سلام عليكم انا عضو جديد بالمنتدى شد انتباهي بمنتداكم تفاعلكم وشجعني بالتسجيل فيه واستشيركم في امور ولا ابخل على احد في مساعدته

مشكلتي بختصار انا حبيت لي وحده من جماعتي لكن لحد الان ما بينت لها اني احبها والمشكله الكبرى ان بينها وبين اختي مشاكل سابقا وعلاقتي مع ابوها وخوانها كويسه وخاف اتقدم لها ترفض بسبب مشاكلها سابقا مع اختي
مع اني صارحت الوالده اني ابيها وقالت اصبر الين يصير خير وكلمهم
وعندي مشكله ثانيه مع بنت عمي ان ابوها اخوانها ينادوني ابو رحم يقصدون اني راح اتزوجها وانا بصراحه ما كلمتهم اني ما ابيها وخايف اصارحهم ثم يصير رده فعل منهم

انتظر ردكم وان شاء الله من كلامكم اقتنع لحل

اول باركن لروضه 2/4/2012

اخويه لاتوهقت ولاشي
وعنوان موضوعك خرعني بس المضمون ريحني لانك للحين في البر ..
جوف اخويه بالنسبه للبنت اللي من جماعتكم اللي حبيتيها
لو تباك ماراح تردك لو صج شاريتنك وبالنسبه للمشاكل اللي بينها وبين اختك راح تروح ان شالله وبعدين اختك بتتزوج وبتروح بيت زوجها وبتنشغل في حياتها ان شالله
وانت بيكون لك بيتك وزوجتك وعيالكم وبتنشغلون في حياتكم ..
انت توكل على الله وتقدم للبنت واذا هي شاريتنك بتوافق عليك شو ماكانت حجم المشاكل بينها وبين اختك
بالنهايه راح تشتريك لانك شاريها
بس اذا هي بتحجج بالمشاكل خلها تقولك بالكلمه ماباك لاتقولك ماباك لانه اختك وغيره .. هي بتتزوجك انت مابتتزوج اختك وبعدين اختك ماارح تقطعها ان شالله
وزوجتك اذا تباااك وشاريتنك بعد الزواج ان شالله بتتحسن علاقتها باختك

بالنهايه
تباك مرحبابها مليووون
ماتباااك مااجوف شر ..
انت عطها كلمتك وخلك شديد في حال رفضتك وقولها الله يسهل عليج ماباج .. عيل يوم ماتبيني ..
وبس
الموضوع وايد سهل وبالنسبه لبنت عمك لا هاي عاده متوراثه يحيرون البنت لولد عمها بس في النهايه الواحد مايتزوج شخص مايباه ..
وان شالله ماراح يتفآجؤون بردك ورفضك لبنت عمك
الولد ومايبا بنت عمه خير ان شالله .. مابينقطع نصيبها بتتزوج غيره ..

وان شالله نسمع اخبارك الحلوة وتعزمنا على عرسك من البنت والله يوفجكم

استخير الله وماتعرف الخير فين
الله يوفقك لكل صالح وجميل : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟