بسم الله الرحمن الرحيم

احتاج ارائكم الحكيمة في هالموضوع واللي بالنسبة لي صار يعيقني عن الحياة الإجتماعية مع أهل زوجي ، ليه سنتين متزوجة ... انا جداً محترمة اهل زوجي وعلاقتي طيبة لكن حقيقة سلوك عمتي مرة مضايقني عمرها تقريباً في بداية الخمسينات لكن جدآ فضولية بشكل مزعج حتى اصبح مالي خصوصية في بيتي للأسف
اولا : بحكم اننا مستأجرين بجنب بعض ف ماشاء الله 24 ساعة ع الباب دق بضرورة وبدون ضرورة تتدخل في خصوصياتي بشكل كبير صح الواحد طيب وخلوق ومحترم لكن بدأت أمل واتضايق لدرجة صارت تفتح الباب علينا عااااادي ..

ثانياً : عمي حالياً يبني عمارة من دورين وشقتهم تشطيبات اخيرة وانا وزوجي جينا نخطط لشقتنا وطلعنا للدور الثاني شافتنا ولحقتنا وكان في بالنا تصميم مختلف للمجالس ولما سمعتنا قالت لا لا لاتسون كذا خلوا البيت لاتخربونه خلوا نفس الغرف اذا جووا ضيوف نقسمهم فوق وتحت ولاتغير ولاشيء ... يعني معقولة لهالدرجة ... طيب انا ابغى شيء ثاني وقلت ياعمه خلينا على راحتنا ... لكن قعدت ورانا ولاتسوي ولاتغير .. وكمان عندي مشكلة في نفس السكن اللي هي انه عمي باني العمارة بشكل دورين لكن مدخل واحد يعني اللي يبغى يزورني من اقاربي او صديقاتي يدخل عليهم مباشرةً وبعدين يطلع عليه مدري كيف جاي هالتصميم ؟؟؟؟
لذلك افضل الانسحاب واسكن ايجار افضل من دوخة الرأس .. لكن المشكلة في زوجي مايبي ايجار !!!!!

وثانياً : وين رحتم وين خرجتم ؟! وين يروح الراتب ؟ كيف حلها ؟؟؟
وثالثاً : بالسيارة اجلس وراء احتراماً لما تركب معنا عشان اخليها قدام لكن الآن اي مشوار صارت تركب معايه انا وزوجي رغم انه في سيارة ثانية لولدها لسى اعزب واخواته معه لكن تجي معي انا وزوجي وانا ماعندي مشكلة لكن على كل مشوار طيب السيارة الثانية موجودة وبنروح نفس المشوار وين المشكلة لو رحت معهم

عمتي ماترضى ابدا احد يتدخل في حياة بنتها المتزوجة فكيف ترضى هي بذلك على زوجة ولدها ؟؟

_ علماً ان اخته الصغيرة نفس طبائع عمتي كمان .. عمرها 17 تقريباً لكن غير محترمة لدرجة مرة دخلت علينا دقت الباب ودخلت / وبعدين قلت اولا استاذني وثانيا السلام عليكم .

وفي اشياء كثيرة تضايقني منهم لكن راح احتفظ فيها ...

انا اخاف الله فيهم الحمدلله ولا ارضى اي مشاكل لكن اريد طريقة للتعامل معهم بدون ان تتأذى حياتي مع زوجي ودون ان اشتكي اليه ؟

الخلاصة : كيف اتعامل معهم خصوصاً عمتي ...... واي اسلوب اتبعه ؟ وهل تأيدوني بالسكن بعيداً ؟!