السلام عليكم ورحمة الله وبركاته

بالله عليكم يا جماعة انصحونى.......انا بثق فى رايكم من زمان وبجد بجد محتاجة نصيحة فى الموضوع دة...انا متزوجة من حوالى 4 سنين ونص....... زوجى اعطى لوالدى فلوس مش كتير للشبكة ووالدى قال مش مشكله وهو جابلى شبكة كويسة باكتر من ضعف المبلغ اللى زوجى اعطاه لوالدى.......ووالدى كان متساهل اوى اللهم بارك فى كل امور الزواج لانه شايف ان زوجى انسان كويس ومن عائلة كويسة واصلا هم ظروفهم المادية كويسة اوى ما شاء الله وعندة شقة كويسة لكن كانت الفلوس دى هو اللى محوشها من شغله مش من والده يعنى.......وزوجى من النوع المسرف اللى مش بيعرف يحوش خااااااالص........وهو بنفسى قالى كدة اول زواجى.....ولذلك حتى ماكانش حوش مبلغ كويس للشبكة


المهم.......ان هم اصلا عندهم الدهب دة حاجة مش مهمة مش بيقدروا قيمتها.........يعنى والدة زوجى دهبها باعته واشترت بيه ادوات مطبخ تقريبا

وزوجى نفسه كان بيقولى اول زواجى يعنى ان الدهب مش مهم وما زال بيقول وكان بيقول من بداية زواجنا اننا لو بيعنا دهب بسيط ممكن نشترى بيه حاجات كتير.......واقعد اقوله حاجات كتير مش مهمة وبمرور الزم بتبوظ ومايكونش لها اى قيمة.....لكن الدهب بيفضل
ومن بداية زواجنا وهو يقعد يقولى بهزار يمكن( بس اكيد نفسه من داخله ) ان انا ابيع من الدهب ونشترى حاجات كتير

وانا عارفة انه من النوع المسرف ولو اعطيتلو الدهب يبيعه ..هيبيعه عادى ونشترى حاجات للبيت.....فى حين انه من هوااااااااااة الالكترونيات........ويقعد يشترى فيها مابيزهقش........ززوكل مايبقى نفسى اشترى حاجة للبيت او جالنا فلوس معينة......يشترى بيها موبيل او لاب توب......وبعد مثلا سنتين ييجى فلوس تانى وما اصدق نعمل بقى الحاجات اللى انا عماله ازن عليه علشان يعملها فالبيت.........أفاجأ برضو انه هيشترى موبيل جديد ولاب توب

رغم ان من ساعة ما تزوجنا من 4 سنين ونص......كان عندة كمبيوتر عادى قديم وموبيل كويس

اول جوازنا اعطالى موبايله هدية واشترى هو واحد جديد .......شوية واشترى لاب توب..........شوية واعطى ليا اللاب واشترى كمبيوتر عادى حديث وشاشة كبيرة علشان محتاجها بيعمل عليها حاجات........واشترى بعدها لاب صغير اوى كدة وبعدين باعه علشان مالوش لازمة اوى.......ودلوقتى عايز بقى يشترى احدث موبيل........ولاب توب جديد ويبيع كمبيوتره
مع انى قلتلة لو عايز لاب نبدل انا وهو......بس هو عايز جديد وحديث......فانا بضربلو المثل زى ما هو بيحب الالكترونيات انا بحب الدهب.........وهو كمان بقى يضربلى نفس المثل انه بيحب الحديث.......بس على القل الدهب عبارة عن فلوس بتزيد لكن الالكترونيات بتخسر طبعا وولا ليها لازمة بمرور الوقت عكس الدهب


المهم انه بقى فى اول الزواج كان يقعد يهزر او يتكلم انى ابيع الدهب وانا طبعا ارفض
لكن لقيت ان احنا محتاجين مكيف رحت قلعت غويشة واعطيتهالو واقنعتو يشترى مكيف ......بالفعل كمل عليها وجاب مكيف

وبمرور الوقت كنا محتاجين نجيب سيارة.......اقنعتو واتحايلت عليه انه ياخد شبكتى يبيعها ويكمل ويجيب سيارة وبعد كدة يبقى يجيبهالى بعدين ......وبالفعل حصل واشترى سيارة بس لس الظروف مش سامحه اوى (( خصوصا انه مش بيعرف يحوش )).....وعملنا جمعية قريب وقال هيعطى لى جزء من الدهب

لكن قريب الحمد لله اللهم بارك والدى جاب لى دهب تقريبا زى الشبكة .....اللهم بارك ربنا يبارك فيه ويرضى عنه يا رب....اللهم آمين

فمطلبتش من زوجى انى آخد جزء من فلوس الدهب فى المعاد القريب .......وقلتله عادى لو اتأجل كام شهر للجمعية التانية

المهم بقى......المشكلة

انه تانى دلوقتى ((( بيهزرر ))) على رأيه ولما اقول له عايزين حاجات فالشقة......يقولى بيعى حاجة صغيرة من الدهب هتجيب اللى انتى عايزاه........تانى بيهزر يا جماعة.......قلتله دة مش هزار........يعنى لو فعلا لو بعت وجبت حاجات فى الشقة مش هتبقى مبسوط......قالى عادى يعنى.......قلتله المفروض مايكونش عادى......المفروض ترفض..

يا جماعة انصحونى.......بجد........مش عارفة اقوله اية.........نفسى يقتنع انه كدة غلطان......هو عموما كويس لكن مش مقتنع بأهمية الدهب

والمشكله بقى انه هو اللى متضايق انى مش بريحو فى الكلام ولما يقولى بيعى من الدهب

اكيد نفسه انى اقولة.........فداك يا حبيبى .....ما هو لو اعطيتهولو او لو قلتله موافقه ابيعو علشان نشترى حاجات البيت هينبيعه بجد

يا جماعة ادعولى يقتنع انه غلطان علشان انا متأكدة ان هو اللى غلطان فى الموضوع دة بالذات......نفسى اقوله ان انا ساعة الجد او لما يكون فى حاجات مهمة بجد مثل التكييف والسيارة اعطيتلو واقنعتو واتحايلت عليه كمان

لكن ماينفعش ابيع الدهب علشان حاجات هايفة......خصوصا انه بابا جايبهولى علشان عارف انى نفسى البسه.......علشان اتمتع بيه........مايجيليش عين ابدااااااااااااا اقول لبابا انى بيعته....ابدااااا.........والا كان سايبنى انقى واجيب براحتى لية؟.......طريقة انى آخد منه فلوس يعنى..؟؟؟؟؟؟؟؟؟؟؟

عايزة اقوله كدة وأفهمو انى مش بعزم عليه فالهزار دة ولو بالكلام واريحو بالكلام على رأيه لأنه ممكن ياخدة بجد يبيعة علشان حاجات هايفة بالنسبة للدهب هو ممكن يجيبها......وانى ساعة الجد اديتلو دهبى كله قبل كدة اصلااا الا حلق وسلسلة صغيرة.........بس خايفة انطق ولو حرف واحد علشان لا تبطلو صدقاتكم بالمن والأذى......لكن والله نفسى يفهم.....

وكمان نفسى اقولة بس خايفة يزعل ان فى حاجات ومواقف بتفرق مع النساء اوى......مثل واحدة صاحبتى زوجها كان بيشترى شقة ملك بدل الايجار اللى قاعدين فيها......ومزنوقين فى الفلوس.......بقولها ما تبيعى الدهب......قالتلى قالت لزوجها......بس هو قالها(( دهبك ماليش دعوة بيه)).......نفسى اقوله ان هو دة الصح.....

وعايزة كمان اقولة ان انت لو فقير انا ماكانش يبقى عندى دم لو لابسة دهب واحنا مش لاقيين ناكل.........لكن ما شاء الله مستوانا كويس الحمد لله وبيجيب كل اللى نفسه فيه

يعنى تخيلو هو اللى بيقول لى يعنى مثلا اية المشكلة لو عملتيلى مفاجأة وبيعتى من الدهب وجبتلو موبيل هدية...تخيلو؟......دة دلوقتى يعد ما اصلا ما كنت بايعة كتير من دهبى علشانه ومابقيتش البس دهب وما صدقت بابا يجيبلى......يقوم قايلى كدة.........وفالآخر هو اللى مضايق انى مثلا مش كريمة كدة ومش بعزم عليه ولو بالكلام.......

قوقو لى اقول له اية؟..........يا ريت رأى الرجال


هو زوجى الحمد لله كويس وطيب وبيجيبلى كل اللى انا عايزاة فى طلبات البيت واى اكل او حلويات بطلبها بيجيبها ربنا يباركلى فىه يارب......اللهم بارك......
لكن النقطة دى بصراحة مش طايقاها فيه.......موضوع الدهب.......وانه كل ما نيجى نشم نفسنا وهنجيب حاجة للبيت بقى.......يقوم جايب الكترونيات....

انصحونى بالله عليكم وادعولنا بظهر الغيب
واحكيلو موقف زوج صاحبتى واللا لا؟

وجزاكم الله كل خير

والسلام عليكم ورحمة الله وبركاته

__________________
الله معى .. الله ناظرى .. الله شاهد على ..

والله الذهب غالي علينا كلنا ..
وليس من الحكمة ان تبيعي ذهبك من أجل مقتضيات البيت .. في حين هو يصرف فلوسه على موبايل ولاب توب ..
دام الحمد لله انتو حالتكم المادية كويسة .. لازم يتعلم ينظم اموره المالية وميزانيته وينسى إن عندك ذهب ..
خليه يملح ويصرح ويمزح بموضوع بيعك للذهب ولا تشغلي بالك ولا تأخذيه على محمل الجد .. وأياك ثم اياك أن تبيعي منه شيئا مرة أخرى ..

همسة :
إذا اهداك والدك او أحد ما ذهبا فضعيه عند والدتك أو أختك ولا داعي لتخبري زوجك به ..

جزاكى الله خيرا على الرد............مانا مش هبيع ان شاء الله طبعا

لكن نفسى افهمو بطريقة حلوة انه كدة غلطان .....زوان هو اللى غلطان مش انا.....

والدهب انا جايباه علشان البسو مش اعينو......مستحيل مايعرفش.......

__________________
الله معى .. الله ناظرى .. الله شاهد على ..

فرج الله همك .

__________________
علـق القَلب بـ الخالق وأجعل الحُب اﻷ‌عظم له
أما البشر فـَ غداً ربما تبغض من أحببت وتحب من أبغضت
فﻶ‌ تبالغ بـ مشاعرك وﻵ‌ تعلق قلبك بهم | ♥"

جزاك الله كل خير

__________________
الله معى .. الله ناظرى .. الله شاهد على ..

ملحوظة يا جماعةة .......انا عارفة ان شاء الله ن هو حاطط فى باله انه يعطينى الدهب اللى خده ......مش خده وخلاص يعنى.....

__________________
الله معى .. الله ناظرى .. الله شاهد على ..

وانت قولي لو أيش بتخسر لو بعت مبايلك وجبت لي فيه خاتم ذهب مثلا وفاجأتني فيه

عادي حبيبتي خليك على موقفك بكرا بيتعود انتي طمعتيه من البداية يوم بعتي اسوره للمكيف والرجل على ماتعوده مرته
أقترحي عليه ان تساعديه بالتحويش

الله يوفقك ويسعدك

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

جزاكى الله كل خير على الرد
بس تلاقيه ناسى موضوع المكيف دة اصلا......هو لوحدة مش مقتنع باهمية الدهب

انا ان شاء الله ثابته على مبدأى.....

لكن انا كاتبة الموضوع علشان عايزة افهمو انه كدة غلط بطريقة حلوة.......

__________________
الله معى .. الله ناظرى .. الله شاهد على ..

شكرا لمرورك...........ومش عارفة احكيلو موقف زوج صاحبتى واللا لا؟

__________________
الله معى .. الله ناظرى .. الله شاهد على ..