يحبني ,, ويرتبط بغيري ..!!! فضفضه
يامشرفين مانزلته في هذا القسم الا لاني احتاج نصيحه ومساعده ضروري ++ دخول الاعضاء لهذا القسم أكثر
بسم الله
حأبدأ قصتي ومشكلتي على طول
قرأت كثير عن حركات الشباب ولعبهم بمشاعر البنات ,, اعلم انه الغلط مني لكن للاسف وقعت فيه واعتبره ماضي لكن شبه مستمر وحيجي اليوم اللي اقطعها للابد !! جيتي هنا للفضفضه والدعاء لي وله لانه الحل معروف لكن مايمنع نسمع كلام ونصايح ناس اعلم واخبر منا في الحياة ..
.....
من فتره تعرف علي انسان يكبرني بـ 4 سنوات اعرفكم عليه شوي ( شخصيه قويه ,, قيادي مثابر في عمله وشغله يحب اهله واخواته يحب يساعد الناس كريم جدا بمشاعره ,, لسانه يقطر كلام حلو ,, حنوووووووون جداا ,, قلبه ابيض ,, أسلوبه جدا جممميل يعرف يمسكني بأيدي اللي توجعني,, يصرعلى الشئ اللي يبيه ,, اخلاقه حلوه ,, عصبي شوي ,, وسيم جدااااا ,, من قبيله معروفه ,, غيور ..
قلت لكم شئ بسيط عنه يمكن حيفيدكم ^^
.........
في البدايه كان تعارف بسيط يمكن اقل من اسبوعين واخبرته اني مو مقتنعه بـ هالعلاقات
و انه هذه اول مرا اتعرف على شخص غريب ومو راضيه وانقطعنا برضى مني ومنه بعدين رجع في اقل من اسبوعين , وصارحني انه ارتاح لي ومن هالكلام طبعا مشت الايام وكان كل يوم نكلم بعض عني انا تعودت عليه وماكان فيه أي مشاعر اتجاه لكن هوا صارحني بإعجابه بأخلاقي وطيبه قلبي وفاجأني بسؤال انه اذا تقدمت هل تقبلي بي ؟؟!! وهو كان صريح جدا لدرجه يحكي عن ماضيه وقصص حصلت له ومواقف يومه ,, عدت الايام وكل يوم نكتشف انفسنا اكثر واكثر ,, مانمل من بعض أبداً سوالفنا كثيره كثيره نقفل واحنا مو راضين ونرجع اليوم الثاني بنفس الحماس وبنفس الشوق .
ماانكر اني كنت مرتاحه معه لكن مو راضيه على نفسي أبداً وكنت اقول طيب لمتى وين بنوصل اذا فكرت في الزواج اقول مستحيل لاني اعرف انه من قبيله شوي متششدده يعني مابيأخذوا الا من نفس قبيلتهم .. لكن ماعرف ليه كان في أمــــــل كبير ..
اعطاني كل الحنان كل الحب كل الثقه كل الاحترام فعلا كنت احس بالامان مع شوية خوف ..
حصل اللي ماكنت ابيه بعد محاولات منه وزعل كثير , حصلت بيينا نقاشات حاده , انبح صوته وتعب , كل هذا علشان سالفة الصور طبعا رسلت صوري وكنت ماخذه منه وعد انه يمسح الصوره اول مايشوفها كنت اقول يارب اذا شافني يعافيني ويكرهني المفاجأة انه حبني اكثر بكثيرررر ,, حصلت مواقف وذكريات كثيره كثيره لانه يكلمني باليوم ثلاث او مرتين في اليوم وبالساااااعات .
.. مع العلم انه بيتنا اهلي واخواتي موجودين بس لاني خلصت جامعه ووقت الصباح مافيه احد وكنت اكلمه في وقت الصباح .. تعودت عليه ككثييير مااستغنى عنه لازم اصبح على صوته وجلست شهور انا اصحيه لدوامه ..
اكثر من مره كان يطلب يقابلني , فالبدايه كنت احسه يمزح لكن كان يصر بشكل متكرر ويكرر علي مية مره انه مايعمل فيني شئ .. طبعا انا اعرف طبعه طمماع درجه أولى كنت ألوم نفسسي ليه سامحة له من البدايه , ازعل كثيرونتناقش لكن هوا مايمل ويكرر طلبه كثير ..
المهم بيوم وانا مسافره للمدينه جلست ابكي وكنت اخبره اني رايحه للمدينه بتوب والله يتقبل مني ومن هالكلام قالي انا بأصارحك بشي ترى كل صورك محفوظه عندي الى الان ,, طبعا ماتتخيلوا الصدمه ,, اخذت بعدها موقف منه !!! ثقتي فيه صفر ,, حسيت فعلا انه مافيه امان مافيش انسان صادق ,, كنت ألوم نفسي ,, طبعا بكى وترجاني اساامحه وحلف بالله العظيم انه مسح كل الصور الان ..
طبعا زعلت لمدة اسبوع لانه واخبرته اني ماشفت منه الا الخيبه وماتوقعت منه ,,ومن هالحكي المهم رجعنا وتصافينا ..
اول يوم لما رجعنا بعد هذا الزعل اتصلت فيه وقالي انا بالمستشفى من امس لاني ما اكلت ولا شربت وواضح من صوته انه تعباااان ,, انا بهذاك الوقت خبرته اني أحبه واول مرا اقولها واول مرا اطقها حرفيا له ,, وماقلتها الا من قلب صادق لاني حسيت بندممممه الشديد حسيت بغلاتي عنده وانه المفروض ماافرط فيه .. لانه بالفعل انسان مايتعوض وخبرني سسبب حفظ الصور ..
استمرت الايام و حبه في قلبي يكبر شوي شوي, وفي يوم كنت ابي اشوف ردة فعله قلت له يافلان ترا قريبه لي بتخطبني لولدها
وكانت ردة فعله ماتوقعتها ابدا ,, اتصل وبارك لي وكان صوته متغير وقال انا كلمت امي وقلت اخطبي لي وخبرها عن ديرتي ومن قبيلة مين وووووو ,, امه رفضت رفض قاطططع وقالت مالك الا القرايب ,, لما خبرني بـ رأي امه اسودت الدنيا بوجهي ,, قلبي بكى قبل دموعي ,, عرفت بعدها انه مايقدر يخالف كلام امه ,, للاسف الامل اللي بنيته وحياتي اللي رسمتها معه انهدمت وكل اللي بيننا انتهى .. قفل من هنا ودموعي سالت من هنااا بكيت الين مابقي فيني دمووع كنت اصبر نفسي واقول خيره خيره ان شاء الله ,,
عدى اسبوعين من اصعب الايام اللي مرت علي ,, بعدها بكم يوم ارسل رساله طويله انه ابوه جااء وحطه في الامر الواقع وقاله خطبنا لك بنت عمك والان حـ تمشي معانا نملك وبالحرف قالي انا بعد شوي رايح للحلاق واتعدل غصب عني طبعا ..
مابي احكي لكم ايش حصل لي وايش سويت اتذكر اني بين اهلي وعيوني والله ويشهد الله تنزل غصب عني كتبت له كلام كثييير وباركت له وودعته وداع اخير .. (كنت اقول يمزح علي يمكن يبغى يشوف ردة فعلي والله العظيم الى يومككم ماني مصدقته)
عدت ثلاث شهور وكل يوم اقوي نفسي واصبرها الين جااء قبل كم يوم جات امطار غزيره على منطقته وتجرأت وارسلت له تكلمنا شوي وكنت انصحه ينساني وننسى بعض وخلاص انت مرتبط ومايصير وهالكلام ,, للاسف كررت غلطي وتماديت واتصلت وكان جدا جدا مشتاق .. مابي اطول عليكم من مكالمتين فقط رجع لنفس الدوامه وتكرار سالفه الصور والمقابله ..
طرحت فضفضتي وابغى نصحيه لي وله ساعدوونا يمكن دعوه منكم او كلمه تفوقنا من اللي احنا فيه .. أنا حأرسل له الرابط ..
الله يسعدكم اجمعين ..
في انتظاركم
23-11-2013, 07:13 AM
ضوابط المشاركة
العرض الشجري