السلام عليكم ورحمه الله وبركاته
تقبل الله طاااااااعاتكم وكل عام وانتم الى الرحمن اقرب

صدق حبيي صلى الله عليه وسلم حين قال وكسرها طلاقهاااا
يارب اجرني في مصيبتي واخلف لي خيرا منهاااااا
تعباااااااانه حيييييييل ضايقه فيني مدري وش اقول بس عرفت ان المراه بلا رجل مكسوره
ياناس اليوم حرارتي اربعين عيوني مااقدر افتحهاا والي حولي كلن نفسي نفسي وانا رايحه المستشفى مع السواق انا وولدي وداخله ع الدكتور بروحي وحطولي مغذي والسواق عند باب الغرفه شايل ولدي كانه زوجي تمنيت الارض تنشق وتبلعني
حتى محلات الرجال ادخلها بروحي اشتري لولدي ثياب وعماايم وازاحم الرجاااال اااااااااااه يارب لطفك
تعب ولدي قبل يومين وديته المستشفى جالسه بغرفه الانتظار اناوولدي الوحيدين الي بدون رجااال ولدي الله يهديه حركته كثيره يقوم يلعب وينزل الدرج وانا والله ساعتين بالانتظار الاحق وراه صاروا الرجال الي جالسين يقومون يجيبونه لي حزنوا علي بالنهايه واحد منهم عطااني رقم دخوله ع الدكتور عشان ادخل قبله اسال الله ان يصلحله ذريته .... حمدلله ع كل حاااااااال .... الله يسامح من كان السبب
ياناااس انا قويه وبفضل الله صبوره وصبرت ع كلام كثيييير لاكن بدات اضعف اضعف اضعف موقادره اتحمل عيشتي ابي اتاقلم ع وضعي زواج مااقدر ولدي صغير حياااه بدون رجل مااقدر ابيلي عزوه ابوي متوفي الله يرحمه اخواني الحق مايقصرون لاكن مشغووولين ع طووول ولايقدرون يودوني ويجيبوني كنا مسافرين وجيت بالسياره مع اخوي وزوجته ويوم وصلنا طلع شناط زوجته وخلى شنطتي بالسياره اثر فيني هالموقف واتصلت فيه وخليت السواق يطلع ياخذ المفتاح من عنده ويجيب شنطتي مادري انا حساسه ولا حركته مي حلوه
يااااارب اجعل لي من كل هم مخرجا ومن كل ضيق فرجا وارزقني من حيث لااحتسب وجميع من يقررا

دعووواتكم ي صحب