السلام عليكم ورحمة الله وبركاته
زواجنا بعد اربع شهور
عادة زعلنا مايطول كم ساعه ونرجع لبعض
لكن الزعله هذي لها اسبوع ولاعاد كلمنا بعض
والله اني وسوست حسيت اني نفسيه
احس ان فيني شي ناقص
اول مره يمر فيني هالاشياء كلها
ماتوقعت ان غيابها راح يأثر علي للدرجه هذي
لاتقولون لي كلمها والله ماكلمها ,ابغا اعلمها ان الزعل جا منها وان ماعندي مشكله المفروض هي ترجع وتسولف معي,واكيد انها تبغاني اعتذر لها وانا ماسويت شي لاتحاولون وخاصه الحريم
الزبده اني
اشغلت نفسي بالعمل واطلع مع شباب وسافرت عشان ابعد الضيقه ولاقدرررت
متضاااايق لابعد درررجه
ليتتني ارجع مثل اول مااهتم باحد ولاعلي باحد
انا وش خلاني اتزوج؟؟؟؟
يعني الحين كل ماتزاعلنا بتصير نفسيتي زفت مثل كذا؟؟؟؟
عطوني حل بحيث اني ماابين اني اركض وراها عشان ماتحط هالشي بباله كل ماتزاعلنا
والله اني احبها واموووت فيها لكن بعد ماني متعود اركض واهين نفسي ع اي شي
وش السوات؟؟

عاد وش تسوي ادا صارت الحياة بينكم اضيق بيت واحد و عيال و مصير مشترك و جو مرة على مرة و هو مكهرب
ادا قادر تتبث لا تكلمها و اكيد هي ميتة من القهر اكثر منك خليها هي تكون مبادرة لصلحة مع اني اشوف ان لا فرق بينك و بينها

حبيبي المنطق اللي عندك هذا لازم تكسره
اش يعني مااجري وراها ولااكلمها فكرك يعني بتأدبها
اذا هذا تفكيرك انت غلطان واذا بتنتظر انها تتصل عليك انسى وهذه طبيعة البنت
من ناحية فيك شي ناقص ايه نعم فيك اللي هو التغاضي
تسعة اعشار حسن الخلق في التغاضي
يعني تحبها موت حسب كلامك وماتبغى تكلمها ظنا منك انك راح تهين نفسك وهذا غلط
انتو كأنكم ماشيين في خطين جنب بعض وفي حاجز بينكم وكل واحد منكم يقول الثاني لازم يجي اول كذا وصلتو للزواج وماانتهت المشكلة والحاجز يكبر شوي شوي

جرب تذوق حلاوة التواضع صدقني تكبر بعينها ويزيد احترامها لك

انا انسان قابل للتنازل واني اراضي
بس برضه ابغى انسانه فيها نفس الصفه هذي اللي فيني
عشان نقدر بالمستقبل نسايس بعض ونتنازل لبعض ونراضي بعض
مايصلح من طرف واحد دايم
مدري تشوفوون كلامي صح ولا غلط!!!!!

كلامك صحيح ..

لكن ماأقدر أعطيك رأيي من دون ماأعرف سبب زعلها

في فرق اذا كان السبب تافه أو اذا كان السبب مقنع ... في فرق كبير بين الحالتين ..

لكن نصيحتي لك بشكل عام خلي أسلوبك معاها الطف واحسن مع شي من الرسميه والاحترام ...

وفي نقطه مهمه أحب اقولها لك ::

ضروري تعرف موعد الدوره الشهريه عندها .. لان النفسيه تتغير وتصير البنت حساسه .. وربي كلامي صدق بدون مبالغه ... لاتستهين بالموضوع هذا


تمنياتي لك بالتوفيق

كلامك كله صح وردك هذا بعيد كل البعد عني
لاني انا اراضيها بعض الاحيان واتنازل واتغاضي كثيرررررر
لكن برضه ماتبوني اقعد كل ماجا مشكله اراضيها
يعني لازعلت انا بكره بمشكله قوية من جد وهي الغلطانه
اجي انا اراضيها !!!!!مومعقوله ابدا
وبعدين تقولين طبيعة الانثى كذا!!!!
وانا اقول لك بعد الذكر عنده ذا الطبيعه
انا والله مستحيل في حياتي كلها اراضي احد وهو اللي غلط علي الا امي وابوي
والحين ضميت زوجتي
لكن زوجتي بعد ابغاها تصير زيي بهالشييي
ولا بنقعد كذا طول عمرنا

يااخوي احراج اسالها عن الدورة الشهريه وانا مااستهين فيه لاني امر في الشي هذا<<لاتفهم غلط ههههه
قصدي مع اهلي وشكرن على نصايحك

عفواً أنا أخت مو أخ

طيب اذا ماعجبك كلامنا لك

يعني وش تبينا نقولك مثلا ؟؟


انا سألتك وش سبب زعلها .. لان يمكن يكون السبب يستاهل الزعل ..

بالعكس ياأختي
كلامك على عيني وعلى راسي وماني مثل بعض الناس
ان كنتم ضدي فأنتم اعدائي
بالعكس اخذ بالنصيحه لان بعض الاحيان مااشوف الامور من جميع الزوايا ومافي انسان كامل
لكن انا ماقلت شي غلط
ابغاها تقدم تنازلات زي مااقدم انا
ام ان التنازلات والمبادرات واجبه علي
ومستحبه لها

طيب حاول ترسل مسج وتهدي النفوس
تري الحين البنت تتغلي وتدلع بعد الزواج ولما تحس بالمسؤلية
راح تتغير وتتنازل
انت بإمكانك ترجع وتتصل بس ماترجع مثل قبل يعني تحسسها انها غلطت بفكرة الاسبوع وكذا
صدقني بتصير ماعاد تفارقك يوم
لازم نتنازل ونتغاضي علشان نعيش
وماتدري شنو صاير معها وشنو ظروفها
الله يسخركم حق بعض يارب
بالتوفيق