السلام عليكم ورحمة الله
ياجماعه انا عندي حاله غريبه وابغى مساعدتكم في حلها
انا متزوج عمري 31 سنه عندي 3 اطفال الوضع المادي ممتاز الحمد لله
وانا شاب في سن المراهقه ما قد تعرفت على الا على وحده وكانت علاقه عابره وخفت الله وتزوجت في سن مبكر21 سنه
مرت الايام وانا مستقر ولله الحمد لظروف عملي اضطررت للبعد عن اهلي كم يوم في الاسبوع وتركها عند اهلها في هذي الفتر وانا شاب وفيني ثورة الشباب وكنت اعرف شباب يلعبون من ورا زوجاتهم وهم معهم ,اتعرفت على وحده مطلقه استغفر الله اسأل الله انه بعفو عني والله اني كنت اتحاشى اني اني اقابلها عشان لا اقع في المحظور
اولا للحرام
ثانيا لاني احب زوجتي وماودي اخونها
وكاد قاب قوسين او ادنى انه يقع المحظور او شبه انه وقع.
فحاولت اني ابتعد عنها وغيرت كل ارقامي
لكن تعلقت فيها كثير وكنت اقاوم مره وافشل مرات في اني ما اتصل عليها استمرت علاقتتنا 4 سنوات
وعرفت ان الحل الوحيد اني اخرج من المنطقه الي كنت فيها لان كان كل مكان يذكرني فيها واحن وارجع لها لكن في نفس الوقت صورة زوجتي تأنب ضميري.
ولقيت نقل ونقلت مع عيالي واستقريت لكن مازال صوتها في اذني لكن مافي اي اتصال
لكن الفتره الاخيره صرت احس اني محتاج ارجع لايام الصياعه والفله الحرام وصرت والله اقاوم نفسي اني ما اطلع من البيت عشان انا اعرف نفسي زين سريع الانحراف وفي ليله وانا سهران وبقاوم ابليس اني ما اغلط
والا يجيني اتصال صوت انثوي قاااتل تسال عن شخص ما طبعا انا كل محاولاتي في المقاومه بائت بالفشل وكانت خاطئه في التصال وقفلنا حاولت اقوام لكن انا رجعت واتصلت عليها وردت واتعرفت عليها عمره 27 سنه مطلقه وارسلت صورتها في خلال 52 ساعه وشافتني
انا اكتب الكلام هذا وانا فييني صراع عنيف جدا بين الخير والشر بين حب زوجتي واولادي والخيانه
بقاوم بصلي بدعي ربي بقرا قران لكن مافي فايده شيطاني قوي
ساعدوني يمكن عندي حاله نفسيه مدري ارجو مساعدتي والاجابه لاني تعبان جدا

ياخوي سعادة المعصية وقتيه ( لمدة قصيرة ).. بعدها ضيقة في الصدر ، وسعادة الطاعة حقيقية ( لمدة طويلة ) بعدها إنشراح في الصدر ، ياخوي أنا مريت بتجربة حب أيام المراهقه بسبب رفقاء السوء لما تترك بنت بتتعب في البداية بس كل ماراح يمر الوقت راح يسهل عليك الفراق يعني مثلا ً بعد ست شهور راح يقل شوقك بعد سنه ونص راح تنسى تماما ً ، بعدين أنت عندك زوجه أستمتع بها ، لقمها بيدك قال الرسول صلى الله عليه وسلم بمعنى الحديث ( حَتَّى اللُّقْمَةَ تَضَعُهَا فِي فِي امْرَأَتِكَ) ألعب معها لعبه معينه ، خليها مره تسوي لك مساج وأنت سوي لها مساج ، وديها البر وعلمها السواقه عشان إذا لا سمح الله صار ضروره ولا شي ، وديها المطعم اللي تبغاها < راح تستمتع وتكسب أجر ، وصدقني ياخوي في هذي الحياة كل ماتطبق الدين أكثر وتلتزم بالوسطيه كل ماتكون أسعد ، أسال الله لي ولك الهداية والتوفيق .
والسعادة عشان تكمل لازم يكون معها سعادة روحية
أكثر من الإستغفار فهو علاج لكل مشكله :
من ثمار الإستغفار :
1- إنشراح الصدر والراحة النفسيه .
فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ).
2- أنه حل لك مشكلة ولكل هم .
قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) .
3- الرزق ( المال والولد ) .
قال تعالى :
(فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) .

في الأخير أنت في نعمة يتمناها الكثير ، أنا والله أتمنى أني أكون متزوج لو وحدة عادية ، أدعي لنا بإن ربي يرزقنا الزوجة المناسبه اللي تعيني على الطاعة .

__________________

يارب باعد بينا وبين معصيتك كما باعدت بين المشرق والمغرب



اخوي الكريم
يعني اشلون المحظور كاد ان يقع؟


ياخي عندك حلالك متع واستمتع انت عندك عيال
وسمعتهم من سمعتهم تبيعهم عشانه ( حثالة البشر))




تذكر دائما هاذي الايه وحطها نصب عينيك
( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا ) سورة طه اية 124


يعني حياته راح تكون كلها ضيق في ضيق عاجلا او اجلا


اتق الله وجدد حياتك مع حلالك
وراح تشوف الدنيا بلووووون ثاني

__________________
اللهم احفظ لي زوجي وسخره لي واحفظ لي اولادي

ياجماعه انا عارف انه حرام وهم وغم ولو مابغى حل اني اكسر التفكير الشيطاني الي داخلي ما كان لجات لكم بعد ما حاولت اكثر من مره اني ابعد ومازلت احاول
انا ما احتاج يقلي انه حرام ادري الي احتاجه كيف ابعد احس ان كل شي بيتسهل وانا انسان ضعيف ولو ماحب زوجتي كان عشت وفليتها لكن احبها واموت عليها ولا احد يعوضني عنها

أخوي ,,مافيه شي أسمه شيطاني قوي

والشيطان واحد ..ومافيه له الا رااادع واحد

هو الخوف من الله وأستشعار بشاعة وفداحة هذا الذنب..

صدقني ماراح يردعك لا أخلاصك لزوجتك ولاأي شي ثاني الا الخوف من (الله)

عزز هذا الجانب أقرى كثير عن هذا الذنب والقصص فيه..,كفاية أن الله سبحانه قال عنه(وساء سبيلا)..

وبعد أأيد كلام الأخوه قبلي,,أن عندك الحلال جدد في حياتك,,سوي مفاجأت لزوجتك,,أخطفها مره وسافر فيها,,وخلي الأولاد عند أحد..

أجلس مع زوجتك كثير حاول تسمعلها وتتكلم عن نفسها ,,وأنت بعد تكلم معها كثير وقلها كل شي بنفسك..خلي علاقتكم صداقه..

الله يصلح حالك ويهديك لجادة الصواب,,ويبعدك عن الغلط..

انه الشيطان , ليس انت ..!

مافهمت

تقول الموضوع يتسهل لك؟
اشلوون يتسهل لك
ابتعد عن اصحاب السؤء لا يجرونك معاهم
اتجه لزوجتك وعيالك قضي وقتك معاهم
الجأ الى الله ادع ربك يعينك على صون نفسك واهل بيتك

__________________
اللهم احفظ لي زوجي وسخره لي واحفظ لي اولادي

انا اصدقه لو قال الموضوع يتسهل لي..
الشوارع المولات المستشفيات اي مكان عام صار ملئ بما هب ودب بالمغريات ذوات الاساليب النتنه في اللبس والتمايع والتسكع والتحرش..
اذا سلمت من شيطان نفسك لم تسلم من شياطينهن وهن اصبحن من الجرأة بمكان انها هي من تعاكسك
انتهى الحياء وضعيفات النفس اصبحن النوع الطاغي للاسف
لو جلست بعيد عن ذلك ودخلت للنت فهي تنوء بتلك الاشكال وما اسهل التعارف في ظل مواقع المسيار
في الماضي كان الشر بعيد ومايوصل له الا اللي يروح له
الان الشر هو يجيك لعندك ويا دوووووب تنفك منه او تتحاشاه


في المقابل انتن يا شريفات يا طاهرات يا عفيفات..
لن تتخيلن مقدار مانعاني منه لانكن ابعد مايكون عن ذلك

__________________
ان انت اكرمت الكريم ملكته.. وان انت اكرمت اللئيم تمردَ!!

والله صرت اتحاشى الخروج من البيت لكثرة العذاب النفسي الي نلاقيه فكل مكان والنفس اماره بالسوء
والرسول الكريم قال في ما معنى الحديث اخوف ما اخاف على امتي فتنة النساء