السلام عليكم

الاخوه الأعزاء

أنا متزوجه منذ سنتين من رجل متزوج وعدني من قبل الزواج من ايام الملكه انه يسفرني شهر العسل برى وطبعا اخلف وعده وسويتها مشكله ورجع وعدني انه بعد زواجنا بشهرين بنسافر وطبعا اخلف وعده وصارت مشكله ولكن الحياه مشت وطبعا كان عذره ان ماعنده فلوس وانا موظفه ووافقت أتحمل مصاريف السفر واول مره وافق وبعد ما زوجته الاولى سوت له مشكله رفض بحجة انه ما يقبل يسافر على حسابي وهالكلام طبعا مو صحيح لان ماعنده مشكله ياخذ مني فلوس وقت ما يحتاج عشان يصرف على بيته الثاني وطبعا صارت مشاكل ورفضت اعطيه فلوس يصرفها على بيته وشلت ايدي من اشياء كثيره لانه طالما ما يقبل على نفسه يسافر على حسابي اجل المفروض ما يقبل ياخذ مني فلوس عشان اي شئ ثاني

المهم أخواتي كلهم يسافرون مع أزواجهم واختي عرضت علينا أنا واختي الثانيه نسافر معهم ويوم قلت له وافق لأني قبلها عطيته فلوس بس للأسف السفر ما تم والآن أخواتي بيسافرون ورجعت كلمته وقام يتمنع ويماطل ما يبي يسوي لي جواز السفر يعني رفض بس بشكل غير مباشر

وانا اشاوركم الان هل اسوي معه مشكله لان لا بد منها والا ما راح أشوف السفر اللي لوع قلبي عليه من يوم تزوجته ولي سنتين الان

من حقي أسافر يعني هو لا يبي يسفرني حتى على حسابي ولا هو تتركني أسافر مع اهلي
أخواتي يقولون أني معطيته وجهه واني لازم اوقفه عند حده خاصة وانه رافض بسبب زوجته الاولى

أرجوكم ساعدوني