السلام عليكم ورحمة الله وبركاته
24/6/2013يوم الاثنين
زوجي ظلمني وحرمني اني احمل 6 سنوات ولين الحين ماحملت ؟

قصتي اني تزوجت عن حب 4 سنين حب
وبعدها تزوجنا وكان عمري24
زوجي متزوج من قبل لاياخذني وعنده بنت تزوجنا واستانسنا انا وياه واهله يدرون وكان احلى شي في حياتي كنت احبه واموت فيه وهو بعد لا كن اول ماتزوجنا وسكنت في شقه بروحي وزوجته اعرفت وسوت لزوجي مشاكل وايد وقالت له لازم يطلقني وهو رفض المهم بعد فتره صارت حياتنا مالها طعم بسببها ولاكن مرت الايام والشهور وانا ابي احمل وزوجي مارضى يرفض وانا احاول معاه كان ينام معاي ويعاشرني طبيعي ولاكن يقذف برع وانا اموت واتحسر ودي احمل وهو يرفض ويقول مب وقته بعدين و بعدين تميت معاه على هالحاله سنه وحسيت انه في شي مب طبيعي كل واحد يبي زوجته تحمل وهو لين الحين مايبي شكيت في زوجته انها مسويتله شي انه مايحملني وبعد فتره قتله انا كلمت هلي وقتلهم يشوفولي مطوع يقرى عليك وعلي احسن من العين ولاكن المطوع قال مافيكم شي والمطوع سال زوجي ليش ماتبي عيال ليش تقطع ذريتك قام يتلعثم ويقول انا مابي الحين عشان ظروفي الماديه ماتسمح معنا حالتنا الماديه واجد زينه وقلت له اليهال مالهم خص في المصاريف وانه الياهل اذا جاء يجي رزقه معاه كان رافض اني احمل ودايما يقولي بعدين وبعد فتره كان يضربني ضرب ويشتمني وايد وبعد فتره وانا صابره عليه لاني احبه قتله حرام عليك خلنا نجيب بيبي ودي اصير ام وهو دايما يرفض ويزعل اذافتحت الموضوع.
وزوجته كان متزوجها من 9 سنين وهي ماتحمل تسقط على طول وماعندها الا هالبنت ويوم عرفت قالت له اني مااحمل وهي الي لازم تحمل وطول هالمده كان يعالجها ويصرف عليه كثير كل هاي عشان تقهرني وتحمل هي وبعد سنه وشهرين عرفت انها احملت وهو صار مايجيني ولا ينام معاي وكان حتى مايرد على مكالماتي لما يجي الفجر وينام وكله ساكت وقتله حرام عليك ليش تسوي فيني هالشكل اذا ماتبيني طلقني ليش انا عايشه معاك قالي والله انا احبج وايد وماقدر على بعدج بس اصبري واتم ادعي ان الله يهديه ويخليني اعيش واحمل نفس اي زوجه وقالي اني بحمل بس مب الحين خله يكون بيني وبينها شانس احسن وانا وقلبي يتقطع سكت غصب وانا مظلومه مالي غير ربي ادعي ان الله ينصفني يقول خلي بينج وبينه عالاقل اربع شهور ومرت الشهور ومرت الايام وانا احاول انسى هالموضوع ونسىي هو انه وعدني اني احمل وكانت عيشتي كله ظلم وحزن وتعاسه وانا زينه مافيني شي اقدر احمل وهومايبي حسبي الله ونعم الوكيل وهي الي يراكض ويصرف مصاريف وايد عشان تحمل وأنا الي انظلمت ونحرمت اني اشوف ضناي تعبت وتدهورت حالتي النفسيه وتاقلمت غصب مع هذي العيشه بس عشان مابي اطلق وقلت بصبر ان شاءلله الله بيهديه ويحس فيني ويعرف انه ظالمني وان لا الله والا الدين يرضى بهالشي وبعدين طول ماهي حامل زوجته تتعب في اشهرها الاخيره وبعدين راحت الطبيب وقاله وهي في الشهر الخامس انا الولد الي في بطنها مات والولد الثاني حالته صعبه ولازم يولدونها بسرعه ولاكن طول مانولد وهو في العنايه المركزه تعبان واجد وانا مخليني وناسييني وقبل لاتحمل قالت حق ابو زوجي قول حق ولدك ليما اربي يخلص موضوعه مع زوجته يعني يطلقني وهذا اكيد عقاب من الله لانه تبيني اطلق وتخرب بيتي وانا مالي خص فيها ولا ادخل ولا شفتها حتى المهم تم الياهل في العنايه المركزه وعمليات وايد سووله تم 3 شهور ونص ماطلع وهي وزوجي واهله على طول عنده ولا فكرو فيني حسبي الله ونعم الوكيل وبعد العمليات مات وماكمل الياهل وهذا بسببهم لانهم حرموني وبعد فتره تغير زوجي اكثر علي كاني انا الي موت عياله وبرغم هالشي مرت سنتين ثلاث سنين وهو لين الحين مايبي عيال يقول لامنج ولا منها ابي عيال مب وقته وبعدين وانا طول زواجي ادعي ان الله يهديه ونجيب ياهل يفرحني اشوف الحريم الي عقبي عرسو عندهم 3 يهال وانا لين الحين وكل الي عرفوني عارفين اني انا المريضه ومافيني عيال اكيد انا ماقول لهم عن الحقيقه تعبت من الناس لين اقعد معاهم او اروح زياره مع هلي يسالوني لين الحين ماحملتي ليش وانا اقول الله ماراد الله كريم وانحرج الي تقولي روحي مسدي واللي تقولي روحي عند الكتور الفلاني والفلاني وانا اقول ان شاء الله وانا قلبي يتقطع لانهم مايدرون عن شي ان زوجي هو الي مايبي عيال الله كريم تعرفون حالتي مثل شنو شفتو الي يقولون له الدكاتره انت فيك سرطان وهو مافيه شي هذا انا حالتي صرت اكره الزيارات والافراح مااروحها مع هلي لان نفس السؤال بيسالوني تعبت وااااااااايد ماعرف شاسوي قلت اصبر احسن من اني اكون مطلقه ومرت السنه الرابعه والخامسه والحين السادسه وهو حارمني اني احمل والحين عرفت ان زوجته حامل للمره الثانيه وانا لين الحين ماحملت كرهت كل شي في حياتي صرت احب شغلي وصديقاتي في الشغل احاول انسى معاهم
تصكرت حياتي وصارت سوده في عيوني لاني انصدمت وهو لين الحين ماقالي انه هي حامل واذا حلفته يحلف لي انه هي مش حامل ويكذب حرام عليه ياويله من ربه اشكثر حرمني القاسي حسبي الله ونعم الوكيل وهو ولافيه ذرة احساس ولين اليوم ماقالي انها حامل وكذب علي طول الفتره وماوفى
قبل قالي ابي بينكم شانس في حملها الاول وصبرت وماتو وعاد كذبته وحملت هي للمره الثانيه وانا لا ماقول غير يارب فك كربتي وريحني واكتب لي خيراً وبس هذي قصتي مع معاناتي 6 سنين
مثلت قدام الناس اني انا المريضه مب زوجي وتحملت كلام النا س اني انا عقيمه ومافيني عيال ولاكن الله فوق اهو الي عارف الحقيقه وبياخذ حقي والحين هي باقي لها 3 ايام وبعدها بتولد وانا على ماانا وحيده ومحرومه اني احمل او اصير ام من سبة زوجي يارب وفقني وعطني الصبر الكثير الى الان تصدقون خواتي انه ماقالي انها حامل وانا عرفت
هذي قصتي حبيت اقولكم الي في قلبي وبس .ابي كل وحده تقرى قصتي وتتعض وماتضيع عمرها مع زوج هالشكل والحين انا خلاص تسكرت الحياة في عيوني لاني ولا شي في هالدنيا حسبي الله على زوجي وزوجته اذا هي عاملتله عمل وبس ??والان انا خلاص ابي اطلق لان هذا الزوج ماعنده قلب قلبه حجر مايحس بعذاب الضمير ادعوليييييي خواتي ان الله يبدلني بزوج احسن منه واشوف ذريتي والحين عمري 30 سنه .شكراً لكم حبيباتي ??

وأي
والله قصتج عوار قلب لكن الحمدلله على كل حال
الله يكووووووووون بعونج ويفرج همج
ياختي

__________________

الله يكون بعوووونك ويفك كربتك يارب...بس المفروض ماتقعدين عند ه كل المده هذه ضيعتي عمرورك على واحد ميستاهل

الله يككون بعونك
بس اخاف ربي عاقبك لانك تقولين تزوجنا عن حب !!
يعني شيةيقهر متزوج ويخون ربه وحرمته 4 سنوات يكلمك بالحرام مايجوز
يمكن هذي من دعاوي حرمته تشوفه يخونها وينحرق قلبها >ماقلت كذا الا لاني حاسه باحساسها شي يقهر
ويمكن السبب انه مايبي منك عيال لانك تكلمينه وحبيتيه بس هذا مايجوز حرام
ففكر انك مثل ماتكلمينه تكلمين غيره

اتمنى مافهمت غلط

لا تزعلي من كلامي بس جد انقهر لما اشوف وحدهوتحب واحد متزوج
الله يكون بعونك ويفرج همك
هذي الدنيا محد مستانس فيها
الله يجعل اكبر همنا الاخره

عزيزتي.. ست سنييييين!!!
مو قلا والله
ربي يعينك ويصبرك يا رب

اسال الله ان يفرج همك وان يرزقك بالذرية والولد الصالح وان يهدينا جميعا

ساذكر لك نقاط تامليها
ًحب اربع سنوات قبل الزواج اذن انت وزوجك من بداتم بالظلم فالاولى ان تكون هي من وقع عليها الظلم والقهر لا انت

ًانت تظني ان وفاة الطفل الاول عقاب من الله بسبب ظلمك تذكري انها اقدار وليست موضع شماتة

ًالطفل الاخر مريض في العناية المركزة ويحتاج لكل الاهتمام من الجميع وانت تعتقدين باحقيتك في العناية اكثر منه!!وان وفاته عقاب لانصرافهم عنك ..

ًقصتك مليىة بالانانية والمقارنات من قبلك. اعيدي النظر في مبادىك في الحياة اطلبي الخير من الله اكثري من الدعاء لنفسك بصلاح الزوج والولد الصالح والارزاق من الله

وازني بين إيجابيات وسلبيات اﻹستمرار معه أو اﻹنفصال عنه
استخيري الله واختاري اﻷصلح لك

اريد ان اسأل الاعضاء هنا

هل هذا هو الاسلام هل الاسلام امره بما يفعل ويظلم زوجته

كيف الانسان الظالم مسلم ولا يطبق شرع الله


حد يقدر يفهمني

مو مهم اهم شي ان التعدد حلال9
...
الله يفرج همك اختي.و الطب تطور بما انك سليمة
تفرج ان شاء الله

__________________

الإسلام بريء من هؤلاء !
الإسلام أرقى بكثير لكن البعض استغل هذا الإسم !