السلام عليكم و رحمة الله و بركاته
اخباركم ؟
مثل مو واضح بالعنوان
هل تقبلين أيها الفتاة بزوج ضعيف البنيه ؟

هذا الامر محيرني جدا جدا جدا
والله انه مايهمني الشكل كثير و لكن خلال النظره الشرعيه حسيت انه بنيته جدا صغيره بالرغم من كبر عمره 27-28
مافيه اي عيب من اي ناحيه و لكن هذا الشي جدا قالقني
خايفه انه يكون مافي اي تناسب من ناحية الشكل بيني و بينه
اخواني يقولون طوله عادي نفس طول واحد من اخواني وممكن اقصر شوي
لكن انا خلال الشوفه نظرت له نظره خطافيه و حسيته صغير و كيووت و ماعاد شفته مره ثانيه استحيييت
علما انه انا طولي يتراوح بين ال 150 سم و 152سم

اعرف انه مافي انسان كامل ولكن هذاعيبه .. تفكيري جدددا غلط و خايفه من الموضوع كله واني اندم
من حيييييرتي بس ابببببكي

ماهي آرائكم هل هذا السبب يدعو للرفض ؟
ربي يريييح بالكم

وعليك السلام ورحمة الله وبركاته

مرحباً أختي

أولاً : هدئي نفسك ليش البكى ..؟؟

ثانياً : ضعف البدنية له عدة إحتمالات ..
إذا كان بسبب مرض أو هزال .. فهذا يجب التفكير في قبوله

أما إذا كان شكله طبيعي وخلقته وبنيته الجسمية بهذا الشكل
فالأمر لا يستدعي كل هذا الخوف والتفكير خصوصاً إذا كان مواصفاته ممتازة

وبما أنكِ طولك في حدود 152 سم
فلو كان أطول منك قليلاً 160 سم أو زيادة قليلة فهو ممتاز ومتناسق جداً

بل أنه حتى لو كان في مستوى طولك فلا مانع أيضاً

والعبرة ليست بالطول

إنما بالرجل ودينه وأخلاقه وسمعته

بارك الله فيك

أنت كمان صغنطوطه يعني مثل ماقال الاخ الرسمي لو طوله 160 واقصر حلو مرا لكم أشوف مناسب..
لو أنك اكبر بالحجم وبالطول كان صح من حقك تحتاري. وماأتوقع رجال أقصر من 150.
كثير أشوفهم تقول ابيه طويل واذا تزوجت تخجل تمشي جنبه وتلبس كعب عشان تصير قريبه منه أو تلبس الصنادل العاليه تكون متساويه من تحت كل هذا عشان مايبان الفرق بينهم كثير..

ياقلبي ركزي أهم شيء على أخلاق الرجال ..

عااااادي جدا ومايستاهل انك تبكين عشان هذا الموضوع
اهم شي دينه واخلاقه اذا تمام صلي صلاة استخارة وتوكلي على الله

لعلمك زوجي كان نحيــــــــف مره بس طوله معقول على قولك طول اخواني
حاليا سمنان شوي وودي انه يرجع مثل زمان بس الظاهر العمر له دوره


الله يكتب لك الخير يارب ويوفقك بحياتك

ممكن تسألين اخوانك هل شكله طبيعي ولا فيه مشكله
لأن عادة البنات صعبه يحددون فالرجال ادرى ببعضهم

__________________

مو مهم احنا نقبل
الاهم ان أنت تقبلي فيه وترضي بشكله ...

اطلبي من اخوانك يعزمونه وانظري له من خلف الشباك
اطلبي صورته ..

فاذا ارتحت واطمئننت فتوكلي لى الله ..
طبعا كلامي يؤكد كلام الاخوة ان الاهمية في الدين والخلق وما يتبعها من مستزمات الحياة ..
ولكن يبقى عامل القبول مهم

__________________
الحمدلله الذي بنعمته تتم الصالحات

إذا مو مرتاحه لاتوافقين..
أهم شي للزواج الناجح القبول من الطرفين

أنا مع فاكهة الشتاء .. القبول أهم شيء اذا ماارتحتي سوي اللي قالته فاكهه واعزموه وطلي عليه واذا ما ارتحتي أنتي مش مجبوره أهم شيء الراحة أثناء الشوفه خذي لك وقت تفكري فيه واحسبيها من جميع الجوانب بعد حطي الدين والخلق من الأولويات

نستنا موضوعك بعد الزواج " زوجي سمين وش اسوي

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

زوج اختي ما يوصل لكتفي لما اسلم عليه ولا احد عمره من عايلتنا او معارفنا تكلم على طوله
طلوله تقريباً 155 و بالعكس اشهد انه شهم و رجل و معيش اختي احلى عيشة و مخليها ملكه
خليك من الطول ودققي في اخلاقه و دينه اللي هي اهم شيء

هو لم يخلق نفسه علشان يكون قصير و في النهاية استخيري و الامر راجع لك

بالتوفيق اختي الكريمة

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

انا جدا مرتاحه لكن بعد الشوفه ترددت شوي عشان الحجم والطول

والله خايفه اكون شكليا اكبر منه

مرادي تجئني وحده تقولي انا كنت نفس مشكلتك و لكن من عرفته نسييييت حكاية الحجم والطول عشان قلبي يرتاااح