مادرى شو اسوى مع زوجى ومع عيلته - منتدى عالم الأسرة والمجتمع

18-12-2012, 12:47 AM

stellaeimy

عضو دائم

تاريخ التسجيل: Dec 2012

المشاركات: 65

مادرى شو اسوى مع زوجى ومع عيلته

معليش اخواتى و اخوانى اذا راح اطول عليكو

بس بدى رأيكم لانى شفت كيف ارائكم سديدة جدا

اتخطبت مرة من قبل بس الله ما وفقنا وبعدها بفترة ايجا زوجى و اهلة (امه واخته) بس قعدو يتكلمو مع الماما و البابا و شافونى ... صليت استخارة وارتحت جدا جدا جدا

وطول اسبوعين ماحدا فيهم اتصل قلت عادى ما حصل نصيب بس بعدها بكمان يومين لقيت اخته اتصلت فينى وقالت ان بدها اخوها يجى على مكان شغلى ويوصلنى البيت قلتلها لا مايصير ما ينفع قالت ليش و هيك بس انا رفضت قالت خلاص راح يجى يزورنا ويجلس معاى قلت راح اشوف بابا وارد عليكى كلمت ابوى وقال راح يجى و يزورك هون قدامى وتقعدوا مع بعض قدامى كلمتها وقلتلها قالت ماشى مافى مشكلة ايجا مع اخته الثانية وقعدو واتكلمنا و ايجا مرة ثالثة مع نفس اخته اللى كلمتنى واتكلمنا (كلو وبابا قاعد معنا) وبعدين بابا ما عجبوا الحال قالى انو متردد جدا قلتلو اصبر عليه لنشوف شو اخرتها المهم بابا المرة الرابعة قالو ما يصير هيك الدخول و الخروج لازم تاخد قرار انت شفت بنتنا وشفتنا لازم تقرر ....

بعدها باسبوع رد وقال انو بدو نتخطب جت امه (أبوة موجود بس هو طيب جدا وامه اللى شخصيتها طاغية )عشان تتفق مع والدى على كل شئ المهم اتفقو على تقسيم الاثاث بس ماتفقوا على الشبكة و المؤخر

بعدها بيومين قلت لبابا انت ليش ماتفقت معها على المؤخر و على الشبكة (لأنى اعرف بابا ممكن يخربط الدنيا فى الاخر اذا ما تفق على شئ وبعدين هما رفضوه) قلتله انا ارتحت وانى ما برتاح لاى حد فبدى يتكلم معهم ويشوف هاد الموضوع

المهم ابوى كلم حماى وقاله انه ماتفق على الشبكة و المؤخر قاله لا انا مادخلنى كلم الحاجة وعطاها التليفون بابا طلب المؤخر يبقى (س) مثل اختى اللى اتزوجت قالت لا مايصير احنا راح نكتب (ش) اللى هو اقل المهم المكالمة اتقفلت وماوصلوا لحل كان عنا عمتى وجالسة مع اخواتى (احنا اربع بنات) راح بابا قال اذا بدك راح نروح نشوف الموضوع عندهم (ابوى كان بدو راحتى وبدو يفرح بى قبل ما يصيرلو شئ لانه تعبان جدااااا) قلتله ماشى وفرحت رحنا هونيك شفنا الشقة حقة زوجى اللى هيا فوق حماتى و جلسوا مع بعضهم .... ماراح اطول عليكم اتفقوا فيها على المؤخر و الشبكة حماتى قالت (اذا زوجى ساعة الفرح معاه مصارى و لا لا مع انو بيشتغل بالخارج وما معقول انو ما معه) و بابا كان بدوا فرح لى بس زوجى ماوافق وبابا ركب راسة ان بدو فرح بس زوجى رفض راح بابا قالى شو رايك قلتله لو يصير كتب الكتاب بجامع ما ليها لازمة المصاريف الكتير بابا قال خلاص اتفقنا ومشينا واحنا بالطريق للبيت بابا قالى الله يستر عليكى امه شكلها مادى جدا ومتسلطة وامى كانت مخنوقة جدا انهم مابدهم يتنازلوا عن شئ وكل اللى بدهم ما يصرفوا كتير

بعدها باسبوع اتخطبنا

وبعدها بثلاث ايام بابا مات

صار الدفن و العزا وبعدها باسبوع سافر خطيبى للعمل لانه كان باجازة هاديك الفترة

كان يتصل بينى وانا اتصل بيه وكنت اساله اذا هو مرتاح يقولى ايه مرتاح بس ماكنت احسة هيك احسه مايتكلم مثل المخطوبين و لا شئ واحس الكلام يطله من تحت ضرسة مثل ما يقولوا المهم قال لاخته تروح معى نحجز بجامع على العيد الصغير حجزنا واشتريت قماش الفستان وامى بدأت بالتفصيل وبدأنا نجهز الشقة ....

طبعا خطيبى ماكان موجود فكانت امه هيا اللى تجهز الامور اللى عليه انا كنت اختار الاثاث و الدهان و هيا تدفع بعد ماتفاصل و تطلع عين البائع وانا كل شئ كنت ارجع فيه لخطيبى اصور الاثاث و ابعتله الصور و هو يقولى ايه او لا واقوله على الاسعار يقول عادى وش فيها وامه من عندى تقول لا غالى وش هاد وهيك مع انى مختاره اقل شئ (وبنتها كانت بتجهز نفسها معاى كانت بتختار اثاث ودهان غالى جدا) خطيبى قال انه راح ينزل على العيد الصغير وراح يصير كتب الكتاب ماما قالت ماراح يصير انوار ولا حنه لانه ابوى ماصارله ميت الا 5 شهور قلت اكيد طبعا وهو ماقال شئ هو اخد اجازته قبل العيد باسبوع ورجع هين وكان لسه باقى حاجات ما ايجت مثل المرتبة (كانت حماتى قالت يوم مارحنا ليهم ان المرتبة على العروسة و امور ثانية ) (بصراحة كانت خنيقة) بعد مارتاح بيومين قلتله لازم ننزل نشترى الباقى نزلنا نجيب المرتبة اخترناها و انا دفعت واحنا رايحين على البيت قال شو رايك لو نأجلها قلت وانا زعلانة من تعامله معاى ما يتكلم و لا يقولى شئ كانه مجبور على قلتله اللى بدك ياة وساعتها كان جايبلى هدية ساعة عطيتو ياها قالى ليش قلتله لما تقرر شو بدك جيب اللى بدك ياه ووقفت التاكسى وقلتله نزلنى هون ونزلت ومشيتها للبيت وانا ابكى لك ليش خطبنى اذا مابدو يانى .... ماقلت لامى شئ وقلتلها بدى انام دخلت ابكى ولقيت اختو تتصل شو صار ليش هو زعلان قلتلها ليش ماتسأليها انا ماراح اقول على شئ قالت سالته وعرفت بس ماتاخدى على خاطرك راح يصير كل شئ بميعاده ان شاء الله

المهم صار كتب الكتاب ورحنا على الشقة اليوم اللى بعدها لقيت حماتى تقول شو صار بينكم قلتلها كل خير مع انو ماصار شئ (هيا شو دخلها هيك امور خاصة مافيها تتدخل) فى هاد الليله زوجى قالى انو مابدو يصير شئ وبعدين نتطلق

نعم لك ليش اتزوجنى هاد قلتله اولا انا ما بسوى مشاكل وهوراح يشوف هيك وبكيت من قهرى وقلتله لسة متردد قالى ايه قلتله بس مايصير احنا تونا متزوجين قالى انا طلبت منك اننا نأجل قلتله يعنى انا غلطلنة تركته ونمت وانا باكية(انا مارميت نفسى عليه هو اللى طلب يحجز وكل شى)

المهم كان بدو نسافر اسبوع فى اي منطقة قلت ماشى وسالنى اذا اختو فيها تيجى قلت هاد شهر عسل ومثل اى عروسى بدى نقضية مع بعض لوحدنا بس اذا هو بدو شئ تانى خلاص عادى تخيلو اختو المتزوجة جت معانا هيا وزوجها بس الحمد لله ماجابت بنتها اللى عندها 4 سنسن (كان ناقص يجيبو اختو الثانية اللى لسه متزوجة قبلى بشهر

) والله جنيت منو ومن تصرفاته وليش يجيب اختو معانا هاد شهر عسلنا وانا قلتله انو مابدى ياها تيجى معانا.

رجعنا من السفرية راحت اختو اللى ماسافرت معنا تسأله من وراى شو صار بينكم قالها مافى داعى للاستعجال راحت قالت لحماتى لقيت تانى يوم نزلنا عندها راح زوجى طلع يجيب شئ من الشقة وانا استنيته عند حماتى لقيتها وبنتها جالسه تعيط على "ليش ماقلتى انو ماصار شئ انتى بتضحكى على ولا تضحكى على نفسك لك روحى سوى عملية عادى واذا بدك انا باجى معاك وكلام كتير يوجع) ماعرفت ارد عليها ابتسمت بوجها وسبتها وطلعت قلت لزوجى ليش تقولها اى شئ هيك امور مايصير تحكيها ابدا انا بنت منيحة ليش تتكلم عنى كانى مانى هيك

عدت ايام واتزوجنا بس هو ما بدو اطفال اقوله ليش انت مابدك اطفال منى يقول لا بدى نعيش حياتنا بالاول (كيف بنعيش حياتنا وهو مو على طبيعته معاى كيف واحنا مابنخرج سوا الا ومعانا حدا لك بتخيل ان بدو امة تجلس معانا بالاوضة) ........سافرنا منطقة ثانية لوحدنا بس لساته فى المعاملة كانه مايحبنى مع انى ماقصرت فى اى شئ لا فى كلام و لا اى شئ ورجعنا بعدها وكل مانخرج يجيب معنا اختو هاى او هاى لين بدى انفجر فيه وانا قلتله بيوم انت خايف منى ولا انا مانى عاجبتك ولا لساتك مانك مرتاح قالى لا ولا شئ بس الخروج مع بعض بيخلى الخروج له طعم ........

بدو يجلطنى ... قلتله انت كلها اسبوع وبتسافر بدى اقعد معك واخرج معك لوحدى هاد حقى بدى ياك تعرفنى و انا اعرفك ولا شو قالى لا صح وبيصير هيك بس ولا حياة لمن تنادى .... كانت حماتى تخلى حفيدتها اللى عندها اربع سنين تخبط علينا واحنا نايميين لتشوفنا شو بنسوى وتنزل تحكيلها (سألت البنت وقالت ان التيته قالتلها تطلع تجلس معانا)

سافر وانا جلست بالشقة قافلة الباب عليا ومانزل الا ساعة معها و اطلع وبعديها بفترة لقيت مرة اخو زوجى تحكيلى حكايات مو منيحة عليهم انهم بيتدخلو جدا فى حياتها وانهم ماديين جدا وحماتى ماتفكر غير بالفلوس واحيانا كتير بتسبها وتعيط عليها وانا مرة سمعت حماتى تسوى هيك فى مرة اخو زوجى واخوة مافيه يسوى شئ لانها امه وحماتى بدها تريح بناتها اللى ساكنين بنفس البيت وبدها تشغلها هيا وكمان فى مرة حماتى استلفت منها مصارى مع ان اخو زوجى الكبير تاجر و زوج بنتها شغال بالخارج وزوجى شغال بالخارج ... قلت ماراح اصدق الا مايصير معى شئ بس باخد حذرى..

فعلا لقيتها مادية لقيتها تسألنى لك المام حطتلك مصاريكى ورثك بالبنك اقوللها ايه تقول وسيارة الوالد ويش راح يصير فيها ارد عليها عادى وتسألنى اذا زوجك احتاج المصارى راح تعطية اقولها ايه تقول هو بدو يشترى شقة ثانية قلتلها راح بساعده ماكان ببالى اى شئ..

لقيت فعلا انها بدها تريح يناتها وتتعبنى انا ومرة ابنها اللى ساكن معنا...

بصراحة خفت ليصير الباقى اللى مرة اخو زوجى قالته بقيت اخد جنب منها ومن اخوات زوجى وهم يحاولو يدخلو بس ماعطيت فرصة لحدا...

تعرفوا انى فكرت لو طلبت هيا منى مصارى ميشان تشترى شقة لابنها راح اقولها ان اما ابنها يرجع من السفر راح ادور انا وهو على اللى يناسبنا او اقولها اى شئ تانى ميشان ماتعرف معى كام او معى مصارى اصلا...

فكرت اذا سبتنى بيوم ويش راح اقولها

حتى زوجى مايريحنى اتصل بيه اذا رجع من الشغل لاطمن عليه واذا مايرد اتجنن اخاف ليصيرلوا شئ وبعدا بساعة واو ثلاث ساعات يرد على ويقول انو ماسمع وانى مو لازم اخاف ايش راح يصير يعنى وانو انا بدى يصيرلوا شئ انقهر منو وابكى...

حماتى سافرت من اسبوع لعمرة وزوجى راحلها ليشوفها ويشوف اختو لانها سافرت مع زوجها هونيك سفريتو تاخد بالسيارة 10 ساعات اول ما قرب يوصل كلمنى قلتله اول مايوصل بس يرن على لاطمن وصل ونام عند اخته واتفرج على ماتش وانا كل هاد بتصل فيه بس الباشا مسوى صامت وبعدها والله ب8 ساعات لقيته يتصل فينى وانا ببكى خفت عليه يقولى ويش فيها لما ماارد مايصيرلى شئ مو لازم اخاف عليه وليش ماتصلت باخته لاطمن عليه (اخته اتثلت بيها من قبل ثلاث اسابع لاطمن عليها هيا وبنتها لانى عرفت ان جالهم برد ماردت و بعدها بيومين اتصلت وماردت قلت لزوجى قال عادى هيا هيك الظاهر هو قالها راحت اتصلت فينى وقالت معليض كنت مشغوله قلتلها انا بس بدى اطمن عليكى) المهم رديت عليه وقلتله انا مافينى اتكلم مع واحدة ماتعبرنى وما عملالى اى قيمة و المفروض انى ما اتصل باختك انت لازم كنت تكلمنى او ترن على لانك انت زوجى ما هيا وقلتله انا اللى غلطانه انى اهتم فيه وهو مايهتم ولو مرة فينى وقلتله كل مرة فى كل مكالمة اقولك اشتقتلك واحشنى بدى اكون معاك احبك بس انت ماتقولها ولا مرة لوحدك لانى مانى ببالك اصلا ... تخيلوا شو يرد على : شيلى هاد الاوهام من راسك

بقيت اخاف من كل شئ اتمنى يرجع الزمن لورا واسمع كلام البابا وارفضوا لانه متردد بس انا صليت استخارة والله وفقنى ليه

بقيت اخاف ليصير شى يطلقنى وانا مظلومة لان حماتى جبارة ولئيمة

شو اسوى لك انا غلطانة انى مهتمية فيه ؟ بس هو زوجى واخاف قلة الكلام تجيب الجفا والله احبه بس هو ما يحبنى

وشو اسوى مع امه واخواته؟ (انا الحين عند امى وبدى حتى اما ترجع من السفر اروح ازورها وارجع على هين)

ادعولى الله يهدي زوجى ويقدم الورق والسفارة توافق عليه واسافرله وابعد عن هيك مصايب

أنصحونى أرجوكم

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه