السلام عليكم ورحمة الله وبركاته.

اكتب كلماتي ومازالت مصدومه

فاعذروني على الأسلوب

كنت مليئه بالحياة والنشاط وانظر للمستقبل بتفاؤل وآمل

لا اريد ان أطيل عليكم بالمقدمات فقلبي يعتصر ألما وحسرة

تزوجت منذ 8 سنوات من شخص غير قريب لي ولكن من الجماعة كما يقال

وكان زواج تقليدي أحببته وخلصت له كونه اول رجل في حياتي

ويعلم الله كم تفانيت لاكسب رضاه انجبت خلال تلك السنوات ولدين الله يحفظهم

الله يثبتني

ولا يحرمني اجر الصبر


بداية زواجي كنت ارى زوجي شخص كامل كان يحبني ولا ينام وانا حزينه

وكنت ابادله المعامله واكثر

كان يعمل في المجال العسكري

وكما تعلمون طبيعة عمله كانت طويله وقاسيه وكنت أظل ليال لوحدي وبعيده عن أهلي

وتحملت على قولتهم الحرمه تتبع رجلها

استمر وضعنا على مايرام طيلة 4 سنوات تخللتها مشاكل ولكن عاديه بهارات الحياة الزوجيه

وحالة زوجي الماديه سيئه جداً ديون وقروض وبلاوي وما عندي مشاكل في ذلك

اخر شي كنت افكر فيه المال الحمد لله خرجت من بيئه اطلب فيها ما اتمنى

وكنت اصبره على وضعنا وأنها ستفرح قريبا


بعدها تأزم حالنا لدرجة لم نستطع سداد أجار شقتنا

فقرر بعد تفكير ان يقدم استقالته

لننتقل للديره عند أهله ماكنت اتمنى أعيش في تلك المنطقه لكن الظروف ولابد اتبع زوجي

طبعا جلس مايقارب الشهرين بدون وظيفه وأقمنا في احدى شقق خالتي اللي هي والدته الله يحفظها

ويطيل في عمرها

بعدها توظف وبراتب يعتبر ممتاز وماكان فيه أجار يعني فرررررررق بين قبل وبعد


وكنت معاه وأشجعه في اي مشروع يدخله

ويشهد الله علي ما قصرت معه ولا أرهقته ماديا يعني يقضي أغراض البيت وبس مصروف مثل الحريم ماكنت اطلب

اقول كافي عليه المصاريف الثانيه


وكان كل مازادت فلوسه يطمع اكثر ويبعد عن ربي اكثر بدا يسافر لدرجة صار له كل شهر سفره برا


احترق قلبي وكنت ادري سفرياته لايش وأقول يمكن مقصره معه فأحاول أزيد في المعامله الحسنه


كان كل مارجع من برا ندماااان ويطلب الرضا وكنت أسامح و يوعدني ما يسافر الا معي

وأصدقه وما يجلس شهرين الا يعيدها ولنفس البلد

والمشكله يروح مع عز ابيه ومعروفين بسوء أخلاقهم

قلت ماعليه كان عسكري ومحروم من السفر مرده يعقل

ولاحظت عليه مكالمات وكان كل ما أواجهه يقول وحده غلطانه وأبي اعرف من مرسلها لي


طيب شي ما يدخل العقل شهر شهرين و رسائل تبي تعرف من دازها

هنا سويت نفسي غبيه وقلت مادام برر معناتها ندمان والندم عندي بمثابة اعتذااااار ومحاولة إصلاح


وزادت فلوسه وكل ماله يغتني اكثر واكثر ويطمع اكثر وانا متخرجه من الجامعة بس ما لقيت وظيفه


ويزن علي أني اتوظف وكنت اقدم بس ماحصل نصيب

طبعا كل هذا طمع في الراتب

وربي معطيه ع قد نيته

واسأله اقول يعني ربي اكرمك براتب ممتاز وتجاره ليه تزن على وظيفتي

ويقول أبيك تكفين نفسك

قلت طيب ماحصلت وكان يزعل كأني انا السبب في عدم حصولها

ويجيني احيانا يقول فلان زوجته معطته بطاقتها البنك وفلان زوجته شرت له سياره


طيب الله يوفقهم لاتحسد مؤ زين عليك

وللعلم هو عنده سيارتين

بس الطممممممع أعماه

السنه الاخيرة كان يعاملني بجفاء وانا صابره وأقول ظروف عمله

وأحاول ما أضايقه وماكنت أشوفه الا وقت الغدا تقريبا ساعه الى ساعتين وعادي

اقول هو يتعب عشاني وعشان عياله

ويشوفني صابره وليته قدر لااااااااا صار يطلع لي بكلام جديد

صددددددمني بقققققوه قالي يابنت ترا انا اجاملك ومو مرتاح معك وعشان خاطر اهلك وأهلي مخليك

لييييه طيب وش السبب كذا

وش قصرت معك قام يتعذر باعذار تضحك يا ناس من وقاحتها اترفع أني أقولها


قلت وليه ما طلعت الأعذار الا الحين قال لأني صابر عشان تعرفين أني أتحمل

والمطلوب قال انتظر ولدي يخلص تقييم وأؤيدك لأهلك وأقول خلاص الله يستر عليك


كذااااااا بكل بساطه



هنا انعمييييييييت ما عاد صرت أشوف كان باقي تقريبا شهر وينتهي ولدي

قلت يعني هذي نيتك قال ايوه تعبت وانا اجاملك

فكرت في وضعي وانه شخص ما يستأهل

قلت خلاص تؤيدني الحين بيت أهلي وتفاهم مع أبوي

يا ناس تخيلو ما فكر في عياله حسبي الله عليه

حسبي الله عليه

حسبي الله عليه

وفي الطريق مبسوط وانا ابكييييييي

ويغني

ويشرب ويأكل عادي

توقعته ليدخل معي عند أهلي ويقول وش عنده

طلع نذللللل نزلني عند الباب وطلق كذا بكل بروووود


وراااااااااااح


الحين لي شهر عند أهلي أبوي مصدوم أمي أنهبلت


سوا فاجعه في بيتنا ذاك اليوم

ومعاملتي وطيبتي معه كوووووم ومعاملة أهلي له كوم ثاااااااني

يحبونه اكثر من اخوي لدرجة ان اخوي يغاااار منه

المشكله راح لامه وقالها هي طالبه الطلاق


الله لا يسامحه


ومالكم شغل ولاحد يتدخل في حياتي

ورافض اي احد يصلح


طاااااابت النفس منه وما عاد لي خاطر فيه واذا ربي كتب رجعه عشان الثنين المساكين

والحين تجئني أخباره انه بيتزوج مدرسه

وفهمت ليش طلللللق يبي فلوسها ولانه بخيل مائي يصرف على بيتين وعادي يضحي فينا عشان الفلوس


وكل من سأله ليش طلقت يقول هي طالبته

ولانها مهمله ما تهتم فيني ولا في بيتها

العالم قلبو عليه ومحد وقف بصفه

ربي بباخذ لي حقي من فوق سابع سما

خالتي ما قصرت رايتها بيضا اول ما شافت ولدها طردته من البيت

وتحاول فيه يرجعني بس رااااااااافض تخيلو يتلفظ على امه ويسكتها الله عليه الظالم


وهي الحين حالها مايسر ابد

اتمنى من كل احد يمر بموضوعي يدعي لي

هم الرجااااااااااااااااااااال كذا لاشاف شوووووووووووووووفه يطلع بزوجته البلاووووووي كلها عشان انتي تطفشين وتتركينه

والاصحاااااااااب ياثرون بعضهم اتركها خذلك مدرسه عندهم زواج مثل لعب الكوره متى مايبي يشوت يشوت

اصحك ترجعي له الاوراااااسك مرفوع ومثل ماتكلم عليك كذاااا ارجعي بشروط تعجيزيه الين يعتدل ويصيرررررر رجال ماتدرين الاو هذي المدرسه قريطيه وطلع عينه

ماقول الله يفرج همك صدقني هذا اختبار له

اسأل الله ان يلهمك الصبر ،،، اكثري من ترديد حسبنا الله و نعم الوكيل ،،،
لا حول ولا قوة الا بالله ،،،

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

يا رب يفرج همك والله سيندم يا أختي إذا كان راعي حرام فبعده خير لك ولأبنائك تفو رجال الوحل واسمحيلي ما يستاهلك

حبيبتي عورتي قلبي ومثل هذا ولاتزعلي عليه ولاتشرهي لانه مايستاهلك وبيجي يوم ويندم صدقيني الله يجبر قلبك ويقويكي انك تجتازي المحنه طيب خلاص طلق ماقي داعي يتكلم عليكي ويخليكي الغلطانه هذا هو مجتمعنا ودي يوم اسمع طلاق بسلام مافي لابد انه الزوج يطلع بلاوي وفضائح ياليت انها صحيحه حسبي الله ونعم الوكيل بس رجال مدري وش يبون مدري لو الحرمه طلعت عيون زوجها مانفع ولو كانت طيوبه ورائعه مثلك كمان مو عاجب مدري يدوروا على ايه بجد لاتعليييق00
الله يهون عليكي يارب00

__________________

لدي رب يعرف مابداخلي وهذا يكفيني

[img]http://im33.***********/edShu.gif[/img]

الله يفرج همك

ما يستاهلك
اناني جدااااااااااااااا

الله يصلح حالك يارررب

__________________

اللهم أنصر أخواننا في سوريا .... يارب ( حسبنا الله سيؤتينا الله من فضله إنا إلى الله راغبون )
http://flash01.arabsh.com/uploads/fl...0935414d65.swf

ما يستاهلك يا الطيبة

ان الله يمهل و لا يهمل,,

__________________

...آآآه ياقلبي...ويستمر الظلم...رددي ياأختي..حسبي الله ونعم الوكيييل..هونعم المولى ونعم النصير...

__________________
اللهم ادخل والدي الجنه بلاحساب ولاسابق عذاب

هذا زوجك نذل وعلقه ضعيف ومضوحك عليه ولا يستحي
يمكن تعرف علي المدرسه وهي سب تغير اخلاقه وشوي شوي
ولكن الرزق علي الله والحمد الله الذي فكك منه ورزقك يجيك
ولكن اقسم بالله ان يبلاه ربي ولا راح يتوافق وكثير اشكاله بكره ياخذ فلوسهاا وماشكل معها
واكثر نسبة طلاق وماشكل المدرسات
عشان الرتب والفلوس ومايصرف علي

والله أني أقرأ وأنا مذهول معقوله فيه بشر بالطريقه وظلم هذا ,, الله لا يجعلنا منهم ويعوضك أختي الكريمه بما فيه خير وصلاح لك ولابنائك

__________________

الحمد لله على كل حال