السلام والرحمه .. والله يعود علينا وعليكم رمضان كل سنه وكل حول ..


سؤالي وفضولي لمعرفه الاسباب كفيله في اشباع قراري وقناعتي في تفاصيل متعلقه فيني ..
بعيد عن تغكيري الخاص

سواءن كنتي مطلقه او ارمله او عازبه .
و تقدملج شاب يملك مؤهلات كافيه لاسعادج في حياتج وبالرغم معرفتج فيه انه متزوج وقبولج بالوضع

وموافقتج عليه بدون تردد .. لمصلحتج الخاصه


شو النتايج اللي راح تخلفينها من ورى خطوتج هاي؟؟؟؟؟



ارجو منكم خواتي التقيد بجواب شافي بعيد عن خلط المواضيع.. والمثاليه .. انا الحين فاضيه واساله تردد في راسي سؤال ورى سؤال ومابا ادخل بالتفاصيل الممله..




والسوحه ..

ينقل لمكانه الأنسب

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

مرحبا رووضة .. كيفك يا شيخة ؟؟
امممممممممممم
بالنسبة لشخص متزوج ويتقدم لي .. راح أفكر وااايد
قبل ما أتجرأ آخذ أي قرار ..!!
راح أفكر بزوجته .. بأهله .. بأهلي .. وبأهم شي أنا ..
والدافع اللي خلاه يقدم عالزواج مرة ثانية ..
وهل أنا بكون مؤهلة أو قادرة على تلبية حاجته من الزواج الثاني ..

إن وافقت .. شي اسمه غيرة لابد إن أمحيه من بالي .. لأنه مرتبط قبلي بوحدة
واللي لي حق .. هي لها حق فيه .. ووايد فعلا أشياء راح تجي فبالي ..

الله يعينك عالتفكير

__________________

باقولج تجربتي

------ ماكو شغل بس انشر بهالتجربة----- هههههههههه

زوجي لما تقدم كان فيه كل المميزات اللي ابيها

كلها كلها كلها

بس عيبه ان متزوج وكان وقتها منفصل - مو مطلق - زوجته

وطبعا مع الايام ذقت الويل منه ومن زوجته بس مع الصبر الحمدلله

ربي ابدل حالي الى احسن حال

وانا متاكدة يايني الخير

حقيقة وايد مرات اتندم اني وافقت عليه واقول لو صابرة شوي


وبالمقابل وايد ايام افرح ان من نصيبي

اذا تبين شي لازم تواجهين العواصف عشان تثبتبن وتاخذينه

الاصرار والعزيمة والاعتماد على الله والتوكل عليه هي العناصر الاساسية

ربي يوفقج ويسددج

__________________
لا اله الا انت سبحانك اني كنت من الظالمين

اشكرج عزيزتي

بس الغيره فطره غريزة فينا .. موب خياري.. واذا ع التفكير هي والله الله يكوون في عوني

لا عادي حبوبه الواحد لازم يذكر الناس بتجربته عشان يستفيدوون .

وكلامج ريحني وايد بالفعل اساس نجاح اي خطوه هي التوكل ع الله

هلا روضه تدرين اني احبج هههه شكو بس حبيت اعبر
احسج قويه وحنونه بنفس الوقت
انا مطلقه ومب صغيره بس ادعي ربي يعوضني بالاعزب سواء مطلق او ارمل وعندي يقين ربي بيعوضني خير
ليه مااتمنى متزوج لان ابوي كان متزوج على امي ومره عشت التجربه وتالمت شفت امي وحزنها والمها وبصراحه ماودي اكون سبب بالم انسانه مااعرفها
ادري شرع ربي ومحد يقدر يتكلم بس اقول لك عن شعوري
بعدين اعرف نفسي مره غيوره يعني بتعذب واعذبه معاي خاصه اني مب شاطره بكيد النساء ولا احب المشاكل
وبصراحه مافيني بهالعمر اخوض صراعات ومشاكل ومحاولات كسب سي السيد بدال مايقعد يدلعني اقوم انا وضرتي نركض لرضاه ومايصاحبه من تنازلات
قريت قصص لعضوات زي كوين وموهبه الكويت ولمسه غروب وشفتي معاناتهم بتجربتهم كوين رماها وفرط فيها وموهبه ولمسه يحاولون يثبتون انفسهم ويعانون من التهديد بالطلاق وسهوله انتهاء حياتهم الزوجيه والتفريط فيهم على الرغم من انهم شايلات انفسهم ماديا ومريحات رياجيلهم بس يظلون الجانب الاسهل التفريط فيه
الله يكتب لك السعاده روضه لاتدخلي هالخطوة الا انتي عارفه كل شي وشارطه شرطك ومامنه وضعك
الحب مهب كل شي
شي مهم طبعا بس فيه اشياء ثانيه بعد مهمه
استخيري استخيري واعرفي مثل ماقلت وضعك
انتي راضيه بسالم كذا بوضعه ولا تقولي لنفسك ماعليه نتزوج ونغير من وضعه
لا حطي ببالك ان هذي بتكون حياتك معه للابد راضيه فيها وسعيده واستخرتي خلاص توكلي على الله
لاتقولين بجمالي وفلوسي ودلعي بغير وبخليه يسوي كذا وكذا لا الرجال ماغشك وانتي عارفه وضعه
الله يوفقك دعواتج لي

تدرين الغاليه اتلفت في البيت واسال نفسي لو انج ياامي موجوده جان تركت القرار لج .
بس الحين لاونيس ولاحسيب غير الشياطين في راسي يلعبون بي بأسالتهم.
والله مامبتعثه ادري بتجارب الخوات ادري انه موهبه صابره ولاعمرها اغلطت ع زوجها والعنت خيره بالرغم من قسوته معاها وكوين ربي يكون في عونها


بس الشي اذا مسج تحسين بعمرج في البحر مرة الموج يرفعج فوق ومره يفرج بالقاع وكل هدفج تحفظين توازنج عشان توصلين لغايتج


والله يامبتعثه اني احترمج واحترم تجربتج بالرغم من قسوتها شوي.. الا اني اتمنالج التوفيج

بس حبيت اوضح شغلة اختي مبتعثة

انا مو شايلة نفسي ماديا

هو اللي يصرف عالبيت كله من الى غير الاجار

صحيح ان معاشي قوي ولله الحمد بس الريال له دوره والمرة لها دورها

وبعدين اختي روضة انا مع زوجي ما كان بيننا حب نهائيا وهو اساسا ما كان له رغبة بالزواج بس ارضاء لامه تزوج


عموما شنو ما كان الهدف الحمدلله ان حياتي الان مستقرة وسعيدة


نسيت اذكرج يشغلة لقيت لها الاثر الكبير في حياتي اللي هو


الدعااااااااااااء

انا كل شي تغير بحياتي عن طريق الدعاء كنت ادعي بكل لحظة وبكل وقت

والحمدلله ربنا كريم ورزاق ورحيم

ويرزق الانسان على نيته

__________________
لا اله الا انت سبحانك اني كنت من الظالمين

روضة
انا زواجي الاول كان من متزوج
راح اذكر التجربة بعدين

__________________
الحمدلله الذي بنعمته تتم الصالحات