بسم الله الرحمن الرحيم

اشكر كل القائمين على هذا المنتدى الرائع واعضاءه الأروع...

وبعد..

انا امرأه عمري 22 سنه لا اعمل ولا ادرس متزوجه منذ 10 اشهر وحامل بشهري الثامن
زوجي عمره 24 يعمل في مكان مختلط وحيد امه وابوه طيب وحنون معي ومايرفض لي طلب ويكره زعلي ودموعي بقوه ويكره كلمه الطلاق اهله جدا طيبين ومحترمين وفيهم من الدين ويحبوني كثير

مشكلتي يااخواني وياخواتي هو زوجي الي اكتشفت فيه بعد زواجي انه يشرب جميع انواع الكحول ويعتبر هذا الشي عااادي وان كل الرجال تشرب ودام شربه مايوصل لضربي واهانتني يعتبره امر جدا عادي ..
وله علاقات نسائيه قبل الزواج توصلت الى الزنا والعياذ بالله مع اكثر من امرأه من اكثر من جنسيه بالشرق والغرب

طبعا عرفت كل هالاشياء بنفسي بعد الزواج لأنه ايام الملكه طلع نفسه الملاك البريء صاحب الماضي الأبيض الي كان يقولي انو حتى الدخان مايدخن
عرفت عن علاقاته عن طريق جواله والي كان ملياااااااااااان بأسامي البنات داخل السعوديه وخارجها
غير الصور الي كانت توضح مااضيه الأسود وغير المحادثات الموجوده بلابتوبه توصف كل شي

يوم عرفت عن مسااله الشرب حلف لي بالله كذب انه اول مره يشرب وانه كان يبي يجرب بعدها بفتره اعترف لي انه كان يشرب جميع الانواع لدرجه يشرب 7 كاسات ولا يهمه

ومسأله البنات اول مااواجهته انكر كل شي وقال هذا ماضي ولازم مااسال عنه ..

لحظتها قلت دام كل شي ماضي لازم انسى ولازم اعيش يومي وخلاص الي فات مات

بعدها لاحظت عليه تقصيره بالجماع معي بما اني عروس وماتميت السنه الا انه مقصرر كثير من اول يوم زواج كان شبه يومي مو يومي وكنت احط اعذار ايام شهر العسل انو بسبب التنقل والسفر من منطقه لثانيه
غير كذا مااحس انه متلهف للهشي ومن ايام الملكه كان يقولي انو الجنس مو كل شي بالحياه وشي مو مهم بالزواج ..!!!

طبعا كان معارض اني اكل حبوب منع حمل او اي وسيله تمنعه وكان يبيني احمل من اول شهر وكان يزعل اذا نزلت الدوره علي حملت بعد الزواج ب 3شهور تقريبا
وكان فرحان فرحان بالهشي ولكن زاد تقصير بالجماع وكل شوي عذر مره انا خايف على البيبي مره ماعرف اجامع حامل مره انا مو مشتهي مره انا مالي نفس انا تعبان ...الخ من الاعذار الي اشوفها مو مقنعه

وكان يقولي انا مااشرب جوا السعوديه اكتشفت انه يشرب مع انه يجي للبيت صاحي بس ريحه الشراب واضحه غير كذا اذا سكر يجي يجامعني بعنف لدرجه صرت اخاف على الي ببطني من شده العنف يعني بالله كان اكثر عذر يردده انه خايف على البيبي وينه خوفه اذا جامعني بالعنف هذا ؟؟

وجت فتره اشترى اي فون وتعرفون البرامج الي فيه من الهوز هير وغيره وكان يتعرف على البنات فيه ويطلب المواعده منهم والكلام الي بينهم كله +18 مع اكثر من وحده
اروح للواتس اب عنده اشوفه يحاكي وحده مغربيه بالمغرب ومره عراقيه مدري وين
اشوف سجل المكالمات بنات اشكال والوان
وغير الصور الي عنده بنات بدون ملابس ومصور عضوه بعد !!

باختصار المشكله هي
1- انه مدمن علاقات مع اكثر من وحده قبل الزواج وبعده يعني ماله علاقه ثابته كل يوم طالعه لي وحده
2- يشرب بين فتره وفتره

استشرت مره خبير بالعلاقات الزوجيه قالي احتمال ان فيه ضعف جنسي ويسوي كل هالعلاقات اثبات انه طبيعي ومافيه شي يثبت هالشي لنفسه ومستحيل شاب باول زواجه يكون مقصر بالهشكل
رايكم بكلامه؟

سؤالي هل الطلاق حل لمثل حالتي ؟؟

واي سؤال عن اي شي انا حاضره

وشكرا