اصرف على بيتي من مالي وعندما اردت استرداد بعضه غضب زوجي..
صرفت عليه لين انكسر ظهري من الديون
وهو عاطل لاشغل ولامشغله ولما تجيه فلوس يوزعهـا على اهله ومايعطيني ولاقرش
وحضرته الحين زعلان مني ولايكلمني يقعد لحاله بمجلس الرجال يدخن ويتفرج على مباريات ويطردني مايبني اجلس معاه
كل هذا لاني طلبت منه يرد لي مبلغ 2000 ريال من اللي عطيته انا محتاجتهم والمشكله طلبتهم لاني بشتري هدايا لاهله اللي بنزورهم من زمان ماشفناهم وبشتري لي لبس اقدر اطلع فيه قدام اهله
من تزوجته ماشريت لنفسي شي ملابس ضاقت علي وانا حـامل
ماشريت لنفسي شي كله اصرف على البيت وعليه حتى دخانه من فلوسي
لاااااااااا والحين ومايقرب مني على اساس حارمني من حق المبيت ( من زين هالمبيت
)
كله معصب ويهاوش ويشتمني
حتى قبل يومين ضربني وانا حامل
لاني اكتشفت معاه اربع شرايح جوال مخبيهم عني وسألته ليه مخبيهم
ضربني لاني فتشت ولقيتهم
ماعمره مدحني بشكلي مع اني مهتمه بنفسي وبنظافتي وشكلي حلو ماني ملكه جمال بس كيوت
ساندته وقفت معاه خليته يوقف على رجلينه
البيت اللي احنا فيه انا مستأجرته والاثاث انا شريته
ماعمره شكرني ولا قدر وقفتي معاه
بالبدايه كان طيب وكنت احسه انه يحبني عشان كذا حبيته وعطيته كل شي لو طلب عيوني عطيته
بس فجأه قلب علي يوم اكل الاخضر واليابس وانفقرت منه
ماقدر اصير مطلقه بالمجتمع هذا اللي مايرحم
على الاقل اصير ارملـه ارحم لي
اعذروني كل هالاشياء تدور في خلدي هالاسابيع ودي اطلعها احس اني بنجن مافيه احد اقدر اتكلم معاه بالموضوع هذا
التعديل الأخير تم بواسطة أعماق ; 15-04-2012 الساعة 04:02 PM
15-04-2012, 11:09 AM
ضوابط المشاركة
العرض الشجري