السلام عليكم

أنا متزوجة من ستة أشهر .. والحمدلله حياتي مع زوجي مستقرة .. واجهتنا مشاكل من قبل زواجنا إلى قبل هاليومين بس بتفاهمنا وحبنا لبعض قدرنا نتغلب عليها..

زوجي كريم وطيب وخلوق ومصلي والحمد لله بعيد عن الحرام ويحبني بس أنا لاحظت إنه صار يتغلى علي وماعاد صار يهتم فيني مثل قبل .. مدري لأني أحبه وأدلعه والله وصار يعرف قيمته عندي ولا وش المشكلة؟؟

قبل البارح كنت تعبانة..وكنت بغرفة نومي وهو بالصالة جالس مع اخوي إللي قاعد عندنا هاليومين .. وارسلت له على الواتس تعال..وفعلا جاء سألني وش فيك .. قلت مصدعة وتعبانة كنت متوقعة إنه يقولي سلامتك ويقرب مني أو يقولي أوديك مستشفى .. تفاجأت إنه قال حتى أنا مصدع وتمدد على السرير وبس .. وقعدت أون جنبه ساعة يمكن بعدين خليته وطلعت بالصالة اتألم وهو نام .. لحد الفجر دخلت أحاول أنام بس ماقدرت من الألم فصحي قال وش فيك قلت تعبانة فقام جاب لي دوا وموية وغطاني وقال حاولي تنامين .. ورجع نام.. حاولت أنام ماقدرت .. طلعت برا الغرف وظليت أتألم ولا دري عني .. رجعت الغرفة حاولت انام ماقدرت فصحي قال تبين اوديك مستشفى قلت لا .. قال تبين فطور قلت لا.. وحاولت انام ونمت لحد العصر..صحيت ماحصلته جنبي ..طلع يجيب أكل ورجع سوى شاي وصحاني ..قلت مالي نفس قال لازم تقومين تأكلين وتتحركين عشان يروح الالم .. بعد محاولات قمت واكلت .. بس ظليت زعلانة وما اتكلم معه بسبب اهماله لي .. وهو يحاول يكلمني وانا ما أرد .. المهم انا تفاجأت اليوم من رده على الواتس لما عتبته بإللي سواه معي من عدم اهتمامه قال .. انتي أمس طبعا قبل القصة كنت نايم بالصالة وانتي تروحي تتطمني على اخوك وترجعي لانه كان تعبان وأنا مافكرتي فيني .. اتاريه زعلان من هالشيء مع إنه بعد ماصحي مابين إنه زعلان .. فقلت له اها أجل تردها لي ..


هل تتوقعون إن سبب اهماله لي هو حبي الزائد له ودلعي ودلالي ومعرفته بحجم حبي له؟؟مع العلم إنه انسان طيب وكريم بس مشكلته إنه إذا زعلت أو تضايقت من شيء ما يراضيني يخليني ارصى من نفسي .. يقول أبيك تتخلصين من الحساسية الزائدة إللي عندك..هل طريقته صحيحه ؟؟ولا من عدم إهماله لي؟؟؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..