تخلصت من شي مهم
السلام عليكم ورحمه الله وبركاته
ماادري من وين ابتدي بس مجرد الكلام يرحيني او يخفف من ثجل موجود هنييي .. في القلب ..
يمكن هي موب مشكله بس خطوة اعتبرها انجاز بالنسبه لي حققتها وحابه اتكلم فيها او اكتبها ..
امس في الليل دخلت حجره المرحومه امايه الله يرحمها وشليت كل ثيابها وحطيتهم في شنطه وكل الشنط والعبي ريحتها فيهم يمكن تقولون تبالغين ياروضه معقوله تكون ريحه شخص في ثيابه وصارله سنين مالبسهم
.. اللهم الذهب للحين ماقررت كيف اتصرف فيه
طبعن احتمال احتفظ فيه او اوزعه على خواتي او ابيعه واتصدق بفلوسهن بس ماارح اتركه مكانه عن يعطيهم ابويه لشخص مايستحقه
ابويه من بعد وفاه امي واخوي طلب مااحرك شي فيهم قالي شلي ايدج منهم وتركيهم على حالهم ..
ومن هاذاك الوقت ماسال عنهم ..
بما انه ابويا صار هالشي ماضي بالنسبه له انا مالي حكم عليه الله يوفقه المهم اللي سويته كان لازم اسويه من زمان وشليت الاغراض اليوم الصبح لهلال الاحمر..
بس اغراض بطي ماقدرت اشلهم وجودهم يمكن مابيفيده الله يرحمه لكن يفيدني انا كيف ؟؟ صعب اترجمها
خليفه ماخبرته لاني لو خبرته بيمنعني وبيحط في خاطره واذا سالني وقتها راح اجاوبه .. ان شالله
وبالنسبه لابويا ربي يحفظه ماراح اتكلم في الموضوع عنه وعن زوجته لاني اذا قررت وقتها بتكلم صعب تترجم احساسك لانه اللي يسمع ماارحا يستوعبه راح يستوعب الظاهر لاغير
وربي يحفظكم
التعديل الأخير تم بواسطة بنت بوظبيxAD ; 29-10-2013 الساعة 11:03 PM
29-10-2013, 10:58 PM
ضوابط المشاركة
العرض الشجري