تعبت تعبت تعبت اشيل هم يهد جبال بدري علي الهم انسان ماخاف ربه فيني طلقني بدون سبب والله العظيم بدون سبب
كذا فجاءه تغير علي كرهني عين حسد هذا الي متاكده منه بس تفرقنا هذا الي يقهر

حبيته قبل اتزوجه وكان فارس احلامي تمنيت اتزوجه دعيت ربي طحت عند الكعبه وقلت يارب زوجني اياه

واستجاب الله وليته لم يستجيب !!

عشت معه اجمل ايام عمري واحلاها نساني الناس نساني صحباتي واهلي نساني هموم الدنيا

لقيت فيه اجمل الصفات لقيت فيه كل الصفات الي اتمناه

كان رجال بين الرجال وكلن يمدح فيه وباخلاقه

كان , حنون , طيب , وسيم , رومنسي , يحس فيني ويفهمني من نظره ..

كان كل الحريم يحسدوني عليه وكانت عمته تبيه لبنتها ونظرات الحسد لاحقتني لحد مافرقتنا وراح لبنتها !!

اذا كنا مع بعض تهاوشنا ولارحنا عن بعض اشتقنا واجتمعنا مشتاقين ونسينا اساب زعلنا ورجعنا نحب بعض اكثر واكثر

زواجنا كان سنه بس والله مامداني استانس واعيش معه واشبع منه !!

استعجل بطلاقنا ماعطاني الفرصه اغير واعدل او حتى اتعلم !!

كرهني لدرجه ماقدر يعطيني الفرصه

ماني قادره اكرهه ولاني قادره انساه ماتذكر فيه صفه وحده اكرهها كل صفاته احبها وكنت اتمناها بزوجي

ياليت فيه شي واحد يخليني اكرهه

القهر ياكلني الحزن دمرني الندم الحسره

حاولت الانتحار اكثر من مره لكن مشيئة الله فوق كل شي

ركبت دباب و كنا بالعيد دعست عليه لاخر شي وجيت عند طلعه عاليه وركبت فوقها ولفيت بسرعه وانقلب الدباب

على امل ان يصير فيني شي ادخل غيبوبه او اموت لكن الله كاتب لي اعيش بقهري الى مالايعلمون طحت حصلي رضوض تمنيت اموت ادعي على نفسي بغيبوبه ماصحى منها الابعد سنه يمكن يكون عقلي نسى


والان بعد شهور من طلاقي وبعد مابديت ارفع راسي للحياه جيت لكم و اتمنى مساعدتكم

فوالله محد حاس فيني غير امي العجوز الي عمرها فوق الـ 50 سنه

لمى تشوف بنتها بنت العشرين تذبل قدام عينها تبكي بسببي كثيير وبسبب الحال الي تشوفني فيه تشكي لخواتي مني وانا بغرفتي معتزله الناس واسمعها واسمع بكائها

لكن مابـ اليد حيله

جيتها مره وقلت لها يمه انا مطلقه ومطلقه من واحد ماتمنيت الحياه ولاتخيلتها بدونه

تجاوبني واذا يعني تطلقتي انتي صغيره وانتي ... وتبدى تذكر مميزاتي

وشلون بتحس فيني وشلون بتفهم الي انا فيه وهي عجوز كانت بعصر التخلف والجهل

وشلون بتفهم وضعي والي انا فيه امي عندها تتطلقين عادي وبعده تتزوجين عاادي ماتوقف الحياه

طيب كييف وانا قلبي مع طليقي كيف واذا لقيت الثاني غيير واذا لقيت فيه صفات اكرهها واذا ماتقبلته واذا ماحبيته اتطلق مره ثانيه والا ارضى اعيش بهمي وحسرتي لاخر العمر معاه ولاكيف ومن بياخذني وبيرضى فيني وانا مطلقه !!
هذا الي يذبحني هذا الي يخليني اتقطع باليوم مليون مره من يعوض مكانه من يعيشني حياه احلى من الحياه الي عشتها معاه

تعبت تعبت التفكير والقهر هد حيلي

اصبت باكتئاب ومتاكده انه شديد مارحت اي دكتور نفسي لان شفت ناس يتعالجون عند دكاتره نفسيه اصبحو مخاابيل والا انا محتاجه طبيب نفسي يشيلني من الوضع الي انا فيه

اعتزلت الناس صرت 24 ساعه بغرفتي لاكل لانام بس ابكي هم فعلا عرف كيف يكسرني وينهيني
كرهت الحياه بالوانها كرهت اهلي وامي وكرهت الناس رسبت بالجامعه حملت جميع المواد بغيت افصل لكن امي رفضت واصرت اروح للجامعه صرت اداوم اقعد باخر مقعد بالقاععه واحط راسي على الطاوله وابكي هذا حالي كل يوم ماعندي صاحبات بالجامعه كان هو صاحباتي ودنيتي والحياه بالنسبه لي

حااالي نحف نزلت فوق 18 كيلوو صرت مومياء

شافوني الناس قالو تحبه ونحفت بعد ماطلقها مسكينه للهحين تحبه وصارو يتكلمون الكلام يوصلني ويزيدني هم على همي

صارو يتدخلون حتى بشكلي ماخلوني بحالي حتى نحفي تدخلو فيه

طلاقي بائن يعني ثلاث مرات

وطليقي ملك

انهرت زياده اصبحت انام على دموع واصحى على دموع

ماني متخيله يروح لمره غيري اه تمنيت الموت ولااسمع خبر ملكته

ادعي على نفسي بالموت وبالحادث وبالغيبوبه لان والله العظيم اريح لي بمليون مره من الوضع الي اعيشه الحيين


محتاجه دكتور نفسي ابي شي يهديني شي ينسيني شي يغيبني عن الدنيا

بس ماابي ادمن على حبوب مابي اصير مثل الناس الي يتعالجون الي تغيرت شخصيتهم وصارو مخابيل
مابي انكسر زياده

مابي ادمر مستقبلي بسبب الحبوب النفسيه

وبنفس الوقت ماني قادره اتحمل الواقع ابد مت والله العظيم مت

ساعدوني وش الحل ابي انساه ابي انساه ابي انساه ابيه يكون نسيا منسيا وقفت حياتي عليه وقفتها غصب علي مو بيدي وش الحل عارفه مافي حل بس وش تنصحوني اسوي حالي مايسر لاعدو ولاصديق

تكفون احد يحس فيني

تعبت والله العظيم

الله يفرج همك يا أختي ..


الحياة لن تتوقف على انسان باعك.. وفكر في نفسه
انتِ الآن فكري في نفسك زي ماهو فكر في نفسه

أنا عارفة انك مجروحة وتعبانه وحسيت فيكي من كلماتك

بس الله موجود .. اتقربيله واطلبي مساعدته
أشكيله همك بدل .. ما تتمني الموت وتدخلي في الحرام

يا قلبي .. صدقيني حتقدري تكملي حياتك
أنا واثقة
مدام جاتك الشجاعة وطلبتي المساعدة
هذا اول المشوار لحياة جديدة مشرقة بإذن واحد أحد

لاتفكري فيه الآن
هدفك .. صحتك .. حياتك .. دراستك

والحمدلله والدتك واهلك موجودين

روحي عند " دكتورة علاج سلوكي " ..
تتكلمي معاها وتفضفضيها وتعملك خطة علاجية وتمارين تعمليها
الطبيب النفسي حيوصفلك دواء وبس
أما العلاج السلوكي راحة نفسية
ممكن تلجأي للاثنين

حبيبتي ..
من اليوم تقولي لوالدتك أو اختك يسألولك عن دكتورة تساعدك..
لن يصيبنا الا ما كتب الله لنا

هذة مشيئة الله .. وأتأكدي أنها خير لك مدام الله كتبها

__________________

>> لا إله إلا أنت سبحانك إني كنت من الظالمين <<

ليته (ما) يرجع

اكتبي هنا كل شي بنفسك,, كل شي نفسك تقوليه عنه,, و عن نفسك..
بنسمعك للاخير .. و قلوبنا مفتوحة لك

يارب ماتحتاجي لطبيب و لاشي ..
انت بتكوني طبيبة نفسك

هما بشر مثلك مثلهم

و ماحد راح يفهمك (اكثر من نفسك)

اكتبي و اكتبي حتى لو وصلتي لعشر صفحات
خرجي كل شي بقلبك,, و لا تحملي نفسك فوق طاقتها

و نحن بنسمعك للاخييييييييييير

كيف حبيتيه ؟
و كيف تغير فجاة ؟
و هذه السنة بكاملها ايش المشاكل اللي واجتهكم ..

ابغاك تخرجي كل شي بنفسك
عشان نفكر معاك سوى

ونحن معاك ياقلبي

كم لكم منفصلين أختي الكريمة ؟

__________________
الحمدلله الذي بنعمته تتم الصالحات

عزيزتي .. روح الطير

أوافقك على اقتراحك المفيد جداً لها
جزاكِ الله كل خير

لكن عندي رأي آخر ..
أختنا العزيزة تقول نزلت 18 كيلو.. وعازلة نفسها عن الناس
وحاولت تنهي حياتها أكتر من مرة
انها تكتب في المنتدى فقط مايكفي ..

صحيح في أشخاص مع الزعل ينحفوا .. أنا منهم وزني ينزل كتير

طبيب العلاج السلوكي و ماوجدوه الا عشان يساعد
ماهو عيب ولا نقص من قدر الانسان

اسمه كدا .. لايعني أنه يعالج من يعانو من سلوكيات شاذة
هو يحطلك خطة تقدري تقاومي فيها وتعيشي حياتك
يسمع منك للآخر

حترتاح اذا راحت ومدام عندها العزيمة والإرادة الآن

__________________

>> لا إله إلا أنت سبحانك إني كنت من الظالمين <<

حبيته قبل اتزوجه وكان فارس احلامي تمنيت اتزوجه دعيت ربي طحت عند الكعبه وقلت يارب زوجني اياه

واستجاب الله وليته لم يستجيب !!


^

استغفر الله مـآ تدري وين الخير لكك وهـآذي حكمت الله وعليكي الرضا بها مهما كانت

انا عارفةة وحـآسةة فيكي ومقدار الالم الي حـآسة فيه بس ما يوصل انكك تبيعي الاخره عـشانه وتحـآولي الانتحـآر

خليكك صـآبره عند المحن والمصـآئب واسـآلي الله الثبـآت والله يفرج عليكك يـآرب

ومثل ماقالولك الاعضـآء طلعي كل الي بقلبكك هنا

أول شي انصحك فيه قولي :

( إنا لله وإنا إليه راجعون ، اللهم آجرني في مصيبتي وأخلفني خير منها ) قوليها بيقين وتوكل وأمل بالله كبير.

هذا الدعاء الذي قالته أم المؤمنين أم سلمة رضى الله عنها حين وفاة زوجها أبو سلمة رضى الله عنه واسمعها وهي تتحدث بصدق وتقول أنها قالت الدعاءالتزاما بما علمه الشرع لها ولسان حالها يتساءل( ومن أفضل من أبي سلمة؟) فما ان لبثت شيئاً الا وأن تزوجها خير الأنام صلى الله عليه وسلم
ونص الحديث هو ( مامن مسلم تصيبه مصيبة فيقول ما أمره الله " إنا لله و إنا إليه راجعون، اللهم أجرني في مصيبتي و اخلف لي خيرا منها " إلا أجره الله في مصيبته و أخلف الله له خيرا منها ).

( إنالله و إنا إليه راجعون )
اللهم آجـِـرني في مصيبتي و اخلفني خيراً منها

دعاء تعلمناه نحن المسلمين حين تنزِل بِنا المصيبة ، فلا يغيب عن بالك وأكثري من ترديده.

الامر الثاني:
تذكري ان اللي زوجك فيه وحقق لك امنيتك ، هو سبحانه اللي بيرده لك ويوفقك معه اذا فيه خير لك بإذن الله فلا تشتكين حالك الا له سبحانه ولا تبكين الا له ( أمن يجيب المضطر إذا دعاه ويكشف السوء ) .

المهم اختي انتبهي يدخل بقلبك الجزع والتسخط من امر الله ، بالعكس استجمعي قواك وجهي قلبك لله واصلحي حالك معه سبحانه ، فما تدرين وين حكمة الله بنفصالكم ، ربما الله ناهيك عن شر ، ربما تكفير لذنوبك ، ربما اختبار من الله يوم كنتي تتمنين هالرجال صرتي تتقربين من الله وتحرصين على صلاتك وتكثيرين من الدعاء وفعل الصالحات ، ويوم صارت المشكلة وانفصلتي صرتي بعيده عن الله وتجزعتي وتمنيتي الموت وربما مثل ما نسمع والعياذ بالله بعض البنات اذا تمنت شي صارت عبده صالحة وكثيرة الذكر والطاعة لله ، واذا ماكتب ربي لها اللي تمناه انتكست وصار تعصي الله وكأنها تنتقم من ربها والعياذ بالله .

ابشرك اختي ان ربي ارحم بك من نفسك ، واحكم والطف بنا من أي احد على هالارض ، لا تيأسين ، لا تجزعين ، لا تقنطين من رحمة الله

بل انفضي عن نفسك غبار الانطوى على نفسك ، واتقي ربك في أمك اجلسي معها بريها تقربي لله في مبرتك فيها انه يفرج همك ويصلح حالك ، ولا تقطعين قلبها بحزنك وجلستك لحالك ، ماتدرين ربما الله يوفقك ويسعدك ويرد لك زوجك بسبب برك فيها .

اخيراً انتبهي يغلبك الشيطان او تستلمين لكلامه ووساوسه لك ، وتأكدي دامك منطويه على نفسك راح تكونين من سوء لأسوأ ، بعكس اذا جلستي مع اهلك ، وصبرتي واحتسبتي الاجر واصلحتي حالك مع الله بكل شي .

انصحك تشوفين هالمقطع للرائع مشاري الخراز يتكلم فيه كيف تتعاملين مع الله اذا فقدتي حبيبك


أسال الله ان يفرج همك وييسر امرك ويآجرك في مصيبتك ويخلفك خير منها

عزيزتي انت ِ مخيره اما الجميع او فقط رجل الرجال وروح الطير ..
انتظر ردك.وفرج لله همك ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

قلبي حنون سامحيني ماقر.ات ردك غير بعد ماكتبت ردي
و ماقصدت ابدا معارضتك لاسمح الله

انا حبيت انها تخرج اللي بقلبها عشان ترتاح
انا احس حالي بالكتابة ارتاح كثييييير
و ابذا انسى مجرد ما افرغ اللي بداخلي

يمكن بالكتابة تكون فيه امور هي ماهي منتبهة لها
و نحاول نكبر المجهر في السلبيات الخاصة بطليقها

لانه عين المحب لاترى الا الحسنات
و ترى العيوب فضائل

فمن خلال كلامها,, ممكن نشوف نحن كلنا عيوبه

لو هي اقنعت حالها بانه عين و كذا
ماحترتاح ابدا

و بجد ماشفت ردك غير بعدين
والخيارات مفتوحة امامها :-)