السلام عليكم ورحمة الله وبركاته

اخواتي واخواني ابي مساعدتكم ياريت تقدرون تخرجوني من الحال اللي انا فيه

انا عمري 18 سنه مطلقه تزوجت وعشت معاه فترة بسيطه كم شهر وكنا ضحايا عمل سحر

وانتهت حياتنا بالطلاق مع اننا كنا نحب بعض بس العمل كان يخليه يشك بعض الاحيان ويرمي الطلاق علي

بعدين قسى قلبي وطلبت الطلاق وانتهى كل شيء

لاني ماقدرت اعيش وهو كل اشوي يرمي الطلاق مع العلم انه يرجع لوعيه ويتاسف ويقول لي انه اسف وكذا يقول لي وانسي السالفه انتي شمعت حياتي ومابقدر اعيش دونك ولما طلبت الطلاق تعب نفسياً وراح بغيبوبه وتعب جداً

بس مافي زوجة بالدنيا تنسى ان زوجها رمى عليها الطلاق

بس باوقات مرضه وعصبيته يقول تحملي للحين ماظربتك ويظل يهدد ووو..

المهم خلاص السالفه لها سنه

هو صحيح انا لسى احبه وهو حالته حاله بدوني بس المفروض ولازم اننى بننسى وانه صعب نرجع



المهم انا الحين ردين لدراستي بس المشكله معامله الناس لي وزميلاتي بالمدرسه يعاملوني وكاني زوجة واني كبرت

والناس اللي حولي ينظرون لي نظرة شفقه وحسرة علي وعلى شبابي \

وكلما اشوف احد يقولون ربي يعوضك يارب ويفكروني بالزواج وبس

ولما يكلموني يكلموني وكانهم يكلمون وحده متزوجه وعندها عيال
هو صحيح احس وكاني كبرت 20 سنه احس وكاني عجوز

ماعدت اهتم بنفسي ولا بحياتي ولا دراستي حاسه وكاني يئست من الحياة وربي انا مو قادره اكمل بس انا تعبت وايد

ابي انساه وانسى حياتي معاه احياناً افكر اني اتزوج اي حد يتقدم لي عشان انساه وعشان احره واخلية يندم اكثر واقهره مثل ماقهرني بس هو شو ذنبة


وحياناً اقول اكمل دراستي واشوف حياتي بس اقول لكم حاسه وكاني كبرت 20 سنة مو قادره اجلس ويا الصبايا ومو قادره اجلس ويا الحريم

مع العلم اني كنت اجتماعيه جداً وضحكتي توصل لاخر الدنيا والكل كان يتكلم علي برائتي والحين صرت اضحك اكثر واكثر بس الكل يلاحظ اني ما اضحك من قلبي واني صرت يائسه

فقدت الثقه بكل اللي حولي ماعدت احب اي حد حاسه اني صرت بدون احساس احياناً اعصب ومن كثر الضيق اللي فيني الحمد لله اهلي متحمليني ومقدرين حالتي بس اصارخ عليهم وراجع ابكي من قهري

والله احس وكان بداخلي كربه وحاسه اني بنفجر

انا كلامي مخربط ومو مرتب لاني مو فاهمة وش اكتب وش اقول


طلبتكم ساعدوني

عزيزتي لسى الحياة قدامك طوييييييلة و عريضة
مالك دخل بنظرة الناس .. مايعجبهم شي

اهم شي نظرتك انت لنفسك

و لاتغلطي و تأخذي اي شخص
و أمامك فرص كبيرة

ابيكم تنصحوني كيف اخلي نفسيتي طيبه اناعشت كزوجة واللي قد عمري لسى بنات بريئات

احس اني غير عن البنات البنات لسى بينخطبوا ولسى بيحبوا وبينحبوا وانا تزوجت وتطلقت وانحرق قلبي وتعبت وعانيت وحاسه قلبي قلبي عجوز انا احب الاطفال وايد ومن صغري كنت بقول ابتزوج وبصير ام ورح اسوي لعيالي كذا وكذا

الان صرت اكره الزواج برقم اني زدت احب الاطفال اكثر واكثر ولما اشوف اطفال اقول ياليت كنت حملت وجبت لي ولد ينسيني همي

انا مو قادره اقول هالكلام قدام هلي عشان ما احرق قلوبهم علي واحسسهم اني سعيده واني احمد ربي على كل حال واني واني

بس انا من جوا محرقو قلبي على حالي وحاسه وكاني بنفجر

مادري كيف بطلع ارجع قلبي شبابي واضحك مثل اول وانسى اني تزوجت مادري كيف

ياربي .... ليه الرجال كذا يسوون في بنات الناااس

ليه الطلاق صار مثل السلام عليكم

حبيبتي والله مدري شقول لك

لاني عجزت اداوي علتي

حسبي الله ونعم الوكيل بس

__________________
لآ تخليني على الدنيـــــــــــآ وحيد ...
لآ تشوفك عين ولآ أذن تسمعكــــ

لآحول ولآ قوة الا بالله ..
الله يجبر كسرك ويرحم ضعفك ويصبر قلبك ..

ياقلبي يا أسيل .. !

معاك حق في كل تصرفاتك .. انا مريت فيها على فكره كلها .. مع اني ارمله مو مطلقه ..!
لكن كأنك تتكلمين عني .. صدقيني هذي فترة ورا يتعدل حالك مع الوقت .. راح تخف عصبيتك كثير ..اهم شي انتي أشغلي نفسك بالدراسه وحددي لك هدف توصليه .. خليك زي ما انتي مع قريباتك وصاحباتك .. انتي لسه ف عز شبابك .. اقنعي نفسك وعقلك الباطن انك مازلتي صغيره وحلوه والف مين يتمناك .. اهتمي بنفسك .. واحممممممدي ربك الف مرا انو ما رزقك بولد من طليقك .. ترا اصعب شي في الطلاق والترمل الأبناء .. ماراح يضيع الا هما ..

ان شاء الله لو يتقدم لك الشخص المناسب بعد السؤال عنه بدقه والاستخاره والاستشاره .. اقبلي فيه .. وادعي ربي كثيييييير .. والله مايخيب من دعاه باذنه تعالى ..


الله يوفقك وييسر امرك .. وتذكري عسى ان تكرهو شيئا وهو خير لكم !

قولي الحمدلله .. وعيشي حياتك وتناسي اي شي يربطك بطليقك ..
والله يكون ف عونك

ربي يسلمكم يارب وماتشوف عيونكم الهم والحزن والقهر يارب


ان شاء الله تكون فتره وتزول مع اني خلاص صرت مريضه ضغط وسكر عاكم ماتشوفون شر يارب

بس انا حبيبت افضفض اشوي لاني مو قادره اتحمل حتى ما اكتب عدل لاني في قرفه الجلوس اخاف اتكلم كلام يجرحني وابكي وانا مابي اهلي يعرفون باني متضايقه او شيء

ربي يجزيكم خير يارب

اختي العزيزه

لازم تتكلمي مع امك او اختك وتعبري عن مشاعرك
صحيح الاخوة هنا في المنتدى يدعموك..
لكن مؤازرة اهلك بالنسبة لسنك الان مهمه تحدثي مع اقرب واحد فيهم عن حقيقة مشاعرك..

وطريقة حديث الناس معاك اصبحت حره وواسعه بدون وعي منهم... وليس بالضرورة انهم يقصدون ايذائك
او يقصدون المعنى الذي تفكرين فيه ..

وهل اصبت فعلا بالضغط والسكر ؟؟ اذا لم يكن فارجوا ان لاتقسي على نفسك بهذا الكلام السيء...


عوضك الله خيرا ..مازالت هناك صفحات في حياتك لم تفتحيها بعد...فاحسني ظنك وربك كريم....

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

حبيبتي كان ودي افضفض لحد بس انا ما اقدر خاص ان اهلي يحسون بالذنب وانهم هم السبب بخصوص ماسئلوا عدل على الرجال

ماودي اضايقهم اكثر واكثر انا سمعت ابوي يوم يبكي ويقول انا السبب وامي قلبها بيتقطع بس ماتبين قدامنا

انا مابي اضايقهم مع اني وربي يفرج همي وهم كل مظلوم يارب كل يوم قبل لا انام ابكي وودي اصيح باعلى صوت بس موقادره

ايه فيني سكر وضغط بعد ماصار الطلاق وخاصه ان طليقي متاثر من هالسالفه حاول يردني بس انا خفت منه

هو كمان حاله مايسر خاصه ان المرض زاد فيه وكان يقول انا محتاج لك وكذا وليه خليتيني

بس انا قصب عني طلقني مرتين وحنا مالنا الا 5 اشهر متزوجين

وفوق هاذ كله هو مسافر

المهم خلصت السالفه بس انا ابي اطلع اللي بقلبي حاسه اني بنفجر وصديقاتي خلصوا دراسه يعني مانشوف بعض وماعندي صديقات الحين

والاهم اني مو مهتمه بنفسي خااالص وامس تقول لي لاتكونين يائسه ترى بعدك صغيرة ومشكلتي لما امي تقولي كذا ازيد اعناد ربي يهديني يارب واخاف اتعدل يقولون تدور معرس

اختي الفاضلة اظهار عدم المبالاة بجروحنا خير رد على من يهولها ويعظمها امام اعيننا بشرط عدم السماح لتلك الجروح بالسيطرة على تفكيرنا وذلك يتم عن طريق ملء اوقاتنا بالعمل النافع ومنه الدراسة وفي المنزل هناك القراءة والكتابة ايضا ممارسة الهوايات ::::صدقيني ان الفراغ هو الداء القاتل للسعادة فعند النوم مثلا تحصل خلوة بين المرء ونفسه لماذا لانملأ تلك الخلوة بسماع القران على صوت منخفض ولو عن طريق سماعة الاذن فمااجمل ان نختم يومنا بالنوم على انفاس عطرة من كتاب الله حتى لانسمح للشيطان بالانفراد بقلوبنا وعقولنا ولو للحظة :::مسالة التزين انت امرأة يااختي الفاضلة ومن حقك الزينة بل هي حق من حقوق نفسك عليك فلاتحرمي نفسك شيئا رغبة في ارضاء اناس لايعرفون منك الا الظاهر فلاتكترثي لنظراتهم وكلامهم فرضا الناس غاية لاتدرك ورضا الله غاية لاتترك فادركي مالايترك واتركي مالايدرك::::نسال الله ان يجعل لك من كل هم فرجا ومن كل ضيق مخرجا

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014