السلام عليكم

صار لي موقف مع صديقي

كنا نتناقش على موضوع سياسي قابل للاختلاف بديوانه مع حضور مجموعه من الاصدقاء

بعد ما ابديت وجهة نظري

تكلم هو ويبي يقنعني سألني سؤال بصيغه استهزائيه بصراحه ما اعجبتني قال مين الافضل انت او الكلب!
كان المفروض السؤال يكون بصيغة من الافضل الانسان ام الكلب

المهم ابديت انزعاجي ورديت عليه هالاسلوب ما ينفع وعدل السؤال

كمل حديثه وبالنهايه ختم بسؤال سيء مثل الاول قال يعني الجزمه افضل منك

قلت له عيب هالاسلوب الواطي وانتهت الجلسه الكل قام وقمت مع بعض على طول

الان ما الحل في مثل هالحاله

هم اصدقاء عزيزين بس هو مرات يقفل باسلوب قذر من هالنوعيه من الاسئله

عارف ان طيب بس الكرامه اهم شي

اسحب عليهم او انتظر لين يعتذر ؟

احترت ولو ان ما تفرق معاي ولو ابيع ابيع الكل عادي

والا اتساهل واطنش ما اجيه مده لين يعتذر واقبل اعتذاره *