السلام عليكم و رحمة الله
ما أعرف ولا أفهم بالمقدمات لكن ابدا بمشكلتي اللي حولت حياتي وحطمتني نفسيا
انا اتقدم لي طالب طب في اخر سنة والحمدلله اتزوجنا اول ما تخرج و اتوظف
أول ما خطبني شفت الفرحة في البيت لان خطيبي خلوق ومتعلم ومثقف والاهم انه يخاف الله
ما اعرف كيف اوصف مشكلتي ببساطة انه مثالي عرفت انه خطبني لانه طلب من
أهله بنت متدينة و جميلة كنت اعرف انه طمووح ويبغى وحده مثقفه انا ضعيفة الثقافة
بدأت حياتي معه بأجمل اللحظات لكن دائما احس ان ظلمته بالزواج مني انا مو بمستوااه يجي من المستشفى يسهر معي ويبدأ يتكلم عن أحداث تاريخيه او اراءه السياسية واذا كنت ما اعرف شخصية او حرب و حادثة معينة أحس انه يتحطم يأخذني لمكتبته و يعطيني كتاب ويقول بعد اسبوع القى ملخص الكتاب عندي طبعا يقولها بكلام معسول وابتسامات جميلة صراحة الكلمات تخونني وما أقدر اوصف شعوري احس انه متحطم مني ومن ثقافتي السيئة أحس انه يحبني لانه يعتقد انه من واجباته يحبني مو يحبني لذاتي لا لان مثاليته تطلب منه يحبني وانا مو بس أحبه أعشقه و اموت فيه ولاني أحبه احس اني محطمته احس انه يستحق وحده بمثاليته و روعته أتمنى له كل خير أتمنى زوجة تستحقه
تصير لي معه مواقف أجلس بعدها أبكي وما اعرف طعم النوم اول ما تزوجنا كان يجيب معه أفلام ونسهر عليها بس صار الحين يجيب معه أفلام وثائقية ونشوفها مع بعض ويقول حياتي اي شي ما تفهمينه اسأليني وانا بالحقيقة ما ادري الفيلم يتكلم عن ايش!! سألته مرره ليش تحبني رد لانك بيرفكت قلت طيب ليه تطلب مني اقرأ و اتفرج وثائقيات رد لاني ابيك تشاركيني اهتماماتي ما تلاحظين اني صرت افهم بالازياء قلت ايوه قال لاني اركز معك بالازياء واسمع لك اذا تكلمتي علشان اشاركك اهتماماتك بعدها حسيت الدنيا ضاقت فيني قد ايش هو مثالي وانا مستحيل ارد له مواقفه والله ضاقت فيني الدنيا وصرت افكر بالطلاق والله علشان حياته و علشان ما احس بالنقص معه مع انه والله ما عمره حسسني بشي زي كذا
ما قلتلكم الا شي بسيط من مشكلتي بس ضاعت مني الكلمات