السلام عليكم ورحمة الله

نفسى اعرف يا جماعة لية دايما رقم واحد فالاخوات بيكون غالبا ..

........... تفكيره غلط
........... مش كريم على الناس
.......... انانى

بجد لاحظت فى كذا حد حواليا كدة..........نفس الصفات مشتركة

يا ترى اية اللى ممكن نتبعو مع اولادنا علشان مايطلعوش كدة..................

المهم ...... زوجى تفكيره بجد مش صح فى حاجات مهمة...........
اولا..............يشترى كمبيوتر ...... شوية صغيرة ويبيعه ويخسر مبلغ .......ويشترى لاب توب ....شوية وعايز بيعو ويخسر مبلغ........ويشترى موبيل ...... ومن غير مايبوظ يشترى غيره ويدينى القديم........وعايز تابليت

مش بالظبط اللى قلته بس تقريبا كدة..........وهكذا وهكذا وهكذا.........وكل ما اقول اكيد آخر مرة والمرة الجاية بقى نعمل اللى ناقص فالشقة......... داايما بيكون عايز يجيب اجهزة جديدة ولو بانه يستلف على امل انه هيبيع اللى عنده ويسدد..........لدرجة انه اشترى لاب جديد استخدمو حوالى اسبوعين......وبعدين اكتشف انه مش محتاجه....... عمال بقالو حوالى شهرين بيحاول يبيعو وممكن يخسر اكتر من 1000 فيه .........وقلت اكيد خلاص تاب.......بيقولى النهاردة انه عايز بقى يجيب تابلت.......وطبعا بجانب انه عايز يجيب موبايل

وباختصار بحس انه غالبا الراجل سهل ياخد الدهب من مراته على امل انه هيرجعو..........وصعب اوى بقى يرجعو لان دايما عنده حاجات اهم منه...........وهو حاجة مش مهمة بالنسبالو


ثانيا........... مش عايز يكون ليه علاقة بأهلو.......... ودى حاجة مضايقانى جدا ومأثرة عليا اوى........خصوصا اننا ساكنين فى وسطهم .....فى شقة لوحدنا طبعا.......لكن هم مش فارقين معاه اطلاقااااااااااا........ زعلان من باباه فى موقف وانا شايفة ان هو طبعا اللى غلطان.......بس زى ماقلتلكم رقم واحد بيبقى تفكيره غلط...........مقتنع بحاجات غلط.........وخصوصا ان والده اصلا مش فارق معاه......فعادى لما مايكلمهوش بسبب ........ وكذلك اخواته مش فارقين معاه.......اقعد اتحايل عليه يتصل باخته فالعيد........وفالآخر تقريبا ما اتصلش ......وهى بتزعل.....بس مش مهم ....ماهو دايما بيقولو ان هو مقصر معاهم.......وهو فعلا كدة

هو كويس فى حاجات تانية..........بس الحاجات دى صعبة اوى ......... هو مش فارق معاه خاااالص لو انا ماكلمتهمش خالص ولا كان ليا علاقة بيهم....... بالعكس يمكن احسن...........لكن انا عايشة فى نفس العمارة.........وحابة يكونو ليا اهل.........لكن نتيجة ان علاقته مش حلوة بيهم ..........دة بيأثر عليا فى مواقف بضايق اوى فيها...........هم كمان عندهم شوية حق ....... انهم مايحبوش ييجوا عند اخوهم اللى مابيسألش عنهم ....... ولا يهتمو بيه......هو مش فارق معاه........لكن انا اللى بضايق.......

لما كلهم يتجمعو واحس ان احنا اللى معزولين عن العالم ......... بيأثر فيا أوى
وخايفة لما أولادنا يكبرو ........ يأثر عليهم كمان ان كلهم علاقتهم ببعض تكون حلوة الا احنا

والمشكلة اننا الوحيدين اللى فيهم مظهرنا متدين.........وهم واخدين فكرة مش حلوة عن التدين من زوجى....... ولو انا كمان كبرت دماغى ومابقاش ليا علاقة بيهم.......يبقى المتدينين أهم وحشين ومنعزلين عن العالم

مش عارفة اعمل اية.........يا رب اهديه واهدينى واصلحلنا الاحوال يا رب

__________________
الله معى .. الله ناظرى .. الله شاهد على ..