السلام عليكم ورحمه الله وبركاته
اسال الله ان تكونوا بخير
اذا كنت حكيم وصاحب عقل وحكمه شارك في الموضوع ، غير كذا دعواتك لي ان الموضوع يتسهل.

قصتي بالمختصر
تزوجت وطلقت الحمد لله.
والان بعد مرور سنه اهلي شافوا لي بنت الحلال دينه واخلاق جدا عاليه الحمد لله يارب.
انا في اخذ وعطاء مع اهلي و الوالد والوالده انهم يقولوا للبنت قبل الشوفه الشرعيه عن اني كنت متزوج ومطلق ،، طبعا فتره زواجي كلها على بعضها كانت 2 شهرين اللهم لك الحمد حتى ترضى ولك الحمد اذا رضيت ولك الحمد بعد الرضى، ولم يتم الاتفاق من البدايه ،،. الحمد لله، حبيت اخبر البنت الجديده هاذي بقصتي البسيطه ولاكن ابوي يقولي والله تبغا تطير الناس عليك والجماعه من خيرت الناس، وانت حر، وانا متحمس اقلها وشفتها الشوفه الشرعيه ووافقنا على بعض ولاكن شفت انه مو وقت مناسب اني اقلها في الشوفه الشرعيه واهلي ما قالوا لها
المهم سالوا عني وطلع كل شي تمام، عرفوا ما عرفوا الله اعلم ولاكن الحمد لله سمعتنا جدا طيبه، الان محتار جدا،، اتوكل على الله واسوي عقد النكاح واسكت ما اقلها واخليها تعرف مع الايام بعد الزواج؟؟ وبعدين ان شاء الله تنحل،، ولاكن ايش ممكن يترتب على هذا وهل فيه اذيه لها لشعورها تجاهي؟ او مشاكل احنا في غنى عنها من البدايه

ولا اعطيها القصه الان،، قبل اي شي لانها تستاهل انها تعرف من البدايه، قبل عقد النكاح والارتباط لآن احنا على الشاطئ لسه ماتم شي بس موافقه بالكلام ماجبت مذون شرعي الى الان.
لاكن كيف الطريقه والله اخواتي مايبغوا وقالوا هذا امر الله والزواج مو حرام ، واذا قلنا لها ممكن ماتوافق لان ما قلنا من البدايه وهذي غلطتنا الوحيده اخواتي يقولوا لي انو هاذي غلطتنا انوا ما قلنا لهم انك مطلق من البدايه عشان ما يتم نفور من البدايه وانا في ودوامه وانا محتار،، انا احتاج اتخذ القرار في اقرب وقت،، احتاج افكار طيبه محترمه استفيد منها

وجزاكم الله خير ..

انا افكر اني اقلها،، بس ما اعرف كيف الطريقه؟؟
((تم التعديل ليتناسب مع المضمون))

لو انا مكانها و دريت بعد العقد انك مطلق بطربق الدنيا على راسك


اقسم بالله ماهي صعبة يا جماعه الخير تراني مطلق

يا طويلين الأعمار تراني كنت متزوج قبل بس فترة بسيطة و طلقتها لان مافيه تفاهم بينا

طيب فيه طريقة اريح تزور ابوها على أساس تتفقوا قبل العقد و قول له

ترى ما جت مناسبة اقولكم من قبل لكن ابي اخبركم اني مطلق و اتوقع لما سالتوا عني وصلكم هالمعلومة عني

ماهي صعبة أبداً

اكتبها بورقه و كررها زي بتوع الإختبارات بالزبط

حتﻻقي نفسك حفظت الكلمتين دول و تقولهم دغري و بكل سﻻسة

سهلة ،، لكن اذا بديت حياتك بكذبة م حتلوم الا نفسك


ربنا يعينك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ام خالد الله يوفقك خليتيني اضحك ،، وكنت فعلا حكتبها هههههه الله يوفقك ويخليكي خالد يارب
بس تعالي هنا ،، انا مابديت حياتي بكذه وانا والله ما احب الكذب عشان كذا انا ابي اقول لها والله ابي اقول لها وقسم بالله بقوووول لها بس ابي طرررررريقه ،، مررره ما ينفع،،، اخش عليها على الفيس بوك وارسلها رساله خاصه خخخخخخخ لا ما ينفع
طيب انا بسالك يا ام خالد بصراحه،، فين اودي وجهي لو قالوا لي توك تجي تقول؟؟ ليش ما قلت من قبل 6 شهور لمن اخواتك جو وشافونا وتعرفوا علينا؟؟ اقصد يعني صار الموضوع لوه فتره، فاحتاج انا طريقه مناسبه جدا وسهله ومافيها ذهاب لمويه الوجه، لاني انا والله من البدايه ابي اقول لهم،، وشكرا

هههههههههههههههههههههههه
الله يخليكم لبعض ويرزقكم الذريه الصالحه يارب
بصراحه، انا اهنيكي والله انك مشيتي الامور وهذا الي المفروض يصير وانا اتوقع هذا الشي يصير من نفس البنت الي بخطوبها وتمشيها ليا ان شاء الله لاني ما اخطيت بس ترددت اني اقولها وما كنت صارم يمكن بس لاني ابغاها بصراحه. الله يكتب لنا الي فيه الخير،،، شكراااا لمرورك اسعدني

يا اخي الكريم
بما انهم سالوا عنك.هل تتوقع لم يعرفوا انك مطلق؟
مو معقول.

__________________

ما اتوقع انهم يعرفوا بصراحه ولا على الاقل امهم تتصل على امي وتقول كيف ما قلتم لنا
وبصراحه انا شاب صغير ، يعني ماحد يجي بي باله اني قيد تزوجت اصلن او خطبت حتى
لهذاي السببين انا ما اتوقع انهم يعرفون بصراحه،.

طيب انت بترضى بعد الزواج تقلك انا مطلقة في الخطوبة اي في الملكة حسب عرفكم يعني مطلقة قبل الزواج
بترضى
وﻻ بتقوم الدنيا ومابتقعدها
اعاقد الخيار اﻷخير هوة الي حيصير
طيب بترضى اهتك تتجوة واحد بعدالزواج يقلها انامطلق
اﻷمر غير مقبول اخي
وفيه كذب وتدليس واسال نفتي حيقلك هالحكي غش وﻻيجوز
ا
احكيلها الصراحة من اولها ولو الكم نصيب بتم ولو ماتم معناه ربنا مش كاتبلك نصيب

__________________

واتوقع سؤالهم كان لي امام المسجد حقنا اني مداوم على الصلاه الحمد لله لاني شفت اخوهم جا حارتنا وقعد مع الامام ،، هذا كل الي اتوقعه بس انهم سالوا الامام عن محافظتي ع الصلاه والله اعلم لان الامام ما يعرف اني كنت متزوج . شكرا لي مرورك.

ملك شادي، كلامك على عيني وع راسي وانت سالتني انا والله ما راح ارضى لاني ماني راضي الان.
انا مثل ما وضحك اريد اقلها وفي اقرب فرصه ولاكن عندي معوقات،،
انا اريد الحل المناسب فقط والاسلوب المناسب ،، كيف اوصل لها الخبر؟؟؟ فقط
انا صارت فتره اكثر من شهر ونص وتمت الموافقه بس انا مش راضي اني اجيب المؤذون الشرعي واعمل خطوبه من اجل هذا السبب ومن اجل سبب اخر..
والله يعلم اني قاعد ادور الطريقه المناسبه الي اوصلها لها من دون اي شوشره