوجهي وخفت ربي يسخط علي بعد ماركبت قلت انت ماتخاف ربك ترا الي عطانا اياها يقدر ياخذها مننا ويقدر يخليك عقيم عشان تقدر النعمه ويارب ياخذها عنده ربي ولاتشوفك ابوها بكيت بقهرررررررر وكل يوم اسولف مع بطني ابغاه يحبها وسميتها ع كيفي وكل يوم اسولف معها
المشكله الي بعدها مره كان عندي بحث بالنت وجلست اضيف صور وكذا فتحت المستندات كله صور بنات وصور خليعه والمسن كان مفتوح شفته الا فيه بنت بالمفضله وفيه بنات وااااجد بغير المفضله والفيس بوك كله بنات البنت الي بالمفضله حصلتها بالفيس بوك سويت حساب واضفتها قرات معلوماتها عمرها 18 وطالبه لما جا حصلني منهاره سالني شفيني مارديت وتركت الصور مفتوحه بالابتوب لما شافها حلف انها من قبل الزواج والبنت دكتوره بالجامعه وانه يناقشها وماادري كيف طبعا حلف لي مايعيدها وصدقته بعدها بفتره كان ينتظرني بالغرفه وماسك جواله لما جا تركه ونمنا فتحته الصبح عشان بحط منبه فجاه بعد مادخلت الرقم السري طلع لي مقطع فيديو خليع بوجهي انصدمت ورميت الجوال لما جا سالني وعرف اني تضايقت منه كا العاده حلف وتعذر بعدها كان عنده انتداب بمكه وقت الحج كل يوم كنا اتصل عليه عشان مايحس اني بعيده ويسوي غلط ول يوم ارسل رسايل حب حتى قبل لايسافر واذا رحت لاهلي ارسل له عشان مايطيح بالحرام رجع من السفر وحصلت صور ومقاطع كا العاده وتعذر اني كنت بعيده عنه سكت ومشيتها وانا مقهوره وحلف مايعيدها بعدها بفتره ولدت وكنت عند اهلي واهلي بعيد عن منطقتي شوي فاذا جا موعد للمستشفى استغل الفرصه واتحجج عند اهلي واخليه يجي وانام عنده واليوم الثاني ارجع طلعت من النفاس وقال بنسافر كم يوم نغير جو قلت اوكي جلس يدور حجوزات بالنت واتصل ع المكتب عشان يتاكد ردت حرمه وجلس يسالها وكذا وبعدين مادري شقالت له وقال لها سمّي؟؟؟!! انا من تزوجته ماقد قالي حبيبتي ولا لبيه ولا امري ولا اي كلمه من هاذي ويقول للحرمه كذا انقهررت وجلست اصيح وقلت انتا تبي تسفرني ولاتنكد علي وحلفت ماااسافر راضاني ووافقت اليوم الثاني كانت رحلتنا رحنا المطار وجلسنا ننتظر بالصاله الصاله الثانيه الي بجنبنا كان فيها بنااات كثاار كاشفين ومتزينين ويتمخطرون رايحين وجايين وكانوا يناظرون فيني نظرات انتصار انو شوفي زوجك يناظر فينا اكيد احنا احلى منك جالس بجنبي ويلف وجهه يناظر جلست اتافف مابي اخرب السفره البنات جلسوا صار مايشوفهم الا لما يوقفوا تخيلوا غير مكاننا جلسنا قدام الطيارات مباشره عند الباب وصار يناظر انا ماكان قدامي احد الا عمال ورا القزاز عند الطيارات والقزاز عاكس رفعت الطرحه وطلعت عيوني جلس يهاوش نزليها ومادري ايش وصلت معي نزلت الطرحه وسكت وجالس يناظر كل شري اتلفت مكان مايناظر ابي احسسه اني اعرف احترم نفسك ولا همممه ركبنا الطياره نزلنا المطار الثاني جينا بنركب الباص نروح للصالات دخلنا اول باب زحمه رجعنا دخلنا الثاني وكان زحمه قال زحمه واتتبه للبنات وطلعنا شوي قال خل ندخل وفيه باص ثاني فااااضي والله اني بكيت بكيت لما وصلنا الفندق انهررت عليه وجلست اقوله يقول انتي شكاكه قلت انا شكاكه ولا انت تبيني اغطي عيوني وتناظر بخلق الله والمشكله ماقدامي احدقلت انت تهيني ماشفت نظراتهم لي كيف تسمح لنفسك يهينوني بنظراتهم وتاسف وماادري ايش تعبت معه واخر يوم بالسفره دخلنا ندور كراسي بمطعم فيه بنات وشباب من جنسيه عربيه جلس يناظر بوحده وكانت تظحك واهو يناااظر شوي تاشر علي قدامه وتضحك ويناظروني الي بجنبهم جلست اناظر فيه والعبره تخنقني ماقدرت اتعشا انقهرررت حسيت انها تهيني رجعنا وقلت بروح لاهلي نفسيتي تعبت لما شفت بنتي تراجعت ورجعت للبيت والحين كل يوم يطلع للاستراحه ولايسال فيني واذا جلس يمسك الجوال ولا اللابتوب بنتي كنت اتركها عند اهلي بحكم دراستي واشوفها بالويك اند غبت ها اليومين وجبتها عندي قلت يمكن يحترم نفسه يحس انه مسؤول عن اسره ولافيه فايده يطلع بالساعات لما صار يتمادا يطلع من 8 -2 الفجر ولايفكر يتصل يتطمن علي والله ماقصرت معاه بشي حته دايم اساله ويقول ماقصرتي بشي ومايسمع مني الا كل كلام حلو في كل وقت واهوا لا بس بالليل مايخلي كلمه حلوه مايقولها عشان مصلحته
حته الطلعه اذا طلعت ماتسوا علي لوا اناظر لوحه ولا شي يناظر فيني ويسال وش تناظرين ونزلي الطرحه تخيلوا صار يتحكم بجزماتي ماالبس لا اسود وياليت لو مايناظر تهون لاكن يغطيني ويتفرج قمه القهر والحين الطلعه محسوبه علي حتى اغراض البيت اخر مره رحت اشتريها قبل 7 شهور والله اني مقهووره مااعرف شسوي وااقدر اقول لماما ماابي يطيح من عينها ولا ابي تفكر وتحزن علي انا مراهقه واخاف اني انحرف والله مااحتاج الا كلمه حلوه بس اخاف ربي يبتليه فيني تكفوون ردوا علي اليوم فكرت بكره اروح لاهلي واجلس اسبوع ارتاح شوي وانتظر ردكم...

الله يعينج حبيبتي ويهديه

وبقولج شي تدرين ليش يقول لج تغطي ويهاوشك لان زوجج يسوي الغلط ويناظر االبنات
فيخاف انه يصير معاج نفس الشي يخاف ان احد الشباب يناظر فيكي او يتحرش
لان عارف ان يسوي غلط ووممكن الله يعاقبه فيج
وبحكم انك مرهقة وحالي وحالك مثل بعضه
بخاطرك تسمعين كلمه حنان كلمة حلو
وحل مشكلتك انك تواجهينه والله هذا هو الحل قولي اللي بقلبك له
واهم شي وانتي تصارحينه قولي ماتخاف الله يعاقبك على اللي تسويه فيني انا
قوليله انه بمقدوري اسوي الغلط لكن انه اكبر واشرف من اني اسوي الغلط نفسك
قوليله خاف على بنتك وخاف علي انا قوليله صدقني بتشوف بنات اشكال وانواع
لكن لازم بترجع لي ويوم بترجع لي ماراح تلاقيني وبتخسرني وبتندم لان ما حافظت علي
حل المشكلة كلها بيدك حبيبتي
لكن الاهم تختاري الوقت المناسب اللي تصارحينه بكل شي
قوليله كل اللي بقلبك والصبر زين لان الرجال مو بين يوم وليلة تشوفينه ويصير اللي تبينه بالصبر حبيبتي
والله يهديه لك

__________________

الله يبرد خاطرك مثل مابردتي خاطري بس انا واجهته واقوله اغلاطه يبكي ويحلف معاد يرجع لها

تدرين ليه يبكي عشان انه يحبك وما يبي يخسرك
لو مو حاس بالغلط ما يتسامح منك
فانتي حاولي معاه مرة ومرتين وثلاث
وحولي تكلمينه اليوم وقوليله كل شي صار من يوم ما تزوجتوا الى الحين
طلعي اللي بقلبك كله عشان يعرف انك صابرة عليه ومستحملته
واذا ما حسيتي ما في فايدة روحي بيت اهلك وقعدي فترة هناك بس لا تردين على مكالماته
خليه يحس بقيمتك وانك شي مهم بحياته والله صدقيني بيحس انج متغيرة وبيتجنن عشان ترجعين له
واذا ما ودك تروحين بيت اهلك خليك قاعدة ببيتك بس اهمليه انشغلي باي شي حسسيه مو مهتمة
عشان يحس شنو يصير فيكي اذا ما يهتم وبعد ما يحس صارحيه وخبريه ليه تصرفتي بهالطريقة
وفي حل ثاني وحلو بس جربي هذي بالاول

__________________

والله الحال من بعضه
زوجي راعي مناظر بشكل عجيب
بس اللي يخليني اسكت وما أتكلم واطنش
لانه من سابع المستحيلات بيترك هاالعادة وبس بتزيد مشاكلنا على الفاضي
خلي يطالع لما تطيح عيونه وهو اللي ليكسب ذنوب وهو اللي بيتحاسب

الله يهديه ويغيره للاحسن .,~

اغلب الرجال عيونهم زايغه ياقلبي من الفتن .,~
وان شاءلله يتغير ترى زوجك سهل انه يتغير للاحسن .,~
بس اصبري شويه شويه وخليك هاديه وريلاكس وان شاءلله تشوفي أحلى نتيجه .,~

دمتي بوود : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

شوفي يا اختي العزيزه ترى انتي زودتيها شوي على زوجك تراكي تبكين كثير انا اعرف انه الغلط راكبه كله
لكن بالبكاء ما ينحل شي
حاولتي تحرجيه مثلا وقفي امام ما يناظر وقلي له ناظر علي انا جيبيها مزح على ضحك مش نكد لانك هيك بتخربي الثقه الي بينكم بهالاسلوب انا زوجي اول ما تزوجت كنت اتبع معاه نفس الاسلوب عياط ونكد بعجبك لكن هسى تغيرت وحسيت جاب نتيجه قلب الرجل له مفتاح حاولي تلاقي المفاتح اذا لقيت عنده صور امسحها واعمل مثل ما بصور مثلا لباس معين غنج معين حركه معينه تغنيه عن كل الي يناظرهم بس يكون يناظر بنات امامك قوليله احبك اموت فيك اشغليه اسئليه عن اشياء حتى لو كانت سخيفه المهم اشغلي باله بشي ثاني لانه الرجاجيل ما يقدرون يفكرون بأمرين مع بعض الموضوع ومافيه يحتاج دهاء نسائي بحت ولا تروحي بيت اهلك تراكي بتزيدي الطين بله (الهروب من المشكله ليس حلا بل يؤدي الي تفاقمها )

__________________
سبحانك اني كنت من الظالمين

ياااربي يجبر بخاطرك بجرررب اليوم وبقولك وانتي طمنيني ايش صار معاكي

فيه نظرات عاديه بس فيه نظرات تجبرك تتنرفزين بس اطنش لاني واثقه من نفسي ومايقهرني االا يقولي غطي عيونك مع اني مااتزين لما اجي اطلع
شكرا حبيبتي ع مروركي

حبيبتي اشكرك ع قراآتك موضوعي .. بالنسبه للبكاء لما الواحد يتضايق ايش يسوي خصوصا مااعندي اخوات ولا اقدر اشكي لماما وتجمعت عليّ كل الاشياء بسوي الي قلتي لي عليه وان شالله يفيد