السلام عليكم ورحمة الله وبركاته
كيفكم انا مادخلت هالمنتدى الا اعجاب فيه ومن ثم طرح لمشكلتي
مشكلتي يا اخوان اني متزوج الحمدلله وماعندي اي مشكله ماعندي الا مشكله وحده
الا وهي ولدي اي نعم ولدي عمره دخل 18 ومايعرف يعتمد على نفسه مدري كيف انا دايمن اقوله
يروح يسوي اشغاله بنفسه ومايروح يروح يقعد بغرفته يبيني اجي انا واروح معععه
انا مليت صراحه ادري هذا ولدي وله حق علي لكني ابي اشوفه رجال يعتمد على نفسه
يعني سيارته انصدمت الان وماراح الى الان يوديها ينتظرني بس انا اروح اوديه واجيبه
وش اسوي ياجماعه ادخل مستشفى نفسي ولاا وش السواااااااااااااااااة اتمنى انكم تساعدوني
حيث اني ماعندي غيره ولد وغيره يعني بنااات

مرحبا اخويه .. اول شي اسال الله العظيم ان يحفظ لك ولدك وأبناءك ..
الموضوع بسيط جداً .. ولدك شخص اتكالي .. معتمد عليك بكل تفاصيله ..
شو رايك تبتدي تاخذ بأيده حبه حبه .. مثلن خل يسير معاك الوكاله واتركه هو يتكلم واذا رفض ارجع للبيت من غير لاتستلم لنظراته وتررده وخوفه .. وحاول مرتين وثلاث فهمة لازم يعتمد على نفسه ..

والشي الثاني اذا تبون اغراض البيت خل ولدك بروحه يسير الجمعيه لاتسيرون معاه ..
خله يسير مدرسه اخوه او اخته ويسال عنهم وشو مسوين بدراستهم.. ويعني اي شي تحس انك انت مكلف بهالشي لاتسويه اترك ولدك يسويه
يوم بيوونك ضيوف بالبيت لاتصب القهوة اترك ولدك يصب القوة وامور واايده حسب ضروف تقدر تقنع ولدك يسويه بدالك

وانت الله يهديك يوم بتسير عند العرب والا شي شله معاك قوله اركب السياره جدامي بصيغه امر موب تاخذ رايه بتسير عزى شله معاك بتسير الفرح شله معاك بتسير القنص شله معاك .. يعني احس الموضوع سهل بس يباله دافع واصرار في اقناع ولدك .. بضرورة اعتماده على نفسه
وسلامتك

اخي العزيز..والله ممكن دلعك الزائد له افقده جزء من اعتماده على نفسه...حاول تكلفه بامور و شوي شوي يتعود لا تزيد الطين بلة و تعينه على راحته و اي شيء تريحه منو...خليه يعمل ...و حسسه انو رجاااااااااال و انه امه في حاجة ليه لو انت غايب.........والله شباب الوقت معظمهم مثله و الله المستعان

مادام عنده سياره يعني يقدر يعتمد على نفسه
يمكن مامعاه فلوس يسوي سيارته
او يمكن يستناك تعطيه فلوس ومستحي يطلبك لانه صدم بها

اذا غير الكلام هذا اجلس معاه وقوله كل اللي بخاطرك
او اسأله متى بيودي سيارته